[yasmina]

شوفو الستات بيقولو اية على الرجالة من وراهم


جلست بعض السيدات فى النادى فتحدثت سيده وبدأت تخطب فى وسط سيدات النادى وقالت :

قالو ضل راجل ولا ضل حيطه ... ياختى بلا نيله


1 - عمرك سمعتى عن حيطه بتشخر طول الليل ومتخلكيش تعرفى تنامى



2 - ولا حيطه تدخل من باب البيت تجعر عايزه الغداء وبعدين تطين عشتك عشان الملح طلع زياده فى الباميه



3 - ولا ممكن ترجعى البيت فى يوم تلاقى الحيطه بتبوس فى الشغاله



4 - طب شفتى حيطه تملا سقف الشقه دخان والارض سبارس



5 - ولا حيطه تصحيكى من النوم فى نصف الليل عشان معرفش ايه طلع فى دماغها



6 - ولا حيطه تدوخك وراها عشان تشوفيها بتكلم مين فى نصف الليل فى التليفون



7 - طب الحيطه معروف مكانها طول الليل انما المحروس يدوخك وراه عشان تعرفى كان سهران في انه دهيه .... قال ايه عنده شغل : يا سم



8 - ولا فى حيطه تحاول تطلعك غلطانه فى كل الكلمه تقوليها عشان تثبت للعيال ان الحيطه بتفهم عنيك



9 - ولا حيطه تقعد تقولك ماتخرجيش بالفستان ده لحسان اقطعه ولما تطلبى منه فلوس عشان تجيبى فستان غيره تعمل ودن من طين وودن من ...طيب ده حتى الحيطه ليها ودان

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

[الفارس المصرى]

يا مواضيعك يا ياسمينا
انتى عايزه تشعلليها نار تانى
بينا وبينكم
مش كفايه اللى حصلكم المره اللى فاتت

[yasmina]

لا والله يافارس مش بشعللها ولا حاجة
دى ستات طهقانه وبتعبر عن نفسها
ليس الا
شكرررررررراااااااااا على مرورك الكريم

[doaa32002]

هما كده الرجالة يا ياسمينا
و ياريت تشعلليها نار و معتقدش ان الرجالة هتقاوم
و لا ايه ايها الفارس المصري

[ABOORA]

شكرا ياسمينا على موضوعك التحفة

اية اللي جاب سيرة الخناق بس

احنا اخوات ياجماعه

ستات ولا رجاله