صفحة 1 من 2 12 الأخيرةالأخيرة
النتائج 1 إلى 5 من 6
  1. #1
    neo matrix غير متواجد حالياً
    عضو جديد
    تاريخ التسجيل
    Aug 2007
    المشاركات
    33

    افتراضي حبة نكت على الماشى

    مرة واحد بيحلم كل يوم بماتشات كتاكيت... راح للدكتور... فقاله هديلك حقنة دلوقتي ومش هاتحلم بيهم تاني خالص... قاله خليها بكرة يا دكتور علشان النهاردة الماتش النهائي



    صيدلي اتجوز صيدلانية ... خلفوا تركبية ... بدل ما يهشتكوها .. كانوا بيرجوها



    واحد بلديتنا حب يعمل ارهابى .. خطف ابنه .. محدش سأل عليه قتله



    واحد أعمى فتّح ... من الفرحة اتشل



    مره واحد صعيدى حلم انه بيحفر فى بير غويييييط .. صحى لقى ايده فى مناخيره



    واحد صعيدي دخل الجيش ووقف حراسة على بوابة معسكر... عدى عليه الشاويش "محمد" وقاله:اللواء "فريد" جه؟ قاله : ماجاش يا شاويش "محمد"...
    وبعد ساعة رجع له الشاويش محمد وسأله: اللواء "فريد" جه؟ قاله لسه ما جاش...
    وبعد ساعة رجع له تانى وسأله اللواء "فريد" جه؟ قال له لسه ما جاش...
    وبعد ساعة جه اللواء "فريد"... فقاله العسكرى : أنت فين من بدري الشاويش "محمد" حيخرب بيتك



    واحد محشش قاعد مع اصحابه و بيحكيلهم : انا مره طلعلى اسد و كان فى ايدى كباية ميه رميته بيها الاسد طلع يجرى... رد عليه واحد من اللى قاعدين قاله صح انا لما قابلت نفس الاسد ضربته بالقلم ايدى اتبلت



    مره واحد بيقول لواحد صاحبه: اسكت مش انا حماتى ماتت امبارح... قاله لا حول ولا قوة إلا بالله ... ماتت ازاى الست دى؟
    قاله وانا واقف معاها فى البلكونه وقعت من الدور الخامس... قاله لا حول ولا قوة إلا بالله يا رب دى موته وحشه أوى...
    قاله لأ.. ماهى ماوقعتش على الارض... قاله امال ماتت ازاى؟
    قاله وقعت على سلك الكهرباء... قاله يا ساتر يارب دى موته وحشه أوى.. ماتت من الكهرباء طبعا...
    قاله لأ يا عم.. ماهى الكهرباء كانت مقطوعه... قاله امال ماتت ازاى بس؟
    قاله اصل السلك نطرها في حمام السباحه... قاله لا اله الا الله ماتت غرقانه...
    قاله بس يا عم اعوذ بالله... ماهي اول ما نزلت فى الميه... الطشه رفعتها على منط الحمام وطلعت عندى فى البلكونه تانى... قاله امال انت بتقول ماتت ازاى؟
    قاله ما انا لما ما لقيتش فايدة رحت خانقها بالإيشارب



    مرة واحد بيشتكي من الديدان اللي ف بطنه... داخ عند كل الدكاترة... محدش عرف يعالجه... اخر حاجة قالوله فيه شيخ بيشفي من كل الامراض... راحله واشتكي له حالته... قال له... مشكلتك بسيطة جدا... تروح عند محل بيبيع بطيخ... وتشتري بطيخة حمرة وكبيرة... تقطع راسها وتقعد عليها... بيقوم رئيس الديدان بينزل ويلحس منها شوية... ف هيلاقيها حلوة... هيقول للديدان... شباب انزلوا... قام رايح صاحبنا واشتري اكبر بطيخة حمرا وقعد عليها... نزل رئيس الديدان ولحس منها شوية ولقاها حلوة... قال لهم... شباب طلعوها



