[ABOORA]

أكيد كل واحد تخيل أو حلم مره من المرات انه لما يموت حايحصل ايه حواليه . . بيته . . جيرانه . . شغله .
أنا بقى حصلت معايا مرة دخلت مددت جسمى استريح ورحت اتخيل ده بيحصل معايا :

إيه الصويت ده ؟ دوشه كبيره . . سمعت منها شوية كلام طراطيش كده : دي عبير تعيشو انتو ( يانهار اسود . . ده أنا ) طرطقت ودانى شويه علشان اتأكد فسمعت : ده الدكتور قال أزمة قلبية جاتلها من ساعتين ( الله ! من ساعتين ولا حدش حاسس منكم يا غجر ) ومين اللى بتزعق دى . . دى عمتى . . الله ! دى عمتى ميته من عشر سنين . إيه ! صحيت مخصوص علشان تفرح فىّ ! ( ماشى عمتى. . حانتقابل فوق ) .
ومين اللى بتعيط جامد دى وبتسأل اللى جنبها : هو مين ياختى اللى مات ؟ ردت عليها :دي عبير اكيد كل اصحابها دلوقتى فرحانين فيها ( يا وليه دا أنا كل اصحابيكلهم جدعان والحمد لله) ا ُمال فين اخويا؟ حتى وانا ميته سايبنى ؟ بيعمل كباية شاى لأمه . أصل امى صاحبة مزاج . والله أنا اللى عاوزه أقوم اشرب كابتشينو . بس اقوم إزاى ! خللينى راقده أتفرج ع اللى بيحصل .
ومين اللى داخل بيعيط جامد ده ؟ محمد حجازي! فيك الخير والله . إنت الوحيد من المنتدي اللى جاى . بتقول إيه لامى؟ إيه ؟ زعق شويه . المرحومه كانت واخده منى عشره جنيه سلف ! ! ! امى : والنبى ياخويا ما قالتلى ( واقول لك ليه اذا كان ده ماحصلش ) .
وفجأه تنفجر امى فى العياط ( موش حزن . . لأ دى بتحنن قلب محمد حجازي علشان مايتكلمش فى حكاية العشره جنيه ) عمتى لامي: بتعيطى ليه يا هبله ؟ ماهي كانت سايبكي ليل نهار وقاعده قدام الكمبوتر بتاعتها ( هو انتى كمان متابعه الكمبيوتر وانتى فوق فى جهنم ) ده انا حتى بعد ما ماتت دخلت كسرت الكمبيوتر بتاعها ( يانهارك اسود يا عمتى ! ! . . ده بأربع آلاف جنيه . . هو انتى مؤذيه ف حياتك ومؤذيه ف مماتك ) .
طبعا ً قمت أجرى ع الكمبيوتر بتاعى . بلا موت بلا زفت . الكل قال : الله أكبر . . الميته صحيت . . عمتي قامت. وبدل ما تفرح جريت ورايا وهى بتقول : الكمبيوتر تاااااااااااااني




عايزه بقى ردود و تكون شامله كلمات العزاء والرثاء . زى مثلا ً . . مثلا ً يعنى :
مـُـتـم بـود . . تعزياتـــى


معلش ياجماعة سخيفة شوية
بس اهي حاجة جت في دماغي قلت اقولها هنا

[jovedal]

اية يا عبورة الكلام بتاعك دة اخص عليكى انا مش حشارك بولا كلمة من اللى بتقوليها دى عزاء اية بس بجد ضايقتينى انشاء اللة اللى يكرهوكى و احنا لينا كام عبورة هى واحدة و لا طلعت و لا نزلت ياوحشة

[ABOORA]

طب ماتزعليش ادينا بنهزر ياعسل

وشكرا على مروووووووورك ياقمر

طب ما انا عايشة اهوه وبرد عليكي

[الفارس المصرى]

ربنا يرحمك يا عبوره ويدخلك فسيح جناته يا رب
وربنا يخلى عمتك يا رب يخليها وتقرفك كمان وكمان بس هى عمتك كده بجد ولا ايه

[ABOORA]

هوه عندي عمه ماتت ربنة يرحمها ويغفرلها بس اللي هنا دي عمه من دماغي

وشكرا على مروووووووووووورك وعزائك ليه
فيه يعني