المنتدى الحالى: كرسى الاعتراف ,الموضوع الحالي: الفارس المصري , المنتدى الرئيسي: الترفيه و الصور و الفيديو, نبذة من الموضوع: اقتباس: المشاركة الأصلية كتبت بواسطة أسامة صلاح فارس ..أسمك أية ...........أول سؤال........... أبن مين فى مصر ...........تانى سؤال.............. حفيد مين ...

لنك مختصر للموضوع: http://forum.egypt.com/arforum/showthread.php?t=6347

ABOORA · 12-09-2007

اقتباس:

المشاركة الأصلية كتبت بواسطة أسامة صلاح

فارس ..أسمك أية
...........أول سؤال...........
أبن مين فى مصر
...........تانى سؤال..............
حفيد مين فى مصر
..........تالت سؤال

اقتباس:

المشاركة الأصلية كتبت بواسطة yasmina

ايه هواياتك يافارس

ليه متعقد من البنات

اسماء اخواتك

اسماء اصحابك

اقتباس:

المشاركة الأصلية كتبت بواسطة الفارس المصرى

انا هاجاوب على اسئله سمسم
اسمى محمود
ابن الحاج عبدالله
وحفيد الحاج الششتاوى
واسئله ياسمينا
هواياتى بحب الخط العربى
والانترنت
والقراءه والكتابه

وانا مش متعقد من البنات يا ياسمينا
انا متعقد من اللى هما بيحاولوا يعملوه
او يكونوه يعنى عايزين ياخدوا اكبر من حجمهم
واسماء اخواتى
حنان مدرسه انجليزى
انا اللى بعدها
مصطفى دبلوم زراعه
منى 3 ثانوى عام علمى ربنا يكرمها
وانا مليش اصحاب بالمعنى المفهوم غير انا
وانتوا

اقتباس:

المشاركة الأصلية كتبت بواسطة أسامة صلاح

دراساتك أية يا فارس وعملك

اقتباس:

المشاركة الأصلية كتبت بواسطة الفارس المصرى

دراستى
ليسانس اداب قسم اثار يونانيه رومانيه
وعملى على باب الله لحد ما اخلص ورق التجنيد

اقتباس:

المشاركة الأصلية كتبت بواسطة أسامة صلاح

بتحب نفسك...........

اقتباس:

المشاركة الأصلية كتبت بواسطة الفارس المصرى

اكيد كل انسان بيحب نفسه
بس مش انانيه
حب الحياه
والا كان الواحد انتحر من اللى بيشوفه

اقتباس:

المشاركة الأصلية كتبت بواسطة أسامة صلاح

ماشى يا فارس حديك شوية أختبارات وربنا يعينك....
خد عندك...................
بسم الله الرحمن الرحيم
الاختبار الاول
اختبار جاذبيتك

01بماذا تشعر إذا لاحظت أن أنظار الكثيرين مركزة عليك؟؟
- ببعض الحرج (نقطه واحده)
- بطرافة الموقف (نقطتان)
- بلذة وسعادة (ثلاث نقط )

02هل تلبس عادة ما يلفت الأنظار ؟؟
- نعم دائما (ثلاث نقط)
- في مناسبات معينه فقط (نقطه واحده)
- أبــــداً (نقطتان)

03حينما تكون في مكان عام هل تنحو لأن تتحدث بصوت منخفض ؟؟
- نعم .. وأحيانا أضطر لأن أكرر كلامي ليسمع ( نقطه واحده)
- لا .. لماذا يجب أن نتكلم بصوت منخفض ( ثلاث نقط)
- نــادرا (نقطتان)

04هل تدرك أحيانا أنك محط اهتمام الناس وتحت مراقبتهم ؟؟

- نعم أحيانا (ثلاث نقط)
- أبـــدا (نقطتان)
- نادرا ما ألا حظ هذا ( نقطه واحده)

05 بماذا تشعر عادة حينما تكون وحيدا ؟؟
- بالوحدة الثقيلة (نقطه واحده)
- الهدوء والراحة (ثلاث نقط)
- الحرية (نقطتان)
........................جاوب وسوف أعطى لك الدرجة

اقتباس:

