أجمل ماقيل في الرجال

أبو محمد تعليقاتك بجد مدهشة

وشكرا ليك على تجاوبك مع موضوعي

وطبعا مش كل المقولات تنطبق على الجميع

شكرا لمرورك ومشاركتك الجميلة

والله يا هيما انا توقعت انك تسأل

من أكبر الاخطاء التي يرتكبها الرجل هو محاولة التعرف على امرأة وهو لديه صديقة

لأنه لاتوجد صداقة حقيقية بين المرأة والرجل وحتى وان ظن هو انها صديقة

قد لاتقبل المرأة التي يحبها وجود هذه الصديقة في حياته

واذا اصر عليها قد يخسر المرأة التي يحب والصديقة أيضا لشعورها بالحرج والعاطفة تجاهه

هذا ما فهمته وأرجو ان يكون تفسيري قد وصلك بطريقة صحيحة

وبشكرك جدا على اهتمامك ومشاركتك

ايوة كده فهمت أخيرا هههههههههههههههه
شكرا يا شونا عالتجاوب.

ولا يهمك يا عم انت تؤمر

اقتباس المشاركة الأصلية كتبت بواسطة shona لا يليق بالرجل المهذب أن يسأل إمرأة عن سنها. الراجل مش محتاج يسأل ست عن سنها ... فيه علامات ... هاهاها ... أبغض الرجال عند النساء البخيل والجبان. اعتقد ان دول اكبر شريحتين ... لكن فيه غيرهم ... الخبيث مع الطيبة ايضا مكروه ... و كمان ده بيتوقف على طبيعة الطرف الاخر ... يعني البخيل مع البخيله عادي ... و الجبان مع الجبانه عادي ... أحسن الرجال حظا مع النساء هو الرجل القادر عن الاستغناء عنهن. مفيش راجل يقدر يستغنى عن ست في حياته ... او بمعنى ادق ... اذا وصل الراجل لمرحلة النضج في شخصيته بيحتاج ست جنبه ... لانه يدرك حينها انه قد حان وقت الحصاد ... و لن يأتي له الانفراد بجديد ... لكن المشاركة هتضيفله جديد ... يعني حكاية الاستغناء عنهن دي ... حكاية شطاره ... يعني ازاي يعامل شريكة حياته على انها اهم شأن في حياته ... لكنها ليست كل حياته ... ساعتها هيوصلها الاحساس بامكانية الاستغناء ... بس في الحقيقة هو ميقدرش يستغنى عنها ... دي بس مجرد شطاره منه ... اما ان كانت كلمة ... نساء ... مقصود بيها الكلام عن واحد مقطع السمكة و ديلها ... فالجملة السابقة صحيحة ... و بدون تحفظات ... إذا شكا لك شاب من قسوة إمرأة فأعلم أن قلبه بين أيديها. صحيح ... الستات يتمسكنوا لغاية ما يتمكنوا ... هاهاها ... بس انا بعتبر دي شطاره منهم (قصدي منهن) ... إذا كان جمال الرجل يجذب بعض النساء، فإن معظمهن يبحثن في الرجل عن رجولته لا عن جماله. في المجتمعات العربية ممكن يكون ده صحيح ... ممكن ... لكن الاكيد ان الستات بيحبوا الراجل الجميل ... حتى لو كان عيل في شخصيته ... و ده صحيح في كل المجتمعات ... مجرد رأي ... إذا أخفق الرجل بالحب تمنى أن يعيش أعزبا طوال حياته، وإذا أخفقت المرأة بالحب أسرعت وتزوجت أول رجل تلقاه. الغريبة ان ده صحيح ... بس مش عارف ليه ... هاهاها ... لكن اعتقد ان الراجل عنده شعور بالخلود ، علشان كده مش مهم عنده يعمل بيات شتوي و يضيع من عمره كام سنه ... اما المرأه فعندها شعور بأنها كالوردة ... يعني لو قعدت تتلكع مع ده شويه و ده شويه او عملت بيات شتوي ... هتدبل قبل الاوان ... إذا رأيت رجلا يفتح باب السيارة لزوجته، فاعلم أن احدهما جديدا إما السيارة أو الزوجة. مش سلوك عملي ان الواحد يفتح باب السيارة لزوجته ... الستات عدو المرحلة دي من زمااااااااااااان ... و دلوقتي بيروحوا ع الباب لوحدهم ... هاهاها ... يعني متهيألي انك تقصدي تقولي ان الزوج هو اللي جديد ع الجواز او انه اول مره يشتري سياره ... و في الحالتين بيكون لسه غشيم ... إذا خسر الرجل صديقة لأجل إمرأة، فإنه يخسر المرأة والصديقة معا. محصلتش معايا الحكاية دي خالص ... و على فكره ... الراجل اللي يعرف قيمة الصداقة بجد ... يقدر يصاحب اللي هو عايزه من غير مشاكل ... اما الراجل اللي بيهلس ... فينطبق عليه موضوع الخساره ده ... إذا كذب الرجل فإن ألف إمرأة سوف تصدقه وإذا كذبت المرأة فلن تجد من يصدقها. ده لان الرجاله مهاراتهم في الكذب اعلى بكتير من