[الدكتورة مها]

[align=center]
متشكرة جدا على التثبيت
[/align]

[BunnyBunny]

العنوان ينفع حملة بجد لانى بازعل جدا من بصة الناس فى المجتمع للبنات اللى لسة ربنا مش اردا و لقم الانسان المناسب و اللى بيضغط عليهم بشكل غير طبيعى كان حالتهم كده وصمة عار و كانهم حيموتوا قريب و بالتالى فى بنات تحت وطاة الضغط تطبق مثل " ضل راجل و لا ضل حيطة " حتى لو كانت الحيطة اكثر نفعا من بعض النماذج اللى بنشوفها للاسف من شباب الايام دى و اللى بيعتقد ان عشان البنت عدت اى سن يبقى ترضى باى حد عشان ترفع عن نفسها لقب عانس و احب اقول انى شفت المفهوم ده عند شباب لسة فى اوائل العشرينيات و للاسف معرفش هما جابوه منين او على اى اساس اتزرع فى تفكيرهم .

احب اقول لكل البنات اللى مش اتجوزم سواء كانت 20 سنة او 30 سنة او 100 سنة ان فى حاجة مهمة جدا جدا جدا لازم تعرفوها ان حياتك ملك ليكى انتى مش متحورة حوالين حد و لا مخلوقة لحد معين فمتقلقيش ان نمفيش حد فى حياتك و متعشيش نايمة و صاحية على امل الانتظار و قلق ان الجواز اتاخر و العمر بيجرى و القطر حيفوت مفيش قطر بيفوت لان محدش بياخد اكتر من اللى مكتوب له سعادتك و قناعتك لازم تنبع من احساسك بذاتك و تقديرك ليها حبى نفسك و اشغلى وقتك كل حاجة بتدرسيها او بتتعلميها خبرة ليكى بتنفعك فى حاضرك و مستقبلك و حتى ادام فى تربيتك لاولادك ان شاء الله اشتغلى , اهتمى بصحتك , اهتمى برشاقتك اتعلمى ترسمى , اتعلمى مووسيقى , انضمى للعمل الخيرى , اتعلمى لغة , اعملى دراسات عليا , خدى دورات تنفعك فى شغلك اعملى اسلوب حياة و مش تخلى الظروف هى اللى تتحكم فيكى كانك على طول فى مهب الريح ملكيش وجهة و لا هدف قيمّى نفسك كويس عشان الناس تقيمك كويس و يجيلك الانسان اللى فعلا يقدرك

اى واحدة بتقول لروحها انا كبرت و ياللا اى حد و نلم الدور و اخلف عيلين احط همى فيهم و هو يقضيها قهاوى و صحابه تبقى غلطانة لانها كده فعلا بترخص نفسها اوى و بتاخد اى حاجة حتى لو مش مناسبة عشان بس متبقاش " عانس " دى

و احب اقول للامهات و الاباء اللى طول الوقت بيضغطوا على بناتهم و يبصولهم نظرات شفقة كانهم عندهم عاهة مستديمة تمنعهم من الحياة " لن تعيشى يا امى و لن تعيش يا ابى مصيرى بالنيابة عنى " محدش منهم حيعيش حياتى بدلا منى , مصيرى المكتوب حاعيشه بكل تفاصيله محدش حيشيل عنى حاجة ولا حيقدم و لا حياخر فيا ريت بلاش الاستعجال فى الامور دى و الضغط مع قدوم كل عريس انه لازم توافقى و السلام .

و فى اخر الكلام ارجو انى مكونش طولت عليكم مع خالص احترامى

[روح طفلة]

روووووووعة

ابداع والله

احسنتى ياد.مها

كفيتى ووفيتى

بارك الله فيك وفي قلمك ...

[Saleh Ramadan]

موضوع جميل جدا بس هو ذو شقين الاول هو ان البنات بيقعدوا يتنكوا ويتشرطوا ع الشباب ويطلوبوا
طلبات مالهاش اول من اخر وفى الاخر يقعدوا يقولوا العنوسه والكلام الفاضى ده الشق الثانى هو ان خلاص اللى ربنا ماكتب لاهاش الجواز بأنها تصبر وتحتسب عند الله ويارب ماتكتبها ع حد من اخواتنا

[كهرمانه]

موضوع فى منتهى الجمال

تسلم ايدك يا ست الكل