| التسجيل |
 |
| مراقب اللغة العربية
 |
 بقى شكلنا بايخ كان ابتهال حزنك لفرح بعيد يشبه لحد كبير شكل انعدام الوزن لبكايا ضدين رمونا ف جبهة خسرانة نلم ف بواقى التذاكر من محطات التعب ونطارد النحس العنيد بالتريقة من خوفنا نطـّوق زوغنا م المحنة لهموم ماهش لينا ودخلنا حلبة سبق ورا كدب صدقناه مستفردين بالوجع وندالة الدنيا زى عواجيز المياتم لما يستحلوا العديد عفرنا أرواحنا الغشيمة بمشية الجنازات و خلفنا مواعيد البنات ف كازينو ع الكورنيش ووقفنا نتلقى العزا ف أموات مانعرفهاش غمينا شوفنا الكفيف بالأمنيات البكر ونذرنا مشاويرنا البريئة لريح مابتحنش ووقفنا نتسند .. على ضل فرح لئيم واما ف أول حزن ماضحكناش بقى شكلنا بايخ واستسلمت حكايتنا للتنهيد إحنا اللى ياما شمتنا ف الحواديت و سذاجة التواريخ بقينا نهرب م اللقا ف الحلم تشتاق لى ف خيالك واحن لك ف السر ما احناش صحاب إلا ف هروب أحلامنا برًّانا ودخولنا ف التوهة ما احناش صحاب غير ف امتلاك الأسى والقعدة ع القهوة . [/frame] | | |||
|
| مواقع النشر |
| العبارات الدلالية |
| الشافعى, بايخ, بقى, شكلنا, عامية, قصيدة, لأشرف, مصرية |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
| التسجيل | التعليمات | قائمة الأعضاء | التقويم |
العرض العادي
