يا رب مخرَج
وطنين ....وفى إنتماء ......بس فين هو الوطن
إنت مصرى ...بتحب بلدك؟ ..بس فين هى البلد
بقت البلد زى الشيكاره وإحنا البطاطس وجو منها متعبيين
وصاحبها رابط حبلين وقارص
خايف عليها فى يوم تقع
من فوق كتافة وتنفجر من حملها
وتخرج بططسايه تقول على المكتوم جوه قلب اللى زيها
وتقول عاوزه وعاوزه وعاوزه
زى اللى بره الشيكاره من نفس نوعها وصنفها
عاوزه تتنفس عاوزه تاكل وعاوزه تشرب وتعيش بقى
مهى الحياه جوه الشيكاره مهيش حياه
خضار كتير على كل شكل وكل لون وكله فى الزحمه اتلهى
الضلمه عتمه جوه الشيكاره ومش قادرين نفلفص منها
وجت شجاعه بططسايه صغيره
وبعزم صوتها
يا رب مخرج او حتى اطعه صغيره جنب الشيكاره نخرج منها
وربها اجاب دعاها
لكن اول ما خرجت لقت اللى واقف ومستعد
يهرسها وفى نص عيش يحطها
واللى واقف بطاسه وزيت
عاوز يحمر وياكلها كلها
شوف الطمع كمان مش مكفيه حته منها
لاء كلها
يا إما تفضل فى الشيكاره
محبوسه زى اخواتها من نفس نوعها وصنفها
إمتى يا رب صاحب الشيكاره يفكها ؟
وكل اللى جواها يتمتع بخيرها وارضها
مش هى دى ارض العراقه والاصاله
وواجعين دماغنا بسحرها
طب يالا فكونا عشان نشوف
لو حتى نقطه ميه نضيفه منها
او نسمه صافيه بره الشيكاره نشمها
يا رب مخرج فى الشيكاره
او حتى اطعه علشان نفلفص منها
العرض العادي
