 |
| مراقب الفنون والسياسى
 |
التحـــــــــــــالف  بقلم أحمد فؤاد نجم يعيش أهل بلدى وبينهم مفيش تعارف يخلى التحالف يعيش تعيش كل طايفة من التانية خايفة وتنزل ستاير بداير وشيش لكن فى الموالد يا شعبى يا خالد بنتلم صحبة ونهتف يعيش يعيش أهل بلدى يعيش المثقف على مقهى ريش يعيش يعيش يعيش محفلط مزفلط كتير الكلام عديم الممارسة عدو الزحام بكام كلمة فاضية وكام اصطلاح يفبرك حلول المشاكل قوام يعيش المثقف يعيش يعيش يعيش يعيش أهل بلدى يعيش التنابلة فى حى الزمالك وحى الزمالك مسالك مسالك تحاول تفكر تهوب هنالك تودر حياتك بلاش المهالك لذلك إذا عزت توصف حياتهم تقول الحياة عندنا مش كذلك وممكن تشوفهم فى وسط المدينة إذا مر جنبك أتومبيل سفينة قفاهم عجينة كروشهم سمينة جلودهم بتضوى دماغهم تخينة سنانهم مبارد تفوت فى الجليد ما فيش سخن بارد بيكلوا الحديد ما دام نهر وارد وجاى م الصعيد تزيد الموارد كروشهم تزيد وتسمع وتسلم بأن التنابلة أو الأكلين حيسمع كبيرهم ويعمل مقابلة مع الفلاحين ويحصل تحالف ما بين الجميع ونملا المصارف بدم القطيع أطيع الخليفة وأطيع والديك دا مفروض عليك تزرع وتبعت لحى الزمالك وحى الزمالك مسالك مسالك تحاول تفكر تهوب هنالك تودر حياتك بلاش المهالك لذلك إذا حد جابلك سيرتهم تبسمل تكبر وتهتف كذلك يعيش التنابلة يعيش يعيش يعيش يعيش أهل بلدى يعيش الغلابة فى طى النجوع نهارهم سحابة وليلهم دموع سواعد هزيلة لكن فيها حيلة تبدر تخضر جفاف الربوع مكن شغل كايرو ما يتعبش دايره لا ياكل ولا حتى يقدر يجوع يا غلبان بلدنا يا فلاح ياصانع يا شحم السواقى يا فحم المصانع يا منتج يا مبهج يا آخر حلاوة يا هادى يا راضى يا عاقل يا قانع ما تتعبش عقلك فى شغل السياسة وشوف إنت شغلك بهمة وحماسة وعود عيالك فضيلة الرضا لأن إحنا طبعا عبيد القضا ورزقك ورزقى ورزق الكلاب دا موضوع مؤجل ليوم الحساب كمان الصحافة حتكتب فى حالتك وتنشر مناظر لخالك وحالتك وتطلع يامسعد عليك الغناوى وتسمع باسمك فى قلب القهاوى تحبك مشيرة وبنات الجزيرة وقصة غرامك تشيع فى الرداوى يعيش عم مسعد يعيش يعيش يعيش | | |||
| مراقب الفنون والسياسى
| | ||
| مصرى نشيط
| | ||
| مدير منتدى مصر |
[motr1] رائع يا ماستر أختيار موفق [/motr1]
__________________  أفيقى يا أمه الأسلام  | | ||
| فقيدة منتدى مصر رحمه الله عليكِ وللأسره خالص العزاء | | |
|
| مواقع النشر |
| العبارات الدلالية |
| أحمد, التحالف, بقلم, فؤاد, نجم |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
| التعليمات | قائمة الأعضاء | التقويم |
العرض العادي
