[ABOORA]

كتير منا عنده حركات عفوية يفعلها دون انتباه ومن غير قصد ، حركات تعودنا عليها ممكن تأذينا وممكن تؤذي من حولنا، ومن هذه الحركات
هز الرجل
كتير من الناس لا تتوقف عن هز رجلها وهي بتتكلم ن لدرجة انها ممكن تضايق اللي بتتكلم معاه واحيانا بتفقده تركيزه على متابعة الكلام ، وحتى لو أمره بالتوقف عن الهز ، هيتوقف لثواني وهيرجع للهز من غير شعور .

وهز الرجل هي إحدى الحركات العصبية التي تلازم الكثير، ويصنفونها على أنها تعبير عن التوتر الدائم.
اللعب بالشعر
هي حركة أكتر ستاتية ، فكتير من الفتيات بيلعبوا بخصلات شعرهن، أو ببيحكوا بشعرهم ( الهرش) أثناء الكلام أو الإصغاء للآخرين ، وهي حركة برضع أحيانا بتكون استفزازية.

واللعب بالشعر في علم النفس هي حركة تدل على الإبحار مع الذات والبحث عن العزلة مع النفس، لكن هذه الحركات مثل غيرها من الحركات قد تتحول إن تكرَّرت إلى عادة سيئة تدل على القلق والتوتر.
قرقضة الأضافر
كتير من الناس تقوم بقرقضة أظافرها وفي ناس تقوم بمص الإبهام وهي من العادات السيئة التي يكتسبها الكثير في مرحلة الطفولة، ولكنها قد تستمر مع البعض وهي حركة تبعث على الاشمئزاز.

وقضم الأظافر ومص الإبهام من الحركات النفسية التي يلجأ البعض إليها للتخفيف من حدة التوتر العصبي النفسي، وهي في غالبها لا تشكل خطر على الاستقرار النفسي، لكن إهمال هذه الحالات واستمرارها لفترات زمنية طويلة دون معالجتها قد يؤدي لاضطراب نفسي.
أكل الشفايف ؟
مص الشفاه والعض عليها، حركة عصبية يفعلها الكثير منا دون إن نشعر به، والحركة دي بتدل على محاولتك الاحتفاظ بسرٍّ ما ولكنك تقاوم خروج الكلمات من شفتيك، لكن تكرار مثل هذه الحركات يدل على نوع من التوتر والانفعال الداخلي.
طرقعة الاصابع
في كتير من الناس بتقوم بطرقعة اصابعها وهي بتتكلم ، وده بيكون دليل على التفاعل مع الآخرين لأنها حركة طبيعية، لكنها عندما تزيد عن حدِّها تصبح رسالة إلى المتحدث بأنك في حالة ملل لينهي حديثه في أقرب وقت، أو قد تدل على رغبتك في التخفيف من حدة النقاش.

وأيضا في حركات كتير بيقوم في بعض الناس بدون وعي ولا قصد ، ولكنها بتؤذي الآخرين متل :
• الأكل والشرب بصوت عالي
• او التحدث أثناء الأكل وفي الفم طعام .
• تنظيف الأسنان بعد الإنتهاء من الطعام أم الملأ.
• تنظيف الانف امام الآخرين ولا مؤاخدة .
وفي كتير كتير غيرها !!!


وأنت يا ترى ؟... ما هي الأفعال التي تثير استفزازك ؟.

[thequeen]

الف شكرا يا قمر علي الموضوع وانا اكتر حركه ان حد يهز رجله قدامي حركه بتنرفزني جدا

[ABOORA]

شكرا على مرووووورك يا احلى ملكه

نورتي

[medo2000]

حلو الموضوع يا عبير

انا اللى بينرفزنى هز الرجلين بس مش لما واحد بيكون بيكلمنى

انا بيحصل معايا موقف تقريبا كل محاضرة فى الكليه

دايما حظى السىء انى اقعد جنب واحد من الناس اللى بتهز رجليها ونبقى قاعدين ومركزين ورا الدكتور وعمالين نكتب والاقى دا بيهز البنج اللى قاعدين عليه

يا سيدى الفاضل بطل مش عارفين نكتب....................حاضر

ويرجع يهز تانى يا عم ابوس ايدك حرام عليك ...........ابدا مفيش استجابة زى ما تقولى بكلم حيطة

والنتيجة حاجة من اتنيين

يا كتبت اى كلام ومفهمتش حاجة

او يا فهمت ومكتبتش
وفى الحالتين الوضع انيل من بعضه

شكرا على الموضوع

[the_crazy_zende]

انا بيحصل معايا موقف تقريبا كل محاضرة فى الكليه

دايما حظى السىء انى اقعد جنب واحد من الناس اللى بتهز رجليها ونبقى قاعدين ومركزين ورا الدكتور وعمالين نكتب والاقى دا بيهز البنج اللى قاعدين عليه

يا سيدى الفاضل بطل مش عارفين نكتب....................حاضر

ويرجع يهز تانى يا عم ابوس ايدك حرام عليك ...........ابدا مفيش استجابة زى ما تقولى بكلم حيطة

والنتيجة حاجة من اتنيين

يا كتبت اى كلام ومفهمتش حاجة

او يا فهمت ومكتبتش
وفى الحالتين الوضع انيل من بعضه

هههههههههههههههههههههههههه انا بقا من سنة اولى لغاية سنة ساتة محضرتش محاضرات علشان مقابلش ناس زى كده
شكرا يا عبورة على الموضوع