أهلا بكم فى منتدى مصر رئيسية موقع مصر | اجعل جميع المنتديات مقروءة
موقع الأفلام العربي
منتدى مصر



المنتدى الحالى: منتدى النكت والالغاز ,الموضوع الحالي: فيلم هندي لاميتاب باتشان هههههههههههههه , المنتدى الرئيسي: منتدي الترفيه و الصور و الفيديو, نبذة من الموضوع: المشهد الأول >أميتاب باتشان وهوه شباب لسة راكب الفيل بتاعه ورايح الشغل وكالعادة >بيشتغل ظابط .. وهوه راكب قاعد يغنى ...

لنك مختصر للموضوع: http://forum.egypt.com/arforum/showthread.php?t=4013


رد

فيلم هندي لاميتاب باتشان هههههههههههههه

حفظ الرابط أدوات الموضوع طرق مشاهدة الموضوع
 
 
 
مصرى مشارك
الصورة الرمزية RONY79

رد مع اقتباس
 
تاريخ التسجيل: Aug 2007
المشاركات: 115
13-08-2007
 
المشهد الأول

>أميتاب باتشان وهوه شباب لسة راكب الفيل بتاعه ورايح الشغل وكالعادة

>بيشتغل ظابط .. وهوه راكب قاعد يغنى بالهندي أغنيته المفضلة
>واركب الفيل ...درجن درجن
>واتفيّل ..درجن درجن .... . ساعتين فى اليوم .. واشد الخرطوم .. ولا
>هييييييه ..
>يسمع وهوه راكب صوت طفلة رضيعة بتعيط .. يركن الفيل على جنب وينزل يلقى
>طفلة رضيعة فى اللفة جنب الجامع
>يتأثر جدا أميتاب من منظرها الرقيق فيغنى لها نص ساعة وهيه كمان تغنى
>له نص ساعة ..
>ياخدها يحطها على الفيل عشان الفيل يوصلها البيت ويروح هوه شغله عشان
>عندهم النهاردة تعديل دستور الهند .. وهوه ماشى يبص ع اليفط المتعلقة
>فى كل أنحاء البلد ..; الرئيس شوهان يرفض التوريث يبتسم ابتسامة هندى
>ويقول بالهندى الشعب ده هندى
>>المشهد الثانى

>تفوت سنين ..أميتاب راجع من شغله وعلى فكرة لسة شباب برضه وداخل البيت
>.. البنت اللى كان لاقيها قدام الجامع كبرت واحلوت .. بقت عروسة هندى
>يعنى
>
>يحبها وتحبه .. ياخدها على الغابه .. يغنى لها نص ساعة وتغنيله نص ساعة
>..
>وفجأة تيجى العصابة بتاعة الراجل الشرير حوالى ستين واحد عشان يخطفوا
>البنت عشان هيه دى البنت الوحيدة فى الهند كلها اللى الراجل الشرير
>الوِحِش عايز يتجوزها ..
>أميتاب يحضن حبيبته بإيد وشغال ضرب فى الرجالة بإيده التانية .. يخلص
>علي الستين واحد كلهم بمسدساتهم بمطاويهم بس للأسف ضافر واحد منهم خدش
>دراعه .. حبيبته تجرى عليه تغنى له نص ساعة ويغنى لها نص ساعة وياخدها
>على البيت بسرعة عشان عندهم النهاردة تعديل دستور .. وهوه ماشى يبص ع
>اليفط يلاقي مكتوب الرئيس هوجو يوجا شاهى شوهان يرفض التوريث



>المشهد الثالث>

>تفوت سنين .. أميتاب باتشان راجع من شغله .. وبجد بجد لسه شباب برضه ..
>يدخل البيت .. يلاقى ست كبيرة عجوزة نكتشف ان هيه دى الطفلة الصغيرة
>اللى لقاها قدام الجامع .. فجأة تيجى العصابة تخطفها قدامه المرة دى
>..يجرى وراهم بالفيل الفور باى فور لغاية ما يوصل لبيت الراجل قليل
>الأدب الشرير اللى أكيد عنده تمساح
>
>يدخل البهو الكبير يلاقى الراجل واقف والست متعلقة من رجلها فى السقف
>.. يدور بعنيه ع التمساح .. يسأل الراجل بالهندى :التمساح بتاعك فين يا
>عم؟
>يرد الراجل : فى البير اللى فوقه مامتك .. يتعجب أميتاب بالهندى :
>مامتى؟ يرد الراجل بشماته : أيوة الست دى أمك ..نياهاهاهاهاها ه ..
>ينظر له أميتاب وهو يضحك ويقول ف سره : عبيط ده وللا ايه؟
>>يتأثر جدا أميتاب ويراجع بالهندى نشيد أمى نداء محبة بل إن كل الحب أم
>ويمسك وجه الست بحنان ويقول لها : انتى أمى؟ ترد الست : ايوة يا أميتاب
>يا ابنى .. أنا مارضيتش أقوللك ع الحقيقة المُرَّة دى وانا فى اللفّة
>عشان العار ..
>>وعشان تصدق شوف دى.. تطلّع له سلسلة فضة عليها صورة واحد مايعرفوش ..
>أكيد ده ابويا؟ ترد عليه : لا يا بنى دى صورة عشيقى ..
>يغنى لها نص ساعة وتغنيله نص ساعة .. يحضنها أميتاب بإيد كالعادة ويخلص
>ع العصابة بالإيد التانية وطبعا يخللى التمساح ياكل الراجل الشرير
>الثافل الوِحِث .. يخرج من القصر يقول لأمه : انجزى يا حاجة عشان عندنا
>النهادرة تعديل دستور .. ينظر إلى اليفط المتعلقة الرئيس حادى بادى
>كرنب زبادى شالو حطو كله علادى هوجا يوجا شاهى شوهان يرفض التوريث



