اقتباس:
المشاركة الأصلية كتبت بواسطة بنت الكنانة
 اولا يا جوفي
سالتك قبل كده عن معنى اسمك
ما عبترنيش
دلوقتي بقى ممكن تقولي معناه
000000000000000
ثانيا ميدو لازم يجاوب على الاسئلة |
اقتباس:
المشاركة الأصلية كتبت بواسطة hamada14u
البطاقة الشخصية لو سمحتى
يعنى الاسم والسن و.............إلخ |
اقتباس:
المشاركة الأصلية كتبت بواسطة الفارس المصرى
اولا اعتذر عن غيابى عن المنتدى
والحمد لله
انى لحقت جوفى على الكرسى
قوليلى يا جوفى
اكتر عضو بتستتقليه فى المنتدى
ومين هو مثلك الاعلى
ومصر بالنسبه لك ايه |
اقتباس:
المشاركة الأصلية كتبت بواسطة thequeen
مبروك يا جوفيدال انا عايزه اعرف معني اسمك؟نوع دراستك؟طموحك  |
اقتباس:
المشاركة الأصلية كتبت بواسطة الفارس المصرى
انا عايز اعرف اول قصه حب فى حياتك
وليه فشلت
لانها اكيد فشلت........
وعايز اعرف هواياتك ومميزاتك اللى انتى شايفاها فى نفسك
وعيوبـــــــــــــك |
اقتباس:
المشاركة الأصلية كتبت بواسطة yasmina
جو مبروك على الكرسى
عاوزه اعرف امنياتك فى الحياه
ايه لحظاتك الحلوة والمرة
مواصفات فارس احلامك |
اقتباس:
المشاركة الأصلية كتبت بواسطة jovedal
اولا انا مقدرش معبركيش ممكن بس اكون مخدتش بالى لانك عضوة جميلة بالمنتدى ثانيا معنى اسمى هو ملكة جمال باللغة التركية و اشكرك يا بنت مصر و انتى غالية عليا
|
اقتباس:
المشاركة الأصلية كتبت بواسطة jovedal
اشكرك يا حمادة على سوالك دة
الاسم : جوفيدال مصطفى
السن:21 عام
النوع:انثى
الجنسية:مصريه لبنانية
مهنتى: طالبة بكلية اداب جامعة القاهرة
محل الاقامة: شويه فى مصر وقت الدراسة و فى الاجازة عند اهلى بلبنان
و يا حمادة لو فى حاجة ناقصة قولى و انا اجوبك احسن يقولوا على بزور البطاقة الشخصية و اخش السجن بسببك ههههههه
|
اقتباس:
المشاركة الأصلية كتبت بواسطة jovedal
اصدق لحقت تشلفطنى يا فارس و اكتر عضو بستتقل دمه ....... خليها فى سرك احسن
و مثلى الاعلى رسولى الكريم افضل الصلاة عليه ثم والدى العزيز
و مصر بالنسبة لى عمر بحاله و ذكريات بحلوها و مرة بس اكيد فيها عبق مصر
|
اقتباس:
المشاركة الأصلية كتبت بواسطة jovedal
الله يبارك فيكى يا ملكة عقبال لما ناعدك على الكرسى و خليكى تعترفى بكل حاجة...هههههههههههه
اسمى يا ملوكة جوفيدال مصطفى
بدرس بكلية الاداب قسم عبرى
و طموحى فى الحياة انى اكون مجتهدة و اخلص الجامعة بسرعة و على خير
|
اقتباس:
المشاركة الأصلية كتبت بواسطة jovedal
اول قصة حب لا تتسم الا من خلال حب من طرف واحد لانى اكتشفت انو متزوج و طبعا دة معناة انو مابيحبنيش ولذلك فاكون انا حبيت من طرف واحد...
