النتائج 1 إلى 2 من 2
  1. #1
    أسامة صلاح غير متواجد حالياً
    موقوف
    تاريخ التسجيل
    Jul 2007
    الدولة
    أسكندرية أجمل بلاد الكون
    المشاركات
    63,764

    افتراضي مراحل فحص سيارتك فى المرور





























































    المرحلة الاولي
    : المخلفــــــــات


    اول حاجة تعملها انك تطلع شهادة المخلفات و تستعد طبعا بانك تحضر الرخصة و البطاقة و لازم تكون الرخصة باسمك لو مش باسمك يكون معاك توكيل رسمي من الشهر العقاري للمرور

    في اللحظة دي ممكن:

    يا تاخد شهادة براءة زمة و معناه انك ما عملتيش اي مخلفة ( تحدث بنسب ضئيلة لكن لو حصلتلك يبقي حظك نار ) و ساعتها هتمضيها من وكيل النيابة و بعدين تروح تسجلها في وحدة تسجيل المخلفات بالكومبيوتر

    و ممكن برضوا للاسف يطلع عليك مخلفات و ساعتها هتروح برضوا تمضيها من وكيل النيابة و انت و نصيبك يا خفضها يا سبها زي ما هيه . و بعدين تروح تدفعها في الخزنة و تروح تجيب الاصول و تاخدها من الملف علشان ما تنزلكش تاني و تروح لشباك شهادات المخلفات تاخد براءة زمة و تروح تمضيها من وكيل النيابة و بعدين تروح تسجلها في وحده التسجيل بالكومبيوتر

    معني كده ان الساعه بقت علي الاقل 10 و نص

    المرحلة الثانية: التـــــــامين

    اي عربية ملاكي عليها تامين اجباري و بيبقي في شركات كتير هناك ممكن تدفع التامين عندها و علي فكرة داه تامين حلسي يعني نصب علي نهب و عديها
    و المرحلة دي سهلة المفروض تخلص في اقل من 5 دقايق

    المرحلة الثالثة: الدوســـــــية

    كالعادة لازم تدفع و تدفع فكده انت بتشتري دوسية من ورق كارتون اصفر معفن ب 8 جنية و نص و معاه طوابع شرطة و ورق فاشلة للتجديد المهم طقم التجديد داه بيتكلف 22 جنية

    المرحلة الرابعة: ادفع الضريبة
    و دا شباك بيبقي بتاع بريد و ضريبة بتدفع علي حسب السنة و الل cc بتاع العربية واخرك فيها 10 دقايق

    المرحلة الخامسة: ورق الكشف
    تروح منطقة الكشف و تشتري استمارات كشف بيبقي 3 ورقات ب 10 جنية

    المرحلة السادسة: الطفاية

    لو طفايتك عمرها اكتر من 5 سنين اعرف انك هتشتري واحده تانية و سعرها بيتراوح من بين 120 ل 125 جنية
    بتروح مكتب الكشف علي الطفاية و بتكشف عليها و يختملك الورقة بتاعه الطفاية

    المرحلة السابعة: روح بيتكم

    عقبال ما تخلص كل المراحل اللي فاتت هتلاقي الساعة واحده او اتنين فلازم ساعتها تروح بيتكم لانهم بيقفلوا الساعه 2 و تاكد تمام انك تغسل العريبة كويس و شحمها كويس جدا جدا و بالذات الماتور و الشاسية من ادام هنعرف بعدين ليه

    المرحلة الثامنة: الكشف

    زي اول مرحلة هتكون في منطقة الكشف الساعه 8 بالدقيقة هيبتدوا انهم ياخدوا منك الملف و ورقة الكشف و تحط عليها بصمة رقم الماتور و الشاسية علشان كده كان لازم يتغسلوا علشان الارقام تبان
    لازم تكون انت اول واحد لاني كل اللي جاه لسة ما كشفش علي الطفاية و بذلك هتخش الفحص اول واحد هتديلة البطاقة و الرخصة و هيكتب شوية حجات في الدوسية و يقولك روح ادفع 10 جنية في مكتب اللوحات هتروح تدفعها و كده يبقي انت خلصت مرحلة الكشف و دلوقتي تاخد الدوسية

    المرحلة التاسعة: روح بيتكم تاني

    لان ما فيش امل انك تخلص في نفس اليوم المراحل اللي جاة و الا لو معاك وسطة فبذلك مش هتحتاج تقري الموضوع داه من اساسة