    مرة اتنين صعايدة ماشيين ف الصحرا... طلع عليهم اسد... راح واحد منهم رمي عليه طوبة وطلع يجرىىىىىى... وبص وراه لقي صاحبه واقف ما بيجريش... قال له مش بتجري ليه؟ قال له واجري ليه؟ هو انا اللي ضربته؟؟؟؟؟



    جماعة صعايدة بينضفوا الحيطة بالمية... الكهرباء مسكت في واحد منهم قعدوا يشدوه و يضربوه عشان يبعد عن الحيطة.. وفي الاخر ودوه المستشفى وكانت نتيجة تقرير الطب الشرعى: سبب الوفاة.. ضرب أفضى الى موووووووت


    واحد بيسأل صاحبه هو ايه الفرق بين تجارة الحشيش وتجارة عين شمس ؟ قام صاحبه قاله تجارة عين شمس 4 سنين انما تجارة الحشيش أقلها 25 سنة



    ابو العربى قابل مذيعة قالت له انا سمعت كتير عن بطولاتك فى الحرب...
    قالها طبعا ابو العربى يسد فى كل مكان فى 48 واليمن و56 و67 و73 والعراق... قالت المذيعه طب هأسألك كام سؤال...
    - لو انت فى الحرب وطلع عليك دبابتين ومعاك قنبلتين هتعمل ايه؟
    -قالها: هادخل عليهم وأفجرهم
    -طيب لو خمسه؟؟؟؟؟؟
    قالها: هادخل عليهم بالسلاح الأبيض
    -طيب لو اربع دبابات... و عشر عساكر... وطيارتين؟
    قالها جرى ايه يا وليه هو مفيش حد بيحارب غيرى وللا إيه؟؟؟



    واحد سنانه كلها طايرة ما عدا الانياب... قدم علي وظيفة عينوه خرامة



    صعيدي وقفت علي وشه دبانة... بيهشها... قالت له حتي انت يا معفن!!!!!



    واحد صعيدي نزل يتمشي.. جابوه من ع الحدود



    واحد اسود اتجوز واحدة سودة زيه.. جابوا ولد ابيض.. سموه مش ممكن



    فرخة اتجوزت فيل... جابوا تشيكن فيليه



    مرة واحد رخم ضرسه كان بيوجعه... راح للدكتور وقاله اخلعلي كل ضروسي وسيبه لوحده زي الكلب



    وحط جاموسة Mouse صعيدي اشتري كمبيوتر... شال ال



    واحد عند دكتور العيون... فالدكتور بيسأله... تقدر تميز العلامات اللي في اللوحة دي؟؟؟ قاله طبعا.. بس هي فين اللوحة؟؟؟؟؟؟؟؟؟؟



    بلدياتنا عند دكتور العيون... بيقوله.. داكتور.. كل ما اشرب شاي عيني توجعني!!!
    قاله متأكد انك بتطلع المعلقة من الكوباية بعد ما تقلب؟؟؟؟؟



    بخيل وهو بيموت قعد يسال علي عياله.. فين محمد؟؟ قال محمد نعم يابا.. وفين محمود؟ رد محمود وهو بيعيط انا هنا يابا.. الاب: ايه ده؟ انتم الاتنين هنا وسايبين نور الصالة قايد


    واحد عنده مزرعة فراخ.. دخل المزرعة لقي كل فرخة بايضة بيضة واحدة بس.. مسك فرخة من رجليها ونتف ريشها وقطعها.. وقال للفراخ اللي مش هتجيب بكرة خمس بيضات هقطعها زي الفرخة دي.. تاني يوم لقي كل الفراخ بايضة خمس بيضات ماعدا فرخة بايضة تلات بيضات بس.. فقاللها ايه ده؟؟ قالت له استر عليا ده انا ديييييييييييك