هواياتى الرسم القراءة سماع اغانى كلاسيك و سلو و بحب الاشغال اليدوية
مميزاتى انى طيبة ممكن لدرجة الهبل شويه ... طموحة...مش بشيل من حد ... حنينة ..بكرة الكدب جدااااااااااا
عيوبى عصبية شوية...بترفز بسرعة واهدى بسرعة....مش باردة ...و ببقى مضغوطة كتير...بحس حالى اكبر من سنى
|
اقتباس:
المشاركة الأصلية كتبت بواسطة jovedal
ميرسلى ليكى اوى يا ياسمينا و انت انسانة لذيذة جدااااااااااااااا و عقبال ما تعدى على الكرسى ويجى المحقق كونن فارس يستجوبك ههههههههههه
امنيتى فى الحياة انى ارجع اعيش فى مصر
لحظتى الحلوة و انا راكبة الطيارة وجاية مصر .....وانا رايحة للبنان وبستقبل اخواتى و بابا و ماما
اللحظة المرة قيام حرب تموز بلبنان اسوء فترة فى حياتى انقطعت صلتى باهلى و ما نزلتش الاجازة اللى فاتت عند اهلى بلبنان ربنا ما يوريكوا
مواصفات فارس احلامى اذا احبنى كرمنى و اذا كرهنى لم يظلمنى
|
ههههههههههههههههههههه...دمك خفيف و الله يا عندليب بس للعلم انا ما بلشرب الا الشاى شيشة مش بشربها خالص
و بالنسبة لrelax tin فهى كدة بالعبرية הִגִּישׁ מַתָּנָה לְ- و شكرا على الترحيب الجميل دة و ربنا يستر من الاسئلة
اقتباس:
المشاركة الأصلية كتبت بواسطة jovedal
الله يبارك فيك يا استاذ كيمو و لا نقول يا بليه هههههههههههه
نفسى تاعد على كرسى الاعتراف و ابهدلك اسئلة و حتجاااااااااااااااوب يعنى حتجاوب و بالنسبة لاسئلتك فهى اسهل م اسئلة الثانوية العامة......هههههههههه
جوفيدال انا عاوزك تردى بصراحة :
تعطى كل وردة لمن :
اللون الأحمر الداكن: انا افتقدك كثيراً :مين : والدى و والتدتى واخواتى
...اللون الاصفر: انت شمس في حياتي:مين: والدى
اللون الوردي: انا اعشقك واوعدك بالصدق :مين: لزوجى (زوج المستقبل)
اللون الابيض: انا اؤمن بعفتك وطهارتك :مين: لرسولى الكريم سيدنا محمد (صلعم)
اللون البرتقالي: انا صديقك المخلص والوفي:مين: صديقتى هبة الله
اللون البنفسجي: اتمنى لك كل السعاده والتوفيق:مين: لكل احبائى و اصدقائى
وشكرا ليك
|
اقتباس:
المشاركة الأصلية كتبت بواسطة medo2000
اولا الحياة فى انهى بلد افضل بالنسبالك لبنان ولا مصر
ثانيا لو بتحبى تقدرى تعترفى بكدا للشخص دا ولا لا
ثالثا لو جالك عريس ووافقتى عليه وقبل الجواز ب يصارحك انا كنت اعرف فلانه وعلانه وعملت كيت وكيت وكيت
هتتجوزيه برده ولا؟؟؟؟؟؟؟
لو اتقدملك واحد اصغر من ك بسنه او بسنتين هتوافقى ولا ايه كلامك ساعتها؟؟
البقيه تاتى |
اقتباس:
المشاركة الأصلية كتبت بواسطة hamada14u
أنا اسئلتى سهلة خالص
يعنى مثلا ليكى فى الكورة؟.....بتشجعى مين الاهلى ولا الزمالك ولا نادى لبنانى؟
مين اللاعب اللى بتحبى لعبه؟ |
اقتباس:
المشاركة الأصلية كتبت بواسطة jovedal
الحياة فى البلدين افضل و خاصة فى لبنان بس دلوقت فى دمار كتيير و خلافات سياسية و حاجات كتير فطبعا مصر امنة و يدومها نعمة انشاء الله بس الاتنين بلدى و معرفش افرق او اميز بين اخوات بس بحن لمصر
لو بحب مقدرش اعترف للشخص اللى بحبه بكدا الا اذا هو صارحنى الاول
موضوع العريس اللى له ماضى معتقدش انى حوافق عليه لانى اساسا انا من النوع اللى شكاكة شوى فاذا حتجوز واحد يستحسن انو يكون من غير ماضى علشان اريح حالى بس ممكن يبقى فى شخص جاد و بيتكلم بصراحة و اكيد ححترم صراحته
ثم ان ماضيه دة حيختلف تقديرة بالنسبة لى يعن لى اذا مثلا كان بيزنى طبعا حرفضة اذا كانت مثلا علاقة حب بريئة و انتهت بسلام ممكن اغير تفيكرى فدة موضوع نسبى و تقديرى و يختلف يا ميدو