المشاركة الأصلية كتبت بواسطة الفارس المصرى

انا هاجاوب على اسئلتك يا سمسم

1- ببعض الحرج
2-لو انت تقصد الشياكه يبقى الجواب دائما
لو تقصد الوان عجيبه زى شعبولا يبقى ابدا
3-نادرا
4-نعم احيانا
5-السؤال ده بقه
الاجابه الاولى احيانا
والتانيه احيانا
شكرا يا سمسم على اسئلتك

اقتباس:

المشاركة الأصلية كتبت بواسطة أسامة صلاح

1- ببعض الحرج (نقطه واحده)..
2-- نعم دائما (ثلاث نقط)..
3.-نادرا(نقطتان)
4.- نعم أحيانا (ثلاث نقط).
5.- بالوحدة الثقيلة (نقطه واحده)
..................................
المجموع = .10 نقاط
.....................................
( 9 إلى 11 نقطه )

- بالنسبة لك الواقع شديد الجدية ويتطلب التزاما كاملا ... أعط اهتماما
كبيرا لمظهرك ... وعلاقاتك بالناس وتعلم أن تحسن استغلال الفرص ومواهبك

اقتباس:

المشاركة الأصلية كتبت بواسطة أسامة صلاح

ودة الموضوع كلة
بسم الله الرحمن الرحيم
الاختبار الاول
اختبار جاذبيتك

01بماذا تشعر إذا لاحظت أن أنظار الكثيرين مركزة عليك؟؟
- ببعض الحرج (نقطه واحده)
- بطرافة الموقف (نقطتان)
- بلذة وسعادة (ثلاث نقط )

02هل تلبس عادة ما يلفت الأنظار ؟؟
- نعم دائما (ثلاث نقط)
- في مناسبات معينه فقط (نقطه واحده)
- أبــــداً (نقطتان)

03حينما تكون في مكان عام هل تنحو لأن تتحدث بصوت منخفض ؟؟
- نعم .. وأحيانا أضطر لأن أكرر كلامي ليسمع ( نقطه واحده)
- لا .. لماذا يجب أن نتكلم بصوت منخفض ( ثلاث نقط)
- نــادرا (نقطتان)

04هل تدرك أحيانا أنك محط اهتمام الناس وتحت مراقبتهم ؟؟

- نعم أحيانا (ثلاث نقط)
- أبـــدا (نقطتان)
- نادرا ما ألا حظ هذا ( نقطه واحده)

05 بماذا تشعر عادة حينما تكون وحيدا ؟؟
- بالوحدة الثقيلة (نقطه واحده)
- الهدوء والراحة (ثلاث نقط)
- الحرية (نقطتان)
- الإجابات
- هل حسبت مجموع النقاط التي حصلت عليها من إجاباتك على الاسئله ؟؟؟
- اقرأ إذن دلالة مجموعك :-
( 5 أو 6 نقاط )
- تدل نتائج الاختبار أنك تمر بمرحلة جاذبيتك فيها ضحلة ضعيفة لكنها ستتغير
فالجاذبية ارتفاعات وانخفاضات ... المهم هو إلا تعمل على تنفير الناس منك

( 7 نقاط و 8 نقاط )

- أنت عاطفي جدا... تحتاج إلى ملا نهاية له من الحنان لكن غير راض تماما لأنك
تشعر أنه ليس عندك إمكانية إبراز مواهبك ومناياك .. ثابر ولا تستسلم ولا تتشاءم وتيأس

( 9 إلى 11 نقطه )

- بالنسبة لك الواقع شدي الجدية ويتطلب التزاما كاملا ... أعط اهتماما
كبيرا لمظهرك ... وعلاقاتك بالناس وتعلم أن تحسن استغلال الفرص ومواهبك

( 12 إلى 13 نقطه )
- عندك جاذبية جسمانية وروحيه أيضا .. غامضة غير واضحة المعالم الخطر الوحيد هو إن تبخس تقييم نفسك ولا تقدر بحق مدى جاذبيتك للناس

(من14الى15)
- جاذبيتك قويه .. وأنت حر من المخاوف والعقد ... تستطيع أن تؤثر على الآخرين وأن تجذبهم إليك بحرية تامة .. الخوف الوحيد هو أن تبدو غير مقنع تماما

اقتباس:

المشاركة الأصلية كتبت بواسطة yasmina

ماشى يافارس امنياتك

اقتباس:

المشاركة الأصلية كتبت بواسطة الفارس المصرى

لا الاختبار ده طلع منك اوت
انا الحمد لله مظهرى ممتاز
وعلاقتى بالناس اكتر من ممتازه
هو انا بس مش قادر استغل المواهب
شكرا يا سمسم

اقتباس:

المشاركة الأصلية كتبت بواسطة yasmina

تتمنى ايه فى الحياة عموما

ايه الاكلات اللى بتحبها

بتحب تقرا لمين بما انك بتحب القراءة زيى

اقتباس:

المشاركة الأصلية كتبت بواسطة الفارس المصرى

امنياتى
اتمنى ان ربنا يخلصنى فى الاسئله دى على خير فى الاسبوع ده
وميجيش اسئله محرجه
واتمنى ان ربنا يرزقنى بالزوجه الصالحه
اللى مش عارف هالاقيها بسهوله ولا ايه
واخلف ولدين وبنت
ومش عايز ابقى غنى
بس عايز حياتى تكون مرتاحه

اقتباس:

المشاركة الأصلية كتبت بواسطة أسامة صلاح

واخلف ولدين وبنت
حتسميهم أية

اقتباس:

المشاركة الأصلية كتبت بواسطة الفارس المصرى

اتمنى فى الحياه انها تعدى على خير وطاعه لحد ما اموت
ولالاكلات اللى بحبها مفيش حاجه معينه
بس انا نص الاكل مش بحبه
يعنى النواشف بس
انما العك والطبيخ والكلام ده لا
وبحب اقرا لنبيل فاروق جدا ربنا يقومه بالسلامه
وبحب اقرا روايات مترجمه
لستيفان زفايج
وتشارلز ديكنز
وبحب اقرا مواضيعك يا ياسمينا
والكتب السياسيه والخياليه والادبيه
العلميه بقى مليش تقل عليها اوى

اقتباس:

المشاركة الأصلية كتبت بواسطة الفارس المصرى

الاولاد الكبير نور
والبنت سمر
والصغنن يوسف
ربنا يخليهملى
ومحدش يسالنى هتسميهم كده ليه

اقتباس:

المشاركة الأصلية كتبت بواسطة yasmina

شكرااااااا فارس ربنا يحقق امنياتك وانا بموت فى نبيل فاروق ربنا يقوموا بالسلامه
اكتر صفه تكرهها فى الانسان واكتر صفه تحبها فى الانسان

اقتباس:

المشاركة الأصلية كتبت بواسطة الفارس المصرى

الغدر
الوفاء

اقتباس:

المشاركة الأصلية كتبت بواسطة الحلم العربى

اولا انا كنت عايزة اعرف انت منين يعنى انت من محافظة اية ؟
لسة باقى الاسئلة هاكتبها بس اما اقعد افكر شوية

اقتباس:

المشاركة الأصلية كتبت بواسطة الفارس المصرى

انا من الغربيه
محلاوى كمان

اقتباس:

المشاركة الأصلية كتبت بواسطة thequeen

هل انت انسان مسامح ولا صعب تسامح اللي غلط في حقك وفي الحاله ديه بتعمل ايه تنتقم ولا تنسي الانسان اللي غدر بيك؟ هل انت انطوائي؟ ما هي مقومات الاب في رايك؟ هل دراستك كانت بنسبالك حلم؟ ولو كانت مش حلم هل اصبحت كذلك؟ ما هي امالك هل هتشتغل في مجال دراستك ولا ليك طموحات اخري؟

اقتباس:

المشاركة الأصلية كتبت بواسطة الفارس المصرى

انا انسان متسامح جدا بس مش كل الاوقات والحالات
بس الانتقام ده نادرا ما بفكر فيه
بس لو فكرت فيه بيكون قاسى
انا مش انطوائى ابدا
والاب لازم يكون اولا متدين عشان يقدر يزرع
فى الاولاد الدين
وكمان يكون حنين
وحازم
وعادل بين الاولاد
ودراسه الهندسه كانت حلم بالنسبه لى
بس الله يجازى اللى كان السبب
وانا لو جالى فرصه شغل فى مجالى اكيد هيكون افضل
بس مفيش الكلام ده
عشان كده انا عايز اشتغلفى البيزنس والتجاره

