كداب وصدق كدبته
عريان وسلف بدلته
وحياة جوز امى وحضرته
لاصرخ واقول ف خلقته
حنروح فطيس
لو يوم نهيص
ورا ندل بايع ذمته
بنصدقه و بنشكره
وبنحمده ولا حاجه تمره فى جتته
عامل شاويش
مع ناس مفيش
بكروش وريش
وعقول مافيش
وسيادته واضع خطته
فرق تسود
عدى الحدود
واضرب رصاص
ارقع وشوط
خد كام قيراط
وابعت طرود
بطاطين ...لحاف
واللقمه حاف
متغمسه بريحة البارود
علشان ما يعجب حضرته
يا ابن الاصول
يا ابن الذوات الاربع
يا فاهم فى الحاجات
والمحتاجات
ايه لازمته بس العناد
ايش ياخدالريح م البلاط
فضك بقى من صحبته
شوفلك طريق غير سكته
اخريتها طيط
يا ابن العبيط
تزعل تشيط
اشرب معانا من المحيط
وخسيس يدوسنا بجزمته
للشاعره ايمان بكرى
العرض العادي