الستات ... طبعا انا اقصد الرجاله الكدابين ... هاهاها ... إن أردت أن تكون محظوظا عند النساء فمازح المرأة كطفلة والطفلة مرأة. بس مش علطول ... و الا هتقوله ... انت شايفني هبله قدامك ولا ايه ... هاهاها ... إذا أحب الرجل إمرأة ساقها من كأس حنانه، وإذا أحبت إمرأة رجلا أظمأته. الجزء الاول صحيح ... الجزء التاني غلط ... و احيانا بيكونوا الجزئين غلط ... مع الاسف ... إذا فقد الرجل المرأة التي يهواها فإنه يصعب عليه أن يجد غيرها بسهولة. ياااااااااااه ... ربنا مايحط راجل في الموقف ده ... أسوأ أنواع الرجال من لا يثق بامرأته، فهو يحقر نفسه من حيث لايدري. الثقة ليست منحه مجانية يعطيها الزوج لزوجته ... فهي اما ان تكون جديرة بالثقة او غير جديرة بها ... يعني الراجل اللي بيخاف يشيل اسرار او اموال مع زوجته بسبب تجارب فاشلة سابقة معها ... يبأه راجل سيئ؟ ... تيجي ازاي ... بالعكس ... الزوجة هي اللي بتدعم مركزها عند الزوج او تهدمه ... و فيه ستات بتعمل ده كويس اوي ... يعني بنتزع الثقة انتزاعا و كأنها تسعى اليها ... و بتثبت وجودها دايما و بتثبت انها محل ثقة ... أكثر ما تخشاه المرأة من الرجل هو صمته، أكثر ما يخشاه الرجل من المرأة هو كلامها. الكلام ده صحيح احيانا و ليس طول الوقت ... التملك بالنسبة للرجل نهاية، لكنه للمرأة بداية. دلوقتي بس حسيت ان الرجاله غلابه و سذج جدا ... هاهاها ... الحب خريف الرجل وربيع المرأة. قريت الجملة دي كتير قبل كده و مش عارف ابلعها ... لاني مش قادر استوعب الجزء الاول منها ... الرجال يحبون قليلا وغالبا، والنساء يحبن كثيرا ونادرا. لو حبينا نوضح الجملة دي اكتر ... نقدر نقول ان الرجاله بيحبو مرات كتيرة بس كل مره فترة قصيرة ... انما الستات بيحبوا مرات قليلة اوي بس كل مره فترتها طويلة جدا ... يعني م الاخر الرجاله دول قللات الادب ... هاهاها ... متشكرين يا ست شونه ... الرجل رجل في بعض الأوقات، والأنثى أنثى في كل الأوقات. تبئي اكيد مقريتيش موضوع صوفي بتاع المرأه العاملة اللي بئت نصف امرأه ... هاهاها ... الرجل الذي لايعرف نواحي القوة فيه، هدف سهل للمرأة التي لاتعرف نواحي الضعف فيه. ودنك منين يا جحا ... هاهاها ... الرجل له مصباح هو الضمير، والمرأة لها نجم هو الأمل، فالمصباح يهدي والأمل ينجي. زي حكاية انا المخ و انت العضلات ... هاهاها ... الرجل الذي يهابه الرجال تحبه النساء. الرجل الذي يهابه الرجال تحبه النساء القويات الرجل يخفي خيانته وراء ابتسامته، والمرأة تخفيها وراء دموعها. عصابات دول ولا ايه ... انا حاسس اني بتفرج على فيلم ماتريكس ... هاهاها ... الرجل أرجوحه بين ابتسامة المرأة ودموعها. كان زمان و جبر ... هاهاها ... الرجل القوي هو الذي يخضع المرأة لإرادته دون أن يأمرها. برضه كان زمان و جبر ... هاهاها ... دلوقتي الراجل بيطلب برام الباميه يتعمله بعد شهر ... هاهاها ... الرجل يظل جاهلا بالصفات التي يكرهها في المرأة حتى يتزوج. مكنش لازم تفكرينا ... هاهاها ... الرجل الذي لايغتفر عيوب المرأة، هيهات أن ينعم بحبها. متقلقيش ... الرجاله (المتجوزين ، طبعا) حفظين الدرس ده ... هاهاها ... و قاعدين كل يوم يغفروا ... ربنا يكون في عون الجنس الغلبان ده ... يعني ناقص الزوجة اللي شعرها اكرت ... تقول لجوزها ... انا شعري حرير ياض ... و هو يقولها ... سبايك دهب يا حياتي ... انا مش عارف انتي بتروحي لمكوجي رجل ليه بس ... هي خسارة فلوس و خلاص ... هاهاهاهاها ... الرجال يصنعون عظائم الأمور هذه حقيقة، لكن النساء يصنعن الرجال هذه حقيقة ننساها دائما دايما كنت اقرأ الكلام ده في كتب المدرسة ... في المجلات و الجرايد ... بس لما خرجت للحياه لقيت كلمة يصنعن دي كلمة مبالغ فيها جدا ...

طبعا التعليقات اللي كتبتها بتعبر عن رأيي الشخصي ... و ممكن غيري يشوف الامور بطريقة مختلفة ...