[ABOORA]

نعناع:بـــــــــــــــــــــــــــــخ
(يارب تتخض تموت...ههههههه)

لمونه:اعوذ بالله

(انزلى على القوم الكافرين جه زى القضا لا راد لقضائك يارب)

نعناع: حبيبتى لمونه اصفرة مجنونة

(نظام تثبيت قشطه يا معلم)

لمونه:نعناع حبيبى الغالى يا جبنه بيضه يافول حيراتى ياحب غالى ميتنسيش

(حثبتنى حثبتك متفتكرش)


نعناع :وحشتيني ووحشني كلامك
( اللي زي الحجاره )

لمونه :وانت كمان
(كل الحروف بايظه عايز مترجم عشان افهمك)


نعناع :انافى بعادك ما بنمش طول الليل
(بس بنام شويه العصر)

لمونه:نام يا حبيبى نام وادبح لك جوز فراخ
(ما انت مفجوع وعينيك ميملهاش الا التراب)


نعناع : ياريت فيه كلمه تعبر ع اللى انا حاسس به غير بحبك
(لانى فى الحقيقه مبحبكيش)

لمونه:عارفه يا حبيبى عارفه
(حتئولى نيلى نيلى حئولك شريهان شريهاان)


نعناع :اول مره اقول كلمه بحبك لواحده
(وتصدقنى ودا لانك هبله طبعا)

لمونه : مسدئاك يا غالى
(اصلى عبيطه يا ننوس عين ماما )

نعناع :انتى كنتى اجمل واحده فى الحفله امبارح

(بس ابقى اعملى عمليه تجميل فى ودانك ومناخيرك وبقك)

لمونه : وانت كنت ديك البرابر وحسيت وانت جمبى انى عايشه قصه حب ولا الاساطير حنتجوز امتى يا كوتكوتى
(ما شاء الله الواد اهبل بجد عالاقل احلى من الست الوالدة يا عم الاموور ..رد بئه يا خفيف الدم )

نعناع :حنتجوز طبعا يا حبيبتى بس ادينى فرصه 6 شهور
(وبعدها مش هتشوفى وشى)

لمونه: براحتك يا عمرى
(وحياة امك كدااب)

نعناع : باحس دايما انى مسئول عنك
(فى الحاجات اللى متكلفش فلوس)

لمونه: وانا بحس انك شمشون الجبار اللى يتغدى بالولعه ويتعشى بالناار كلامك بيخلينى ادمع........
(كلام كلام كلام انتBIG mouse )

نعناع : بتبقى حلوة اوى وانتى بتبكى
(بس فاهم دموعك كويس ومش هتجوزك)

لمونه: خلاص مش حعيط(عشان البعيد عبيط واهبل يا خلاسى)

نعناع : ازاى كنت عايش من غيرك قبل كده
(اكيد احسن من دلوقتى وع العموم قربت ارجع اعيش من غيرك تانى)

لمونه :خلاص يا نعنع
(متبئاش رزيل)

نعناع : طول الليل بحلم بيكى
(اللهم احفظنا من الكوابيس)

لمونه:ههههههههه(خفيف بشكل يا مضرووب)

نعناع : كلمه منك واقاطع كل الناس
(الا ميمى وسوسو وتوتو و إلخ.....)

لمونه: صادق يا كوتكوت
(ولا تكلمهم فهماك يا صغنن انت ههههه)

نعناع : ماالقمر الا انعكاس لوجهك حبيبتي
( في الليالي المظلمة )

لمونه: وشك بيخلينى اشوف القمر بالنهار
(النجوم فى عز الضهر ياباااى)

نعناع :لما اشوفك يروح مني الكلام وانساه
( من الصدمة )

لمونه:نفس الاحساس والله
(بعيد عنك بيجيلى ارتياح من شكلك)

نعناع :عنيكي احلى مافيكي
(لما تلبسي نظارة هتبقى احلى هههههههه)

لمونه :عينيك جنتى
(بس لو تغسلهم وتعالج الحول اللى فيهم)

نعناع :تتجوزيني ياحبيبتي وحياتي عندك تقولي ايوة

( يارب تقول لا )

لمونه:.....................افكر ده انته غالي عندي اوي
(لا طبعا هوه انا مجنونة .عادي موت بكرة)

[الفارس المصرى]

ايه يا حاجه الناس اللى مخنوقه من بعضها دى
بس على فكره ده اللى بيحصل بين اى اتنين
ده العادى واسالينى انا

[ABOORA]

ياسلام ده العادي يعني

طب احكلنا حكاية الفارس والاميرة

ههههههههههههههه

شكرا على مرورك يافارسنا الغالي

[الفارس المصرى]

طب اعتبريه وعد منى انى اكتب القصه الكامله بتاع الفارس بس مكنش معاه اميره كان معاه حقيره
ومدام وعد يبقى لازم يتنفذ لان الفارس لا يخلف وعدا ولا يغدر ابدا

[ABOORA]

ماشي يافارس معاك لغيت ما تنفز وعدك