لو واحد اتقدملى اصغر منى بس فرق مش كبير اقصاها 3 سنين مثلا ممكن اوافق بس ابقى شايفة فيه حاجات مينفعش ان اسيب عريس زيه انو يكون مثلا مثقف متدين وحاجات كتير يعنى بس ممكن مش ارفض
باين عليك جايب لى واحد يا ميدو انته مرشحلى واحد من الحضانهولا ايه...ههههههههههه
|
اقتباس:
المشاركة الأصلية كتبت بواسطة jovedal
انا يا سى حمادة ماليش فى الكورة خاااااااااااااااااااااااااااااااااالص و لابحبها اساسا فطبعا مش حشجع اى حد و لا لبنانى و لا مصرى و لا فى لاعب احبه لانى اساسا معرفهمش بس فى حاجتين بحبهم فى الكورة اذا مصر بتلعب مع اجانب بفرح لما بسمع انها كسبت و تانى حاجة لما ببقى فى مصر و عايزة اشترى حاجة لما بعرف ان فيه ماتش بنزل اشترى حاجتى لان الشوارع و الدنيا بتبقى فااااااااااااااااااااااااااااااضية و راااااااااااااااااااااايقة
مشكور يا حمادة على الاسئلة السهلة دى
|
اقتباس:
المشاركة الأصلية كتبت بواسطة الفارس المصرى
جوفى
مين الشخص اللى اثر فيكى جدا
ومين الشخصيه النسائيه اللى نفسك تكونى زيها |
اقتباس:
المشاركة الأصلية كتبت بواسطة thequeen
حبيبت قلبي الناس سالت كل الاسئله مش سيبنلي حاجه بس انا نفسي اسالك اشمعني اللغه العبريه؟ ونفسك استقرارك يكون فين مصر ولا لبنان يعني لو جالك عريس وسيم كده وزي العسل زيك تطلبي منه عش الزوجيه فين؟ وعندك كام اخت واخ؟وانتي ترتيبك كام بينهم؟ |
اقتباس:
المشاركة الأصلية كتبت بواسطة jovedal
الشخص اللى اثر فيا فى روحانيا الرسول الكريم و سيدنا عمر بن الخطاب اما فى حياتى الشخصية فوالدى
الشخصية النسائية اللى نفسى اكون زيها السيدة عائشة رضى الله عنها لانى بحب جدااا مواقفها مع الرسول وسيرتها الجليلة
|
اقتباس:
المشاركة الأصلية كتبت بواسطة jovedal
بالنسبة لاختيارى للغة العبرية فدة لايمانى بالمثل اللى بيقول من عرف لغة قوم امن شرهم و كمان انا بتغاظ اوى لما بيكونوا كاتبين موضوع و لا حاجة مثلا عن العرب و معرفش اقراها و فيه حاجة لفتت انتباهى قوىىىىىىىىى و هى ان الاسرائيلية بيتكلموا عربى جامد جداااااا و بالفصحى كمان و بيتكلموا عربى احسن منا احنا العرب و مع ذلك مش بيرضوا يتكلموا بيها فى حياتهم العامة علشان يحافظوا على اللغة العبرية من الانقراض و يا ترى ليه هما بيتعلموا اللغة العربية فى حين انهم مش بيتكلموا بيها فدة لنفس السبب اللى قلت عليه فى الاول وعلشان يقدروا يفهموا احنا بنقول و بنكتب ايه و بننشر ايه فى الاعلام بجميع انواعه طبعا لاغراض سياسية و دينية و معتقدات كتير عندهم معظمها معروف جدااا
تعرفى يا ملكة ان الطفل اليهودى اللى لسه فى التعليم التمهيدى او الاساسى ابائهم بيقوللهم ايه؟؟
بيغرزوا فيهم ايه؟ بيقولوهم انت على الضفة دلوقت و هناك على الضفة التانية المقابلة طفل عربى لازم تقتلة
شفتلى بيعلموهم ايه من صغرهم كل دى دوافع بالنسبة لى لدراسة العبرية
بالنسبة للعريس و الاستقرار ماما دايما اسمع منها جملة ان الست بتروح ما طرح ما جوزها يروح يعنى اذا بيته فى مصر حسافر مصر و اذا بلبنان حكون معاه و اى حته حيسافر فيها و يعيش لازم اكون جنبه و ده طبعا بالاتفاق
احنا 3 بنات : رقيه و جوفيدال و رانيا و انا الوسطانية
|
اقتباس:
المشاركة الأصلية كتبت بواسطة jovedal
حكتب له الله يعينك عليا يا حبيبى هههههههههههههههه
|
اقتباس:
المشاركة الأصلية كتبت بواسطة العندليب الاسمر
بااااااااااااااااااااااااااااااك لاحلي الحلوين باحلي اسئلة سهههههلة لاحلي جوفيدال
اولا بس حابب اشكرك علي اطرائك الجميل ودمك انتي كمان خفيف جدا وروحك عالية جدا جدا
نخش علي الاسئلة
جاهزة
