الاصلاح الاقتصادى المصرى قريبا جدا

[الفارس المصرى]

مسئول دولي: المصريون سيشعرون بالإصلاح الاقتصادي

بعد 30 عاما
الأحد، 2 مارس 2008 - 12:22
بقلم: محمد عبد الخالق

أطلق مسئول بالبنك الدولي تصريحات حول الإصلاح
الاقتصادي في مصر، الجزء الأول منها مبشر، وهو أن
الإصلاح يسير بخطى ثابتة، أما الجزء الثاني المحبط
فهو أن هذا الإصلاح لن يشعر به المواطنون سوى بعد 25
وربما 30 عاما.
قال خوان جوسيه دابوب المدير الإداري للبنك الدولي،
يوم السبت إن خطوات الإصلاح الاقتصادي في مصر تسير
بثبات، في الوقت الحالي، ثم استدرك قائلا: لكن
الطبقة الكادحة المصرية ستنتظر جيلاً كاملاً قبل أن
تشعر بعوائد ملموسة، حسب الموقع الرسمي لشبكة (CNN)
الإخبارية.
أضاف خوان جوسيه، إن هناك عدداً من التحديات
الداخلية والخارجية، التي يجب على مصر أن تقوم
بمواجهتها في المرحلة القادمة، قائلاً: "هناك المزيد
من التقدم والسرعة وهناك رؤية واضحة، وينتظر الحكومة
المصرية مجموعة من التحديات التي يجب عليها مواجهتها
بمسئولية وثبات، لكن ليس بالضرورة أن يرى الشعب
عوائد هذا التقدم في المرحلة الحالية، فالأمر يتطلب
بعض من الوقت".
وأوضح المسئول الدولي: "يحتاج الإصلاح مدة زمنية
تقاس بجيل كامل، حيث أن المدة الزمنية اللازمة
للحصول على التقدم وبالتالي الإصلاح، تتراوح ما بين
25 إلى 30عاماً".
يُذكر أن تقرير البنك الدولي الذي أصدره في أواخر
سبتمبر الماضي، قد وضع مصر على رأس قائمة الدول التي
نفذت إصلاحات معنية بتسهيل إجراءات ممارسة أنشطة
الأعمال التجارية، وقال إن القاهرة حققت تقدماً
كبيراً في خمسة من المجالات العشرة المحددة لقياس
مدى تطور هذه الأنشطة.
************************************************** ******
ايه رأيكم يا جماعه فى الكلام ده
يعنى فى امل ان ولادنا يشوفوا الاصلاح ده
بس ولادنا دول هيجوا ازاى اذا كنا اصلا مش عارفيين نتجوز فى عهد الزعيم القائد الرياضى الفنان راعى الديموقراطيه صاحب اول طلعه جويه محمد حسنى مبارك اطال الله بقاؤه امين عشان تتخرب بيوتنا اكتر واكتر

[medo2000]

شوف يا فارس اللى انا اعرفه ان الناس اللى بره دول ميعرفوش القرع بتاعنا والنفخ والتمييس اللى بيحصل فى مصر

دا غير انهم فاهمين كويس هما بيعملوا ايه ولذلك ممكن يكون كلامه صح

ويا سيدى ان شاء الله خير يعنى اطمن وحتى لو متجوزتش فانت ممكن تستمتع بالتطور الاقتصادى سنة ولا اتنين قبل ما تتكل على الله

مشكور على الموضوع

[الفارس المصرى]

والله يا ميدو اللى فيه الخير يقدمه ربنا
البد داخله على مجاعه
ربنا يستر
وشكلها هتقلب بثوره
اص مش معقول الشعب اللى تاريخه مليان ثورات ورفض للظلم
يستسلم كده
مشكور حبيبى
مرورك نورنى

[عبقرى نت وبس]

يا ريت يا فارس يبقوا بس 30 لكن بالوضع اللى احنا فيه ده هننزل اكتر وربنا يستر



يا لهوى كل ده

[الفارس المصرى]

المشاركة الأصلية كتبت بواسطة عبقرى نت وبس

يا ريت يا فارس يبقوا بس 30 لكن بالوضع اللى احنا فيه ده هننزل اكتر وربنا يستر



يا لهوى كل ده

يا عم عبقرى ربنا يدينا ويديك طوله العمر
ابقى قابلنى لو مصر شافت حاجه ولو بعد 300 سنه
طول ما احنا ساكتيين كده



يا لهوى كل ده