>المشهد الأخير>

>تفوت سنين..أميتاب باتشان راجع من شغله .. بجد بجد بجد لسة شباب برضه
>..راجع البيت يلقى الست أمه بقت عجوزة أوى ..
>فجأة ييجى واحد شباب على موتوسيكل يطخ الولية عيارين .. يجرى وراه
>أميتاب بالفيل يكتشف ان الراجل ده يبقى حفيد الراجل الشرير ..
>يقتله اميتاب باتشان ويرجع لأمه يغنى لها نص ساعة وتغنيله نص ساعة ..
>الست تقول له وهيه بتموت :
>أميتاب يابنى أنا عايزة اقوللك على سر .. أنا مش أمك .. أنا أبقى جدتك
>.. والراجل اللى انت قتلته ده يبقى ابن أخت المخرج .. والراجل الشرير
>يبقى خالك .. وابن الراجل الشرير يبقى عمك .. والعصابة كلها أخواتك فى
>الرضاعة ..
>يصرخ أميتاب باتشان من الصدمة ويغنى نص ساعة وهيه تغنى نص ساعة والواد
>المقتول يغنى نص ساعة .. الست المجهولة دى تقول له : انت مش مستعجل ليه
>؟ هوه مفيش تعديل دستورى النهاردة ؟
>يرد أميتاب : النهاردة الخميس أجازة من التعديلات ..
>تموت الأم .. يلفها أميتاب بقماش من بتاع اليفط مكتوب عليه: الشعب
>أساسا يقبل التوريث
>
>





يارب يكون عجبكم الفيلم

__________________

RONY79 ,مصرى مشارك: عضو فى منتدى مصر , منتدى مصر لكل المصريين

 
 
 
 
مصري مميز
الصورة الرمزية thequeen

رد مع اقتباس
 
تاريخ التسجيل: Aug 2007
المشاركات: 732
14-08-2007
 
هههههههههه شكرا يا جميل بس ايه حكايه النصف ساعه اللي في كل حته ديه شكرا يا جميل
 
 
 
 
مصرى مشارك
الصورة الرمزية RONY79

رد مع اقتباس
 
تاريخ التسجيل: Aug 2007
المشاركات: 115
14-08-2007
 
مهوة دة اسلوب الافلام الهندية

نورتى ياقمر
__________________

RONY79 ,مصرى مشارك: عضو فى منتدى مصر , منتدى مصر لكل المصريين

 
 
 
 
مصرى اصيل
الصورة الرمزية الدكتورة مها

رد مع اقتباس
 
تاريخ التسجيل: Sep 2007
المشاركات: 3,929
28-09-2007
 
هههههههههههههههههههههههههههه

القصة تحفة ورائعة

وبجد تسلم ايدك
 
 
 
 
مصرى ابن بلد
الصورة الرمزية ابراهيم العقرب

رد مع اقتباس
 
تاريخ التسجيل: Jul 2007
الدولة: مصر ام الدنيا ( اسيوط )
العمر: 19
المشاركات: 671
28-09-2007
 
شكرا جزيلا يا رونى
__________________

ابراهيم العقرب ,مصرى ابن بلد: عضو فى منتدى مصر , منتدى مصر لكل المصريين

 
 
 
رد

لنك مختصر للموضوع: http://forum.egypt.com/arforum/showthread.php?t=4013



مواقع النشر

العبارات الدلالية
باتشان, فيلم, لاميتاب, هندي, هههههههههههههه


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
طرق مشاهدة الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود BB متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة
الانتقال السريع إلى

المواضيع المتشابهه
الموضوع كاتب الموضوع المنتدى مشاركات آخر مشاركة
(((((((((((((((((((((((((تعالو اضحكوا شويه على الشباب هههههههههههههه)))))))))))))))) البرنسيسه منتدى النكت والالغاز 6 24-12-2007 07:54 AM