طيب يلا كدة مددي علي الشزلونج وعنيكي في السقف
وياريت تبصي علي الكورة المستديرة اللي بتلف او المروحة وتتفتكري كل ذكريات الطفولة البائسة يؤ يؤ قصدي الحلوة
ههههههههههههههه
بصي يا ستي انا شايف ان معظم الاسئلة الموجهه شخصية بالرغم من ان اللي بيجمعنا في الاساس هو المنتدي وانا في رايي ان الاسئلة عن المنتدي والموضاعات تكون اكثر واقعية ان اللي يقعد علي الكرسي لازم نعصرة علشان نعرف ثقافتة وتفكيرة ورؤيتة للحياة وكدة يعني وبعدين متخفيش همه 3647 سؤال وبس علشان تحرمي تقولي اسهل من اسئلة الثانوية العامة
1 / بالنسبة لدراسة اللغة العبرية ( بصراحة من اكثر الامور لفتا للنظر في شخصيتك )
أ / قلتي ان دافعك من دراستها " من عرف لغة قوم .. " في نظري ان المعرفة شئ وكوني اتخصص فيها شئ اخر فلو طبقنا المقولة علينا سنجد نصف شباب البلد يدرسون العبرية فهل لديك سبب غير ذلك وهل تشجعين غيرك علي دراستها ؟
ب / هل تتطرقون في فصول دراستكم كثيرا للحديث عن " العدو الاسرائيلي " وما هي نظرة الشباب القادم " ابناء جيلك " الي بني يهود وهل هناك امل ؟
ج / يتضح من كلامك انك لست شيعية فما هو رايك في السيد حسن نصر الله ؟
2 / ما هو اكثر قسم في منتدي مصر يثير فضول اختنا جوفيدال ؟
3 / وما هو اكثر موضوع يمكن ان تقفين امامة طويلا وتعيدين قراءتة ؟
4 / ما هو اكثر ما يرضي غرورك .. و انت تكتبين موضوع جديد ؟
ماذا تفعلين لو :
5 / اذا تعرضت بدون سبب مقنع لايقاف عضويتك في المنتدي ؟
6 / اذا ذهبت الي كليتك ووجدت نفسك تم فصلك لاسباب سياسية ؟
7 / اية موقفك امام الامم المتحدة لو واحد عاكسك وانتي ماشية في الشارع وبتردي علية ازاي ؟
8 / ماذا يمكنك ان تفعلين اذا وجدتي نفسك فجاة في صحراء جرداء لا زرع فيها ولا ماء وكيف يمكنك ان تتصرفين ؟
واخيرا
9 / معاكي ثلاث وردات واحدة في ايدك اليمين وواحدة في ايدك الشمال والثالثة في بُقك لمين تهديها ولية ؟
وراجعلك بباقي احنا قلنا كام 5614 سؤال
ههههههههههههههه
تحياتي اختي الكريمة
|
اقتباس:
المشاركة الأصلية كتبت بواسطة kimo 2007
هههههههههههههههههههه لا حلوة
جوفى فى حاجة هتجننى اصل اسم جوفيدال تركى معناه ملكة جمال
السؤال مين اللى اختارلكى الاسم
ومنين اللى اختار اسمك جابه منين
شكرا ليكى |
اقتباس:
المشاركة الأصلية كتبت بواسطة ABOORA
حياتي ياجوفي
قعدتي على الكرسي خلاص
والولاد بينتقموا منك
بس ياله جايلهم الدور
المهم يا اختي
انا هرزل شوية
واسال كم سؤال
نفسك تتعرفي على مين ف المنتدى؟؟؟؟؟(لك حرية الإجابة)
مين اكتر ناس بتفرحي لما بتشوفي مشاركتهم في موضوعك؟؟؟؟
مين اقرب الناس على قلبك في المنتدى؟؟؟؟
وياريت بقى تتقبلي رزالتي وتجاوبي احسنلك |
اقتباس:
المشاركة الأصلية كتبت بواسطة jovedal
اشكرك يا عندليب على ذوقك و دة يبين انك شيك فى كلامك و متحدث لبق جداااا و دى ميزة مطلوبة جداا و بجد خضتنى من كميه الاسئلة بس اسئلة جامدة جدااااااااااا اشكرك عليها
1- الاسباب اللى قلتها هى بمثابه دافع ليا لدرلستها و مش مجرد حب استطلاع و ياريت نغير من نفورنا تجاة اللغة دى ونحاول نتعلمها لانها مفتاح لمعرفة حقائق غائبة فاكيد بشجع على دراستها
2-طبعا بنتكلم عن اليهود و الاسرائيلية لان هى دى اساسا لغتهم و هى اللغة الرسمية فى اسرائيل و ممنوع فى اسرائيل التحدث بغير هذة اللغة و لعلمك اليهود احيوا هذة اللغة التى انقرضت فى وقت قياسى جداااااااا و ةبشكل مذهل.اما عن نظرة جيلى فى اليهود فهى معروفة الكراهية الدفينة لتصرفات اليهود معروفة و موجودة عند كل مسلم و عربى و كل من سلب حق له منهم ..
