[الفارس المصرى]

عكنن على مراتك وأدعيلى

الصبح وانت رايح على شغلك وهى نايمة تعمد اسقاط اى شيئ او خبط الباب بصوت عالى علشان تصحيها هى كمان 00 اشمعنى انت ؟ ولو حاولت ترجع تنام تانى قالها مادام صحيتى حضري الفطار بقى

اذا كنت بتتفرج على التلفزيون وهى عايزة تغير القناة 00 قالها معلش الحلقة دى مهمة جدا واحد صحبى شافها على القناة الفضائية وقالى ان الحلقة دى هى المسلسل كلة 00 ولو كنت بتتفرج على ماتش كورة هيبقى الموضوع اسهل 00 كل ما حد من اللاعبين من اى فريق يمسك الكورة قالها معلش ثوانى بقى انا حاسس ان الكورة دى جون حتى لو كان حارس المرمى ماسك الكورة والماتش واقف لان فى واحد مصاب
( ملاحظة : اغلب النساء ذو ثقافة كروية ضعيفة )

اصح يوم الجمعة بهمة ونشاط وجهز الافطار لزوجتك بس متنساش انك تستخدم 15 طبق واكبر كمية من الملاعق والشوك و 5 حلل من اللى عندكم فى المطبخ و 10 كوبيات لاعداد طبق بيض وسندوتش جبنة
طبعا يراعى ترك اثار سمنة على الارض مع ترك التلاجة مفتوحة وقشر البيض فى الحوض

فى عيد ميلادها زينلها تورتة عيد ميلادها بخمسين شمعة ولو سألتك لية خمسين رغم ان عندها 15 سنة بس ؟ اتحجج بضعف الاضاءة فى البيت وانت بتبص على النجفة اللى عندكم اللى فيها 30 لمبة مع ابتسامة صفراء خفيفة

لو عملة ريجيم اجرى على السوبر ماركت ومحلات الحلويات واملى التلاجة شكولاتة وحلويات وجاتوهات ..يراعى انك تتمشى فى البيت ولازم يكون فى ايدك شوكولاتايه ولا اى حاجه من اللى هى مش بتاكلها

متنساش رأيك فى طبيخها لو عاملة لحمة قالها حلو اوووى الفراخ دى 00ولو طبخة بامية 00 جميلة اوى الملوخية دى حطة عليها اية ؟؟ ولو عملة كيكة قالها انا بحب اشرب شاى مع البسكويت الحلو دة !!

لو طلبت منك تنشر الهدوم قالها حاضر مع ابتسامة حانية وبعد ما تخلص نشر الهدوم
ادخل عليها وقولها انا نازل اجيب الهدوم اللى وقعت منى فى الشارع ولو سألتك هو اية اللى وقع ؟ اذكر لها كل هدومها اللى كانت مغسولة مع فردة شراب من بتوعك علشان متبقاش مقصودة منك !

لو الزوجة قررت مسح الارضيات فى البيت حاول انك تروح وتيجى على المناطق
المبلولة متحجج بأنك محتاج تتصل ضرورى بواحد صحبك ومرة عطشان ومرة تانية بتجيب الجرنال ومفيش مانع انك تقول انك حاسس ان التليفون هيرن كمان شوية

لو كانت مشغولة فى نظافة البيت او مع الاولاد وطلبت منك تغسل كوبتين الشاى بتوع الصبح الموجودين فى الحوض ارجعلها كمان دقيقة من دخولك المطبخ وانت ماسك كوبية من الاتنين وهى مكسورة واسألها فى براءة ارمى دى فين ؟؟

وانت قاعد تتفرج على التلفزيون وهى طالع عينها فى تنظيف البيت وبعد ما تخلص وتيجى يدوبكك تقعد تستريح جنبك بصلها وقالها حبيبتى معلش ممكن كوبية مية علشان ضهرى بيوجعنى !!


طبعا يا جماعه انا عارف ان دى افكار ضعيفه اصل انا مش متجوز
بس اللى عنده افكار تانيه للعكننه على الكائنات اللى بيطلق عليها ستات يا ريت ميبخلش علينا بيها

[العندليب الاسمر]

انا قلت كدة برضة

اكيد الجدع دة مش متجوز

لان لو متجوز هيعرف ويفهم ويستوعب انه مفيش حاجة بتعكنن علي الكائنات اللي انته بتحكي عنها دي

هههههههههههههههههههههه

اصلا يا بني انت مبتفضاش تفكر ولا تفنن ولا تعمل حاجة من الحواديت دي

واليوم الوحيد اللي انته بتفضي فيه اللي هوة يوم الجمعه وتقول فرصة انام شوية

تلاقي النشاط والحيوية دبت فيهم فجاة كدة والواحدة منهم صحيتلك من النجمه

واقوم افطر يا حبيبي

هههههههههههههههههههههههههه

تحياتي يا الفارس ومنصحكش تضيع نفسك بدري بدري بالافكار المهببة دي

هههههههههههههه

[الفارس المصرى]

لا انا حاليا بتدرب على العكننه مع اخواتى الصغيرين واقدر اقولك انى بقيت موهوب فيها
وصدقنى افكار القتل والتعذيب مش بتراود الانسان الا بعد الجواز
قبل الجواز بيكون زى الملاك والدليل على كده
انه فكر يتنيل يتجوز
شكرا على مرورك يا عندليب

[SABRY]

اذن فهى الحرب

[شيماء حمدى]

هوا كله ضرب ضرب مفيش شتيمة ولااية

كلكو ع البنات ليه دول حتى كائن لطيف

وبعدين مش كل الستات يعنى زى مابتقولوا دول بس 99.9% متظلموش حد لو سمحتم

اوك

وعلى فكرة مش كل البنات مالهاش دعوة بالكورة







]]




اهـــــــــــــــــــلاويـــــــــــــــــــــــــ ــــة جــــــــــــــــــــداااااااااااااااااااااااااااا ااااااااااااااااااا