[hazem,mazen]

بسم الله الرحمن الرحيم

كسبنا وارتحنا طب و بعدين

حنرجع تانى لازمة العيش والعمارات اللى بتقع على الناس وهى نايمة
وغزة والحصار اللى عليها ووجع القلب تانى والله احنا شعب طيب
نسينا كل مشاكلنا على الرغم من صعوبتها ولفينا نهنى بعضينا مع ان ولا مشكلة اتحلت انا مش بحبطكم بس تقدروا تقولولى اية اللى استفدناة من الفوز مشاكلنا اتحلت ؟حياتنا بقت افضل ؟
انا مش بحبطكم والله ابدا انا فرحانة جدا بس ببص للموضوع بواقعية اكتر اللعيبة ما شاء الله هتلف حبة مكافات تمام واشي عربيات وسفريات اللهم لا حسد واحنا حنصحى بدري نقف فى طابور العيش

عجبي

[الفارس المصرى]

اصلنا شعب غلبان يا ام حازم
هنعمل ايه
عايشيين مطحونيين
ورغم كده بنشجع مصر
فرحنا وهللنا
فرحنا مع بلدنا
بلدنا اللى منغنغانا
وشوف بقى يا عم الريس هيصرف مكافاه للاعبين اد ايه
اما الشعب الغلبان الكحيان
طظ بلبن
ما دام قافل بقه وحاطط فيه صرمه قديمه
طب يا عم الريس
ابقى افتكرنا مع اللاعيبه دول
ما احنا كنا بنشجع بضمير والله
اصرف لنا شويه دقيق يا عم الحاج بدل ما بنتنفخ على افران العيش
وبمناسبه العيش
قابلت واحد صاحبى من يومين لقيته متعور ف وشه ايده
قلتله ايه ده ياض مين اللى خرشمك كده
قالى لا يا عم
ده انا كنت بجيب عيش الصبح
مش هى دى مصر برده

[hazem,mazen]

عندك حق يا فارس
اما بالنسبة لهدية الشعب انا رايي انهم يزودوا الدعم ازازة زيت
اهو نعمل للعيال شيبسي

[hazem,mazen]

اية يا جماعة محدش عايز يعرف اية بعد الفرحة

[أسامة صلاح]

يا جماعة الموضوع مش موضوع كورة وبس
افية ظاهرة فى الموضوع
الا وهى
العلم
اللى أتلم علية شعب مصر
الراية اللى رفعها الشعب كلة
والحماس والانتماء لهذا العلم


نتمنى يكون نفس الانتماء والنجاح دة
فى الأقتصاد كلة
وفى حياتنا اليومية كلها

ويارب النجاح للشعب كلة فى كافة المجالات


وفارس عندة حق
وأنتى يا أم حازم ومازن


وياريت كل واحد يبعت للريس يقولة على مكافاتة
انا عايز ب 2 جنية عيش
أشيلهم فى التلاجة
وانام مرتاح اسبوع