3- راى فى السيد حسن نصر الله انو شخصية جميلة و مشرفة للعرب عامة و للبنانيين خاصة و اكثر ما يعجبنى فيه دهاءة و ذكائه و ايمانه القوى و اصرارة و عزيمته .
4- فى اقسام كتير بحبها فى المنتدى زى المرأة و العام و التاريخ و الادب العربى.
5- اكتر موضوع اقف امامة طويلا اذا كان يكلم عقلى و يخاطب و جدانى و يختبر ذكائى.
6- اكثر ما يرضى غرورى و انا اكتب موضوع جديد ان يكون موضوع جديد جدااا لا احد تطرق له من قبل و امنى نفسى ان الاقلاقى ردود ايجابية و نقاش جميل و ودود فى موضوعى .
7- اذا تعرضت لالغاء عضويتى بالمنتدى من غير سبب حعمل عضوية جديدة رزالة بقى...ههههههههههههههه
8- اذا تم فصلى من الكلية لاسباب سياسية حعيط خااااااااااااالص و حشيل فى نفسى و يجفلى اكتئاب مع ان انا اساسا مليش نشاط سياسى لى فى الجامعة خااااااااااالص.
9- اذا انا ماشية فى الشارع وواحد عاكسنى لانو وقح فاكيد مش حديلو اى اهتمام و لا حرد عليه و حتجاهلة خالص.
10- اذا لقيت نفسى وحدى فى صحرا اول شىء لازم اخدة فى نفسى ان يكون عندى امل فى الحياة و حسعى للخروج من هذة الازمة بالايمان بالله والايمان بالقدر.
11- اذا كان معايا 3وردات حزرعهم تانى و لما يبقى بوكيه ورد حديه لناس كتير غالية عاليا و بحبهم قوى.
اشكرك يا عندليب انت هرتنى اسئلة .
|
اقتباس:
المشاركة الأصلية كتبت بواسطة jovedal
يا كيمو يا لذيذ انت فى الحر انا جدتى والدة والدى كانت تركية الله يرحمها فلما بابا جاب اختى الكبيرة هو اللى اسماها رقية لان بابا بيحب جداااا الاسماء الاسلامية و العربية و لما بعدها جيت انا اتمنت نانا انى اكون جميلة زى اختى الكبيرة و كانت شيفانى حلوة و انا بيبى خاااالص فقالت لبابا يسمينى جوفيدال . و بس فطبعا بابا محبش يزعل والدته و سمانى كدة
|
اقتباس:
المشاركة الأصلية كتبت بواسطة jovedal
يا عبير انتى عسل و مش رزلة و لا حاجة انتى تسالى و انا اجاوب
1- نفسى اتعرف على ياسمينا و المصرى و هامو و ملكة و ناااااااس كتير
2- الاعضاء كلهم لما بيشاركونى موضوعاتى بفرح جداااا و خاصة اذا كان عضو جديد لسه و ميعرفنيش بحس انو مش بيشارك مجاملة بحس انو الموضع بجد عجبه.
اقرب الناس على قلبى (.........) هههههههههههههه يا لئيمة..
|
وصلى الله وبارك
العرض العادي