    المرحلة العاشرة: فك النمر( للنمر القديمة فقط)
    لما تروح بيتكم نام و اتغطي كويس و الصبح تقوم بدري و تفك النمر و تربطها بحبل او دوبارة و ما تنساش تاخد معاك مقص او سكنية

    المرحلة الحادية عشر: الرخصة

    تكون هناك امتي ؟ 8 الصبح كالعادة طبعا و تقطع حبل النمر و تاخدها معاك و تروح لشباك التجديد علي حسب نمرتك كل مجموعة من الارقام ليها شباك( للنمر القديمة فقط) وتروح تشتري ورقتين تسليم لوح و وورقة كمان مش فاكر اسمها اية هو في مرور محرم بك الاسكندرية موجودين في التصوير المهم بعديه لازم تشوف عسكري يعملك حاجة اسمها تنزيل الملف القديم داه اساسي اوعلي تنسي و بعد ما ينزل تدي الموظفة بتاعه التجديد (اللي هترجع في وشك و تحس انها من ايام هتلر او هيه هتلر بس متخفي) الموظفة هتديك ورقة هتروح تدفع بيها 100 جنية داه حق اللوح الجديدة
    هتقف تستني لحد ماالروق يتراجع و تمام و هتاخد ورقتين متدبسين في بعض تروح تسلم اللوح في اوضه اللوحات و تطلع للكومبيوتر
    هتاخد منك الورق و هتطلعلك رخصة مكتوب فيها رقم من اللوحات الجيدة

    المرحلة الاخيرة: تركيب النمر

    هتروح وحده الكشف هتلاقي فيها مكتب للنمر الجديدة هتاخد لوحتك و هتسبله الرخصة هتروح تدفع 35 جنية تركيب لوحات و تركبهم و بعدين ترجع تاخد رخصتك و انت كده الحمد لله معاك رخصة.

    الف مبروك انت كده قدرت تغلب نظام الحكومة انها تكبتك لحد ما تبقي عامل زي ابراهيم الابيض

    ملحوظــــات

    -الشنطة و المثلث بيتسلموا مجانا مع التجديد لو الترخيص لاول مره فما تشتريش من برا و كده كده مش هتلاقي فحلني عقبال ما تاخدهم

    -في بعض الاحيان بيغتتوا و بيكشفوا علي العادم بتاع العربية و المتور و الدينمو و البطارية فحاول يكونوا دول كويسين و انت رايح

    -اياك و ابدا لما تقولك ان الكومبيوتر عطلان تكمل اجارئات و تاخد رخصة مؤقتة اياااااااااااااك لانك لا هتاخد نمر جديد ولا بادج الترخيص اللي بيتحط علي الازاز و بكده كل ضابط في كل لجنة هيوقفك و يلعب بيك شوية
    لو يحص كده خد ملفك و امشييييييييي بدون ان تتردد.

    منقول للافادة





  2. #2
    uperegypt غير متواجد حالياً
    عضو جديد الصورة الرمزية uperegypt
    تاريخ التسجيل
    Nov 2012
    المشاركات
    4

    افتراضي رد: مراحل فحص سيارتك فى المرور

    شرح حضرتك جميل جدا أعزك الله .
    ممكن أعرف أيه الحاجات المهمة المطلوبة ألى بيها أعدى فى الفحص يعنى يهمة الفرش والعفشة والموتور وكدة لا أيه



معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. في أوروبا.. جمع سيارتك بنفسك
    بواسطة اخبار مصر في المنتدى اخبار مصر
    مشاركات: 0
    آخر مشاركة: 14-07-2011, 04:20 PM
  2. كيف تقود سيارتك في السعودية؟
    بواسطة ثغر العذراء في المنتدى ملتقى رواد منتديات مصر
    مشاركات: 2
    آخر مشاركة: 26-07-2010, 01:16 AM
  3. كيف تعلن عن بيع سيارتك
    بواسطة الفاتح محمد في المنتدى قسم الاعلانات
    مشاركات: 0
    آخر مشاركة: 11-05-2009, 07:04 PM
  4. كيف تتعامل مع فرامل سيارتك!
    بواسطة كهرمانه في المنتدى قسم الاعلانات
    مشاركات: 8
    آخر مشاركة: 22-08-2008, 08:33 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
جميع الحقوق محفوظه لمنتديات مصر 2013