    كان فيه خمسة صعايدة سموا نفسهم الشجعان التلاتة





    واحد مسطول ماشى في الشارع لقي عمود نور مكتوب عليه شقة للإيجار راح قعد يخبط على العمود لغاية لما جاله مسطول تانى قال له أنت بتعمل إيه هنا قال له اصلي لقيت مكتوب شقة للإيجار قمت قعدت اخبط بس محدش رد علىّ قام التانى قال له غريبة مع إن الجماعة منورين النور فوق.
    واحد مسطول دماغه لفت قابلها من الناحية التانية
    واحد بيحلق ذقنه التليفون رن، عور نفسه عشان لما يرجع يعرف هو وقف لحد فين.
    واحد بلدياتنا حب يشرب سيجارة حطها ف كباية
    واحد كريم أتحرق بيته لما جت المطافي حلف عليهم ما
    يعملوا حاجه لحد ما يشربوا القهوة.
    واحد بخيل دخل مع ابنه سوبر ماركت الولد قال لأبوه: بأحب الشوكولاته أبوه قاله: حبها ورجعها مكانها.


    -* واحد بخيل قال لابنه: إنجح السنة دي وأنا أجبلك كورة.. الولد شد حيله ونجح.. أبوه أشترى له كورة.. وقال له: طب لو نجحت السنة الجاية هانفخها لك.
    بيسوق عربية ومعاه أبوه، أبوه قاله: لف يمين.. المحشش قاله لف أنت مش شايفني سايق
    واحد قصيرراح للترزي عشان يفصل جلابية وبعد ما أخذ الترزي مقاساته قاله القزم إمتى تخلص قاله الترزي خدلك لفه وتعال.
    واحد قبل ما يموت قال لمراته إذا مت اتجوزى جارنا محمود فبتسأله ليه قالها عشان باع لي مره بضاعة وغشني فيها....
    محشش راح للدكتور قاله الدكتور أنت لازم تعمل إشاعة خرج من الأوضة وقال الهرم وقععععع .. الهرم وقعععععععع



    يا رب النكت تعجبكوا










    التعديل الأخير تم بواسطة ABOORA ; 05-09-2007 الساعة 07:15 AM سبب آخر: لا تقل لاحول الله اللفظ ده غلط قول لاحول ولا قوة غلا بالله

  2. #2
    hamada14u غير متواجد حالياً
    مصرى اصيل الصورة الرمزية hamada14u
    تاريخ التسجيل
    Aug 2007
    الدولة
    أرض الفراعنة
    العمر
    23
    المشاركات
    1,946

    افتراضي

    هههههههههههههههههههههههههههههههههههههههههههههههههه هههههههههههههههههههههههههههههههههههههههههههه
    نكت حلوة بجد


    .

    يا ريت تقول من قلبك !

     Egypt.Com - منتدي مصر

  3. #3
    سولوبولو
    ضيف

    افتراضي

    ممنوع السب في المشاركة حتى ولو على سبيل الهزار


    التعديل الأخير تم بواسطة hamo81 ; 04-09-2007 الساعة 02:38 PM

  4. #4

  5. #5
    ABOORA غير متواجد حالياً
    مصرى صاحب مكان الصورة الرمزية ABOORA
    تاريخ التسجيل
    Jun 2007
    الدولة
    in love island
    العمر
    21
    المشاركات
    13,303

    افتراضي

    النكت جميلة جدا تسلم


    If it's wrong to love you .. Then my heart just doesn't want to be right

صفحة 1 من 2 12 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. نكت ع الماشى
    بواسطة يسرى حسن في المنتدى منتدى الترفية بمنتديات مصر
    مشاركات: 3
    آخر مشاركة: 19-03-2012, 09:44 PM
  2. شويه نكت على الماشى
    بواسطة hanybehery في المنتدى منتدى الترفية بمنتديات مصر
    مشاركات: 0
    آخر مشاركة: 03-03-2012, 09:46 AM
  3. نكته على الماشى
    بواسطة حسام صقر في المنتدى منتدى الترفية بمنتديات مصر
    مشاركات: 14
    آخر مشاركة: 15-05-2008, 02:19 AM
  4. شوية نكت كدة على الماشى يارب تعجبكم
    بواسطة MATRIEX في المنتدى منتدى الترفية بمنتديات مصر
    مشاركات: 14
    آخر مشاركة: 08-04-2008, 12:53 AM

الكلمات الدلالية لهذا الموضوع

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
جميع الحقوق محفوظه لمنتديات مصر 2013