اقتباس:

المشاركة الأصلية كتبت بواسطة ساره سمير

[font=Comic Sans MS][SIZE=6
ما هى افضل اكله؟
وايه اسم البنت والولد اللى انت بتحبه؟

اقتباس:

المشاركة الأصلية كتبت بواسطة الفارس المصرى

يا باشا احنا نتشرف بيك فى كل حته
عام خاص
وافضل اكله
هى الرقاق باللحمه
دى جامده
وكمان انى اكل فى نفسى
واحلى اسم بنت وولد
محمود وسمر
ومحدش يفهم حاجه غلط

اقتباس:

المشاركة الأصلية كتبت بواسطة thequeen

هل تؤمن بفكره الحب الاول يعني الانسان يحب مره واحده بس وبعد كده اي حاله بتبقي تعود؟ تسامح الانسان اللي يكدب عليك خوفا من زعلك منه؟ تفضل الزواج عن حب ولا الزواج التقليدي؟ تحب العمل بمفردك ولا العمل في فريق ؟عند نجاح مشروع عملت فيه تحب تشكر علي مجهودك ولا كفايه ان المشروع نجح؟هل تهتم كثير براي الاخرين؟

اقتباس:

المشاركة الأصلية كتبت بواسطة yasmina

على العموم لو لسه فيك نفس ممكن تدرس الهندسه بالرغم انك انت اللى ضيعتها من ايدك

ايه اكتر حاجه قراتها واثرت فيك جداااااااااااااااااااااااااا

ليك ميول سياسيه معينه مع الاخوان مثلا ووطى صوتك وانت بتتكلم علشان محدش يسمعك

مثلك الاعلى فى الحياة

اقتباس:

المشاركة الأصلية كتبت بواسطة الفارس المصرى

بعد اذنكم انا هاخد اسئله الملكه الاول
الحب الاول هو اهم مرحله للانسان بس اكيد الانسان بيحب تانى
والانسان اللى يكدب عليا عشان مزعلش ده اكرهه اكتر
وازعل منه اكتر
والجواز بقه كده كده شر لابد منه
يعنى كانك بتقوليلى تموت بالمشنقه ولا بالمقصله
طبعا العمل فى فريق افضل
بس انا اللى اقوده
والعمل فى مشروع لو نجح يبقى هو ده الشكر اللى انا مستنيه
وطبعا راى الاخرين مهم جدا
بس مش فى كل الحالات

اقتباس:

المشاركة الأصلية كتبت بواسطة الفارس المصرى

ناخد بقه اسئله ياسمينا
طبعا الهندسه دى معدش ينفع
اكتر حاجه قريتها واثرت فيا
روايه حذار من الشفقه
لستيفان زفايج
اللى يقراها لازم يعيط
وانا ليا ميول سياسيه مع الاخوان
هو انا مش منهم بس عارفهم يعنى
وساعات بكون معاهم فى حاجات
وانا مش خايف وبعلى صوتى
ومثلى الاعلى فى الحياه
مفيش
حد ينفع

اقتباس:

المشاركة الأصلية كتبت بواسطة thequeen

عندي سؤال اختياري ليه الزواج بلنسبه ليك شر؟؟؟؟؟ وهل فعلا في رايك ان البنات ملهاش لزمه؟

اقتباس:

المشاركة الأصلية كتبت بواسطة الفارس المصرى

انا هاجاوب على الجزء التانى الاول
طبعا البنات ليهم لازمه
امال مين اللى هايغسل هدومنا
وينظف جزمنا
ويعمل الاكل
ومين اللى هنطلع عليه قرفنا ونديله كل يوم علقه
اما الجزء الاول
الجواز شر لانه جواز
يعنى بعد الحريه
تروح البيت تلاقى دكر بط قاعد يكلكى يقولك كنت فين
و ويك ويك وكلام نسوان
يعنى الحريه احسن

اقتباس:

المشاركة الأصلية كتبت بواسطة yasmina

ايه اكتر حاجه تتمنى تشوفها لما تروح الجيش

اقتباس:

المشاركة الأصلية كتبت بواسطة thequeen

طيب مينفعش اجادلك لان الموضوع هنا اني اسالك فقط لا يسمح بتجادل بس احب اقلك هتتعب اوي في حياتك المهم هل لديك اسرار ام انك كتاب مفتوح للجميع؟ اول لقاء بينك وبين غريب بتكون متحفظ ولا بتاخد عليه بسرعه؟

اقتباس:

المشاركة الأصلية كتبت بواسطة الفارس المصرى

اكتر حاجه لو لا قدر الله رحت الجيش
هاحب اشوفها
بجد
الصفحه اللى فيها منتدى مصر
وردودكم ومواضيعكم

اقتباس:

المشاركة الأصلية كتبت بواسطة الفارس المصرى

انا حياتى كتاب مغلق بلغه غريبه
حتى لو حد فتحه مش هيفهم حاجه
واول لقاء بينى وبين شخص غريب بعد خمس دقايق بيعاملنى كانى صديق عزيز

اقتباس:

المشاركة الأصلية كتبت بواسطة thequeen

هل انت انسان مجامل؟علي اي اساس تعامل الناس علي قدر علمهم ولا علي قدر سنهم ولا علي اي اساس؟ هل انت صريح؟ كيف تواجه مصاعب الحياه بضحك ولا بالانسحاب ولا ايه؟ مع من تحكي مشاكلك وثق في رايه؟

اقتباس:

المشاركة الأصلية كتبت بواسطة الفارس المصرى

هل انت انسان مجامل؟علي اي اساس تعامل الناس علي قدر علمهم ولا علي قدر سنهم ولا علي اي اساس؟ هل انت صريح؟ كيف تواجه مصاعب الحياه بضحك ولا بالانسحاب ولا ايه؟ مع من تحكي مشاكلك وثق في رايه؟
لا انا مش مجامل الا بحدود
على قدر عقولهم
صريح جدا
اواجه المصاعب بالمواجهه
احكى مشاكلى مع نفسى لانى بثق فى رايى

اقتباس:

المشاركة الأصلية كتبت بواسطة thequeen

كيف تري نفسك؟ هل حسيت مره بان الدنيا كبيره عليك وانك صغير اوي ولو حسيت بكده عملت ايه وقتها؟ هل حسيت انك تواجدت في مكان غلط في الوقت الغلط وده كان امتي؟ واتصرفت ازاي؟

اقتباس:

المشاركة الأصلية كتبت بواسطة الفارس المصرى

كيف تري نفسك؟ هل حسيت مره بان الدنيا كبيره عليك وانك صغير اوي ولو حسيت بكده عملت ايه وقتها؟ هل حسيت انك تواجدت في مكان غلط في الوقت الغلط وده كان امتي؟ واتصرفت ازاي؟

ارى نفسى شخص بلا فائده فى لحظات الياس
وكتير بحس ان الدنيا كبيره
بس مبقدرش اعمل حاجه لانى مبحسش كده الا فى لحظات الضعف
وكتير بحس انى موجود فى دنيا غلط مش مكان غلط بس

اقتباس:

المشاركة الأصلية كتبت بواسطة medo2000

انا بقى هاسالك سؤال بسيط جدااااااااا

انت عامل ايه؟ اازاى الصحة؟

اقتباس:

المشاركة الأصلية كتبت بواسطة kimo 2007

حبيبى يا انا

اسئلتى انت شايف نفسك طيب ؟

ايه الشىء الحلو اللى انت عملته وندمت عليه؟

ايه الحاجة اللى الناس عملتها فيك وزعلت منهم او جرحوك

ردود نار اوكى شكرا ليكى يا بنت الكنانى وشكرا ليك يا فارس على صراحتك اللى اجبت على قبلى بيها

.

اقتباس:

المشاركة الأصلية كتبت بواسطة الحلم العربى

اية اكتر موقف محرج حصلك فى حياتك ؟
اكيد حصل لك موقف وكنت تتمنى انك تتصرف فية بطريقة افضل من اللى انت اتصرفت بيها اوصف الموقف ؟

اقتباس:

المشاركة الأصلية كتبت بواسطة الفارس المصرى

انا هاجاوب على سؤال ميدو
الصحه تمام الحمد لله

اقتباس:

المشاركة الأصلية كتبت بواسطة الفارس المصرى

وكيمو
انا فعلا شايف نفسى طيب
الحمد لله
والشىء اللى عملته وندمت عليه
انى ضحيت عشان شخص ميستهلش
اماالحاجه اللى الناس عملتها فيا كتيييييير
انا باخد مقالب كتير
لان انا بعمل مقالب اكتر
بس لما بتبقى حاجه جد
مبزعلش
انا بعتبرها تحدى ولازم اردها مش احط ايدى على خدى واعيط
شكرا يا كيمو

اقتباس:

المشاركة الأصلية كتبت بواسطة الفارس المصرى

اما سؤال الكتكوته حبيبتى الصغننه
حلـــــــــــــم
والله المواقف كتير يا حلم
الانسان كل يوم بيكتشف انه اتصرف غلط فى موقف ما
بس الموقف الى احرجنى بجد
انى اتراهنت قدام الدفعه كلها ايام الكليه
على شىء مش مهم تعرفوه
وخسرت الرهان
والرهان كان على حاجه محرجه
جدا
مش لازم تعرفوها
المهم انى اضطريت اؤدى الرهان امام حشد هائل من الجماهير
وكان شكلى وحششششششش

اقتباس:

المشاركة الأصلية كتبت بواسطة ساره سمير

صباح الفل
اوصف نفسك فى كلمتين

اقتباس:

المشاركة الأصلية كتبت بواسطة ABOORA

انته مين اكتر ناس في المنتدى عجبوك ؟؟؟؟؟؟؟؟؟؟(بقولك اية لو سبت السؤال هتشوف اختك هتعمل ايه هقول لبابا يقطع المصروف وادعي انك تدخل الصاعقة وانته عارف دعوتي )

اقتباس:

المشاركة الأصلية كتبت بواسطة الفارس المصرى

صباح العسل يا معلم
غامض .. غامض

اقتباس:

المشاركة الأصلية كتبت بواسطة الفارس المصرى

لا انا مقدرش اسيب سؤالك يا جميل
انا اكتر ناس عجبونى فى المنتدى
المنتدى كله على بعضه ممتاز
بس احقاقا للحق
انا بحب ناس معينه
بحكم الاختلاط معاهم والمشاركات والتعارف اللى بينا
مش معنى كده انى مش بحب الباقى
بس دول اقربلى
وهم مش بالترتيب
ميدو
عبوره
ياسمينا
ساره بنت خالتى
كيمو
حلم
الملكه
هو اسامه فوق ولا انا مكتبتوش
باينى مكتبتوش
اسامه
وجوفيدال رغم انها كارهانى مش عارف ليه
وكل التقدير والاحترام للى نفسى يبقوا اصدقائى
صبراوى
هامو
دعاء
مصطفى
طبعا انا نسيت ناس
بس غصب عنى
عشان كلكم حبايبى
انا كتبت عبوره بلون مختلف عشان هى خطر شويه

اقتباس:

المشاركة الأصلية كتبت بواسطة أسامة صلاح

أنت كنت حتنسانى يا فارس..........ماشى ياعم الحاج.........
بما أنك زملكاوى..............أعترف أمر هزيمة للزمالك خلتك تفكر انك متشجعهوش......
وتزعل من الزمالك أوى

اقتباس:

المشاركة الأصلية كتبت بواسطة yasmina

تحب تشتغل فى مجال دراستك

لنا تكملة تحت طولنا على فارس اوي

ABOORA · 12-09-2007

اقتباس:

المشاركة الأصلية كتبت بواسطة الفارس المصرى

ده تمويه يا سمسم
انت فاهم
امر هزيمه للزمالك
السته واحد
بس انا مفكرتش انى مشجعهوش
انا زملكاوى على طول

اقتباس:

المشاركة الأصلية كتبت بواسطة أسامة صلاح

رد يا باشا الاسئلة كترت................
..............أسم البنت اللى بتحبها غير سهير اللى بتحط فى شعرها جاز

اقتباس:

المشاركة الأصلية كتبت بواسطة الفارس المصرى

ايوه يا عبوره انتى خطر
جدا كمان
وياسمينا
انا فعلا فكرت انى اشتغل فى الاثار
بس ده مجرد تفكير
مفيش وظايف
انا ناوى على التجاره

وبكده نكون انتهينا من اخوية الكبير فارس

أدوات الموضوع
عرض نسخة صالحة للطباعة أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)