السلام عليكم ازيك يا اسكندرانيه
يارب يكون الكرسى عاجبك
قبل ما اسأل
قولى ورايا
والله العظيم هقول الحق
الركن الاول من الاسئله
اسمك بالكامل؟
انتى منين؟
شغاله ايه؟
وحاصله على ايه؟
حبيتى قبل كدا؟
ايه علاقتك بأسرتك؟
مين اقرب انسان ليك فى الاسره؟
ولدك ولا ولدتك الاقرب ليك؟
مين اكتر واحد بتحبيه فى اصحابك؟
اكترمره كنتى مضايقه فيها فى حياتك؟
وايه السبب لو امكن؟
اكتر مره كنتى سعيده فيها فى حياتك ؟ وايه السبب؟
لازم السبب
اكبرمبلغ مسكتيه؟
واقل مبلغ كان فى شنطتك؟
بتحبى تسمعى قران ولا تحبى تقرئى انتى بنفسك؟
انهى الى بيريحك نفسيا اكتر؟
بتسمعى اغانى؟وايه نوعية الاغانى الى بتحبيها؟
اتجرحتى قبل كدا من شخص بتحبيه؟وقدرتى بعد كدا تسمحيه؟
ايه موصفات فتى احلامك؟
انتى بتاعت مصلحتك؟
بتحبى نفسك؟انانيه يعنى؟
الغرور ليه مكان فى حياتك؟.
الصداقه عندك ايه معناه؟
من السهل عندك انك تبيعى صديق او صديقه بمجرد انك اختلفتى معه فى وجة نظر؟
جرحتى حد قبل كدا؟
ندمتى على كلمه قولتيها لشخص وكنتى تتمنى انك متقولهاش؟
الركن الثانى مرتاحه فى شغلك؟
مين اكتر شخص بتحبيه فى شغلك.؟
مين اكتر شخص بتكرهيه فى شغلك؟
ايه شخصيتك فى الشغل؟منفعله يعنى ولا هاديه ولا ايه ظروفك؟
مشوار الشغل متعب ولا سهل؟
حد عمل فيكى مقلب قبل كدا؟وايه المقلب دا؟
مين اكتر واحد بترتحله فى شغلك؟
لما بتكونى مخنوقه او مضايقه فى الشغل بتروحى فين وبتعملى ايه؟ا
اذا زميلك فى الشغل وهو بيقدملك القهوه او الشاى دلقها عليكى ايه هيكون رد فعلك؟واذا المدير بتاعك وانت قاعده معه طلب منك تجبيله كبايه الشاى من على المكتب لانه مش طايلها وانتى بتدهاله ادلقت منك على اوراق مهمه جداااااا بالشغل ايه هيكون رد فعلك؟
كسفتى حد قبل كدا فى طلب طلبه منك؟
لو كنت مقتنعه بوجهة نظر فى شغلك وشايفه انها الصح والمدير طلب منك تغيريها وتعملى الى فى دماغه تعملى ايه؟الشغل الى انتى فيه دا هو الى كنتى بتتمنى انك تشتغلى فيه ولا ؟
الركن الثالث عرفتى المنتدى منين؟
مين اول واحد عرفتيه فى المنتدى؟
مين اخر واحد عرفتيه فى المنتدى؟
ايه احسن موضوع شفتيه فى المنتدى؟
مين اكتر واحد بترتحيله فى المنتدى؟
مين اكتر وحده بترتحيلها فى المنتدى؟
قولى 5 اشخاص بتحبى تقرائى ليهم؟
فى حد ندمانه انك عرفتيه من المنتدى؟ومين هو او مين هى؟
ومين الى كنتى تتمنى انك تعرفيه من زمااااااااااان
(من المنتدى)؟ايه اريك فى دول؟
ابو يوسف
بنت الكنانه
hos65
الحبيب المخلص
ابو حفص
الفارس المصرى
كهرمان
جورى
اسامه صلاح
العندليب الاسمر
ادكاوى
ايه احسن موضوع عجبك فى المنتدى؟
ايه اكتر حاجه بضايقك فى المنتدى؟
اسم المنتدى عاجبك؟
ولو مش عاجبك تحبى تسميه ايه؟
حسيتى انك اتظلمتى قبل كدا فى المنتدى؟
حسيتى انك ظلمتى حد قبل كدا فى المنتدى؟
تحبى انك تكونى مشرف ولا عضوه ولا مديره؟وليه؟
الركن الرابع
مين الى بنى مدينة الاسكندريه؟
دخلتى دور تانى (ملاحق) قبل كدا فى المدرسه؟
تفتخرى انك اسكندرنيه؟ولالالالالالالالالالا؟
خدى النكته منى
كان فى وحده مشيها بطال فرحلها بتاع البسبوسه ومعه صنية البسبوسه ودخل عندها ولسه هيقعدوا فالباب خبط فدخلت بتاع البسبوسه تحت السرير وفتحت الباب
فلقيت بتاع اللحمه وجايب معه صنية لحمه
فدخلته ولسه هيقعدوا فالباب خبط
فدخلته تحت السرير برضوا
ففتحت الباب فلقيت الصبى بتاع الجزار
فدخلته ولسه هيقعدوا فلقيت الباب خبط
فدخلته تحت السرير
ففتحت فلقيته جوزها
فقلتله ازيك يا حبيبى
قالها انا جعان جدا
فقلتله انا لسه معملتش اكل قالها ياااااااه لسه هستنى
يااااه لو ربنا يبعتلنا صنية لحمه كدا جاهزه!!!!
