[عاصم فايز]

فكرة مبسطة عن تسعير بوليصة التأمين

اولا فيه حاجة اسمها احتمال الخطر ولو بنتكلم عن الفلوس يبقى احتمال خسارة الفلوس دي
لو افترضنا ان نسبة ان المشتري يخسر هى 15% و ان اللي هيخسرو 1000 جنيه يبقى معنى كده ان كل مشترى لازم يدفع 150 جنيه على الاقل عشان الشركة تعرف تعوض خسائرها نتيجة تعويض المشترين

[hamo81]

شكرا يا فايز على المعلومة
وياريت لو عندك كتب مفيدة في المجال ده ترفعهالنا على المنتدى

تقبل مروري

[عاصم فايز]

هدور على حاجات كويسة و ارفعها بإذن الله

[عاصم فايز]

كمالة موضوع فكرة مبسطة عن تسعير بوليصة التأمين

تصنيف العملاء طبقا لإحتمال الخطر اللي بتعرضوله له تأثير كبير على ارباح الشركة لأن تصنيف العملاء بيمكن الشركة من انها تحاسب كل واحد حسب الخطر اللي بيتعرضلو و مبتحصلش عملية (cross_subsidy) و هى انك لو بتحاسب فئتين (دود الكتب – و المتزلجين) و اديت للإتنين نفس السعر هتلاقي ان دود الكتب بيدفع اكتر من الخطر اللي بيتعرضلوا يعني بيدفعوا جزء للمتزلجين من غير ما يقصدوا , لكن ساعات عملية التصنيف دي بتكلف اكتر من الربح اللي الشركة هتلموا و خصوصا ان ساعات القوانين مبتسمحش بعملية لم البيانات عن العملاء.
المتزلجين --- > كناية عن الناس اللي بتتعرض للأخطار الكتير
دود الكتب ---- > الناس اللي في حالهم

[عاصم فايز]

اسلوب اخر في التأمين و هو تنويع الدخول و الاستثمارات بمعنى ان لو عندك شركة مثلا و عايز تأمن ممكن بالاضافة لإنك تأمن على شركتك ممكن تنوع مصادر دخلك او تستثمر الفلوس اللي معاك في الاسهم و مشتقاتها(التحوط) hedging