عمرو خالد فى ميزان الكتاب و السنة موضوع موثق بالادلة و البراهين

ماشى يا ابو حفص زنديق
خلينا قعدين نقول ان الحملة بتاعته عبيطة
ومخالفة للشرع
وان الشباب اللى معاه كلهم مش بيفهموا حاجه
فى حين ان مفيش حد من الشيوخ
اللى قالوا عنه انه زنديق
عمل حملة ايجابية لمواجه الادمان والحشيش اللى فى كل حتة
وبعدين فى منتديات اسلامية كتير
نشرت اعلانات الحملة ومشتركة فيها
وانا حبيت ان المنتدى يكون ليه نصيب فيها
لان ده خير والاغانى اللى اتعملت ليها اهداف
مهمة وبتقول كلام كويس
كمان الكليبات اللى تم تمثييلها بتوعى الشباب لاخطار الادمان
انا من رايى ان الحملة رائعة وهدفها نبيل جدا
وكفاية انها شجعت عدد من المدمنين انهم يتكلموا عن تجاربهم
وليه ادمنوا وازاى اتعالجوا
وان الادمان ممكن العلاج منه وخصوصا ان فى بعض الشباب فاكرين الحشيش ده عادى يعنى
شيكولاته
المهم انت شايف الموضوع غلط والحملة وحشة غيرك شايفة كويس
وواول ما عمرو ظهر كان شيوخ الازهر بيقولوا فيه شعر دلوقتى
طلعوه ذنديق

يا ياسمينا انا مش عايزك تتعصبى
الموضوع محتاج هدوء
المفروض عامة فى أى موضوع اننا بنتحرى الصدق والحقيقة حتى ولو كانت مش معايا
وتبقى نيتى فى أى حوار انى أوصل للصح مش انى اقنع غيرى برأى وخلاص
وخاصة لما يكون الموضع بيمس دينا اللى هو المفروض أغلى حاجة عندنا
يعنى لازم يكون خالص لوجه الله
دلوقتى الباحث عن الحق لما اتكلم عن عمرو خالد بيقول انا رأيى كده فى عمرو خالد ولا بيقول رأى علماء ؟
استدل بأحاديث ولا بقول مشاهير ؟
زمان كان الناس مدمنين الخمر وكان بالنسبة ليهم شىء جميل ومش شايفين ان فيه ضرر
ولما أخبرهم الرسول صلى الله عليه وسلم بتحريم الخمر كل واحد جاب الخمر اللى فى بيته وكبه من غير مايناقشه السبب
عارفة ليه؟
علشان بياخدوا أوامر دينهم من الرسول اللى ربنا أرسله ليهم
ولما يأمرهم بحاجة تبقى فيها طاعة لله
ولما ينهاهم عن حاجة يبقى فيها معصية لله
ومفيش حد منهم بيقول رأيه بعد قول الرسول ( صلى الله عليه وسلم )
قال الله تعالى " ماكان لمؤمن ولا مؤمنه إذا قضى الله ورسوله أمرا ً أن تكون لهم الخيرة من أمرهم "
عمرو خالد ( موضوع النقاش ) كشخص مافيشمشكلة فيه علشان كل الناس بتخطئ بس المشكلة إنه فى وضع الناس بتتبعه
يعنى لازم لما يقول حاجة يتحرى الحقيقة فيها قبل ما يقولها علشان فى آلاف هاتتبعه
ومااقوليليش كفاية إنه أثر فى شباب كتير
العبرة مش بالتأثير لأن التأثير طيب ما مايكل جاكسون كانت شعبيته أكتر من عمرو خالد
ولو قولتيلى إن عمرو خالد نيته سليمة وعايز يعمل خير
هاقولك كويس بس لازم الخير دا يكون مايعارضش الشرع فى غايته ووسيلته ( وأنا بأكد على وسيلته )
وطبعا ً مايفتيش فى القرآن والسنة بدون علم زى ما بيعمل والأمثلة كتيرة
انا مش عايز أطول عليكى علشان الموضوع كبير
على العموم انا فى النهاية مش عايزك تزعلى منى ولينا كلام تانى

أخوكم

مصطفى المصرى

يا ابو حنين
اهلا برجوعك المنتدى منور
وعلى العموم يا جماعة الاختلاف فى الراى لايفسد للود
قضية وشكراااااااا للباحث وابوحفص على اثارتهم
للموضوع
وانا مش بزعل من المناقشة خالص
شكرااااااااااا يامصرى

العفو يا ياسمينا
وشكرا ً على تقبلك كلامى

اقتباس المهم انت شايف الموضوع غلط والحملة وحشة غيرك شايفة كويس وواول ما عمرو ظهر كان شيوخ الازهر بيقولوا فيه شعر دلوقتى طلعوه ذنديق

هو عمور خالد بس اللى بيعمل حملات فى الدنيا يا اختاه طيب ما في امريكا و فى كل بلد نصرانى كمان بيعملوا حملات كده
يبقي هم مسلمين برضوة و كويسين؟!!!
و اشكرك اخى المصرى على ردك الجميل جدا المقنع كمان و يا ليت الاخت ياسمينا بارك الله فيها تشوف الموضوع ده للاخت فيرونا اللى كانت من المدافعين عن عمرو خالد هنا موضوعها
http://forum.egypt.com/arforum/showthread.php?t=14448