[مروة راضى مراد]

محمد فؤاد
[عزيزي الزائر يتوجب عليك التسجيل للمشاهدة الرابطللتسجيل اضغط هنا]
جابر فكرى
اغنية طمنى عليك اللى كلنا حبيناها وقلنا ان فؤاد رجع نفسو بيها وكلامها اللى اثر فينا كلنا
للاسف طلعت اغنية تركية والحان تركية موش زى مافؤاد كاتب عالشريط انها الحانه
*واللى طلع مسجلها من قبله باكتر من 5 شهور فريق تيم اربيا اللى عاملين الاغنية من قبلو بس طبعا مستاذنين اصحابها وقالو ان الالحان تركى موش الحانهم .
تعالو بقى مع بعض نعرف الحقيقة
وطبعا انا عرفتها بمحض الصدفة من خلال صديقى جابر فكرى احد اعضاء الفريق
وكان لى معه هذا اللقاء
انا:جابر قللى حكاية الاغنية بتاعتك (لاجرحت عنيك )دى جت ازاى ؟
جابر:انا سمعت اللحن اللى بتغنيه اصلا مطربة تركية سمعتها وعجبتنى اغنيتها جدا وابتديت ابعت للموقع انى هخد المزيكا دى واغنى عليها واركب كلام وهنزلهلكم على الموقع.
:وبعدين .
:المهم ابتديت انى اركب كلام على اللحن وركبت اكتر من كلام وعملنها سلووعملنها درامه اكتر من مره لحد ما وصلت بشكل ده وبقى اسمها لا جرحت عنيك.
:كان الكلامده امتى؟
:كنا فى اوخر 2006.
:طيب محمد فؤاد ليه نزل اغنيته قبلكم واتشهرت واتعرفت قبل حتى متتعرف اغنية لاجرحت عنيك؟
: مبقولك كنا فى اوخر 2006 وسبنها بعد مخلصنا التسجيل المبدائى _الديمو_ عشان نشوف الشكل وكان الكلامده فى شهر 5 \2007
:طب محمد فؤاد اخدها منكو ازاى وانتو منزلتوهاش؟
:لقيت محمد فؤاد منزل اغنيه اسمها طمنى عليكفى شهر 11 او 10 مش فاكر وبعدين لما لقيتو نزلها ومركب كلام تانى مرضيتش انزلها لانى بحب فؤاد.بس اللى زعلنى وخلانى انزلها انه كتب عليها لحنه وهى مش لحنه.
:طب واتصرفت ازاى ومحمد فؤاد مشهور وممكن تطلع انت فى الاخر محدش يصدقك؟
:وكان فى واحد صديق ليا فى جرنال المساء سمعتهاله من خلال النت قالى انت سرقها من فؤاد قولتله لا: انا هسمعهالك بلتركى وهبعتلك بروفا لينا بالجيتارات وكان بالصدفه واحد من الناس اللى قعده بيقول التاريخ.
وقولتله انا هبعتلك كمان صوره لمطرب بيرطانى وهو هو نفس الصوره والبستر بتاع فؤاد اللى كان عامل فيه صبعه كده

قالى ده سبق صحفى،ونزل الجرنال المساء الحقيقه دى وقالى نزلها على النت وبتالى نزلتها.
:طب ايه رد فعل فؤاد؟
:واحدمن اصدقائى نزل الاغنية على موقع فؤاد تخيلى يعمل ايه؟
:ايه؟
:فؤش كتابله جميله اوى الاغنيه دى!!!!
:لا تعليق!!!
:وكمان الاغنيه دى صعبه جدا وهمامغنينها بشكل جميل وانا هسبتهلكم فى الموقع
وادمله بوكيه وردومتسبته لحد دلوقتى ال يعنى هو مش غيران.
:امممممممممم والله كويس.طب انا سمعت انو اغنيتو دى كانت بتتصور؟
:فعلا كانت بتتصور اوهتصور والموضوع بتاعى ده لغاها.
:ازاى؟وعرفت منين؟
:الصحفى احمد عثمان قالى انها كان فى استرى بورد لموضوع التصوير وكان المخرج بيعملها فكره وكانو بيعملىة دراسه جدواى وكده.
:يعنى ايه استرى بورد؟
:استرى بورد يعنى فكره للكليب.
:ولما الموضوع نزل واتعرف واتفضح فى المجلات قال ازى انا اصور حاجه فيها مشاكل يعنى انا اكتب لحن مين لحنى واعمل مشاكل تانى ولا اعملها واكتب لحن تركى وابقى حرامى ادام الناس.
فى الاخر احب اقول لاتعليق

[ŞŸŞŤЁМ]

شـكــ وبارك الله فيك ـــرا لك ... لك مني أجمل تحية .

[أسامة صلاح]

الاغانى حرام أصلا
بيتسابقو على اية مش عارف
بيتسابقو على مين حيتحاسب الاول ويشيل الذنب الاول
على العموم الاتنين ربنا يحاسبهم على ذنوب كل البشر اللى حيسمعو الاغنية
شكرا على الموضوع

[مروة راضى مراد]

ميرسى يامايسترو بس كان نفسى تقول رايك
وتتفاعل بس مجرد مرورك نورنى ياقمر

[مروة راضى مراد]

المشاركة الأصلية كتبت بواسطة أسامة صلاح [عزيزي الزائر يتوجب عليك التسجيل للمشاهدة الرابطللتسجيل اضغط هنا]

الاغانى حرام أصلا
بيتسابقو على اية مش عارف
بيتسابقو على مين حيتحاسب الاول ويشيل الذنب الاول
على العموم الاتنين ربنا يحاسبهم على ذنوب كل البشر اللى حيسمعو الاغنية
شكرا على الموضوع

شكرا لمرورك ياستاذ اسامة
بس الاغانى انا من رايي انو موش حرام طالما مبتاخركش عن صلاتك وعن واجبك لكن لو فى اوقات فراغك حابب تسمع اغنية حلوة ليه لا
لكن المشكلة هنا انو ازاى واحد زى فؤاد يعمل كده وبكل بجاحة .