فطلع الجزار من تحت السرير ومعه الصنيه
فجوزها قال ايه دا
فالجزار قال (انا ملاك من السما جايبلك صنية اللحمه دى ليك )
فالراجل قال احمدك يارب
والجزار مشى طبعا
فبعد ما اكل وكله تمام قال ياسلام لو نحلى بحاجه حلوه كدا بعد الاكله دى!!
فطلع بتاع البسبوسه بالصنيه
فالراجل قال ايه دا
قاله(انا ملاك من السما جايبلك صنية البسبوسه دى ليك)
فقال احمدك يا رب
فالصبى قاعد تحت السرير مش عارف هيطلع اذاى
فاخر ما زهق راح طلع
فاراجل قال ايه دا؟؟؟!!
فالصبى قاله(انا ملاك من السماء جاى الم الصوانى)
ههههههههههههههههههه
انتى بقى هتقولينى نكتة ايه؟؟
ايه الى مش عاجبك فى شخصيتك وتتمنى انك تغيريها؟
انا رايك فى سوء الظن؟
لما تبعتى لعضو رساله خاصه وتقوليله كلمنى على الميل عشان عايزاك ضرورى ويطنشك بيبقى احساسك ايه.؟
طب واذا حصل العكس وانتى الى طنشتى مش بتفكرى انه العضو دا او العضوه ممكن يزعل منك؟
ايه رايك فى الصداقه على النت؟
تعتقدى انها بتبقى متأصله زى الصداقه فى الواقع؟
ايه الحب من وجة نظرك؟
كلام حلو يتقال ما بين اتنين؟
ولا احاسيس ومشاعر متبادله من النحيتين؟ولا ايه؟
اذا افتقدت علاقه حب ما بين اتني عنصر (التضحيه) يعتبر دا حب؟
وتتوقعى مستقبل العلاقه دى ايه؟
اذا حد عاكسك فى الشارع بتعملى ايه؟
لما حد بيعاكسك بتذود ثقتك فى نفسك؟
ولا بتحسى ان فى حاجه غلط فى لبسك مثلا او منظرك العام.؟
طب اذا اتريق عليك وعلى لبسك بتردى عليه؟
واذا رديتى عليه وطلع شخص قليل الادب ورد عليك هتكملى المشاكسه معه؟
ناويه تتجوزى بطرقه تقليديه؟ولا؟
واذا باباكى كان موافق على العريس دا وانتى مش ضايقاه هتعاندى مع باباكى؟
جالك احساس انك ممكن تعنسى؟
اذا شوفتى واحده صحبتك بتحب واحد جداااااا وانتى متأكده انه مش بيحبها وانه بيتسلى بيها هتقوليلها؟واذا قالتلك ملكيش دعوه هتسبيها ولا؟
ايه احسن محافظه فى الصعيد بالنسبالك؟
ايه احسن محافظه فى وجه بحرى بالنسبالك؟
افضل مرحله فى حياتك؟
واصعب مرحله فى حياتك؟
ايه الحيوان الى ميرضاش ياكل فريسته الا وهى حيه واذا لقيها ميته ميرضاش يكلها؟
ايه الى شغال فى التلفزيون عندك فى اللحظه دى؟
هاتى كلمه بالانجليزى تعنى كلمة يكتشف بالعربى وحطيها فى جمله؟
تعتبرى نفسك محبوبه؟
كتبت كلمات قبل كدا وندمتى انك كتبتها؟
حد كسفك قبل كدا؟
ايه اطرف موقف فى حياتك وصعب انك تنساه؟
الشخص الى هيكون زوجك هتشترطى ان يكون شكله حلو؟
علاقتك مع جيرانك شكلها ايه؟
ايه اكتر سؤال كان صعب عليكى فى الاسئلة بتعتى؟
وايه اكتر سؤال كان صعب عامتا؟
اتمنى ان تكون اسئلتى خفيفه ومتزعلكيش منى
زعلانه منى؟؟؟؟؟؟؟؟؟
العرض العادي
