| التسجيل |
 |
| مصرى نشيط
 |
السلام عليكم ورحمه الله وبراكاته اللى حقدمه ده ان شاء الله شريط فتحضير للغنا لواحد صاحبى هو شريط ان شاء الله كده يعنى مش انتاج ولا حاجه و كلماته وكلها من كليمانى و يا رب تعجبكم الجدار و اللى وراه الحيره انا بصرخ من الندم بصرخ وكلى الم و مين يساندنى ويخفف عنى ليه الحيره عليه وعد وغربه وبعد ديه الصرخه فيا صرخه رعد مهموم وشلت جبال ومازل على كتفى جبال ابكى بكايا ميكفنيش قلبى مبيسعنيش ارفع ايدى للسما وادعى للى خلق الهوا لكن قلبى ملهوش دوه و بصرخ من الندم .................................................. .................................................. عاشق قلب دوبت ولفيت وهوايا يسألنى انتا حبيت ؟ مجاوبش لسانى لكن انا عارف انى حبيت لكن اللى بحبه مش دارى بحالى واللى جرالى من بعد ما حبيته اتمكن من قلبى بعد ما لقيته ايه غير حالى وعيش قلبى وعمل لى الماضى حاضر وقتى .................................................. ................................... يا بلد جانى الزمن وسألنى كام التمن قولت ده غالى حب الوطن مفهوش كلام غير حب و امان واحضان كمان حب الوطن غالى سانده سور عالى ده الماضى يحلالى فى حضنك يا بلادى وادفى برمالك الله ليكى مالك خلقك تداوينا وتخضينا فأحضانك جانى الزمن وسألنى كام التمن قولت ده غالى .................................................. ....................................... بيوت شبابيك طاله علينا من كل مكان اللى يسأل علينا واللى نساه الزمن بيوت حضنانا وقلوب عشاقنا وبحر مشاكل لكن غرقانه ورا الجدران ساكن انسان وصحاب جيران ده حضن الامان لكن ساعات يدق عقرب الزمن ويفرق عشره زمن فى لحظه يضيع الامل و فلحظه يرجع امل وانسان يدفع تمن صحه ودماغ و علام لكن مهما كان جوه الجدران حضنا انسان قاعد فرحان وساعات تعبان ديه بيوت دهب من قش وخرصان ولو مين ذهب حيرجع عطشان يا بيوت دهب .................................................. ........................... يا ناس يا ناس كفايه كلام يا ناس كلمكوا ضلام وجهل علام ليه تختاروا كلام قولتوه من غير حسبانوا وتقولوا فاتوه اعمل و خلاص حساب للزمن متقلش خلاص سيبت الزمن يتحكم فينا ويأسر فينا كفايه ضلام ارفعوا رايات و اعلام من اليوم و الغد اذا كان راح نفتح نور العلام ونقولوا سلام يا عم ضلام .................................................. .............. حاسس بالوحده يا دروب خاليا مفيهاش غيرى يا قلوب غاويه تبعد عنى وترمينى ماشى فشارع مفيهوش انسان انا والله ما طامع غير فأنسان يملا معايا مكان وفبرد الليل يداوينى واذا غبت عيله ينادينى وفمرضى يداوينى لكن انا عايش وحدانى مين يملا معايا فمكانى اه يا زمانى ما تحلالى بتقسى عليا عشان وحدانى ويبقى سؤالى لزمانى امتى تصاحبنى وتحلالى .................................................. ............................. اللفه البيضه اللفه البيضه والقلب الطيب من ضحكه قلبه تلاقينا نحب من اول كلمه يقولهالها تروح الام باكيه وبكاها يجيى بفرحه و من تانى كلمه يقولهاله يروح الاب و ملاعبه ويشيل همه ورا قلبه ديه اللفه البيضه ياعينى عليها نشكر اللى خلقها و نصلى عليها .................................................. .............................................. يا سلام !!!! يا سلام م الاحلام لما تكتر وتبان ولا يوم بتنام احلم بسلام من أول جارى لحد بلادى ويكون سلام ميكونش كلام ولا استسلام محلا السلام وجمال القوام سلام مش ورقه وحبر وكلام فالسطر عايزين حريه ومراسى البر .................................................. ............................. دمار و خراب ناس ميته وبيوت خاليه وبلاد غرقانه سرحه وتايهه دمار وخراب فى بلاد الله شارع سرداب لخلق الله سكاكين بتموت والالات بتفتت ودم اخوات على طول بتتهدد خرايط دم وشوال م الهم وتقول ارهاب يابنى ادم تختار الحرب وفيه الرب وتقول انا عبده من جوه القلب كفايه دمار وشطر الاحجار كفايه خراب دخان و ضباب يا سلام يا سلام على السلام وجمال القوام .................................................. ............................. ابوس ايديكى و اشيليك شالك مسك و حنان و حضنك دفه وامان من حبك انا حيران يا امى يا جبل الزمان ساعه الليل تداوينى وساعه الميل تراسينى ابوس ايديكى يا حبيبتى وراح اشيليك لما تنادينى مفيش كلام فالدنيا يقدر يوصف قلبك مفيش كلام فالدنيا يقدر يوصف فحنانك افديكى بروحى لو بس تقولى اديكي عيونى يا عيونى ربنا معاكى يا حبيبتى ويحفظ قلبك ويديكى اجمل ايام و تتهنى .................................................. ............................. جبل صخر جبل صخر لكن بكاى عقله بحر ويحسب الجاى و انا من جواى اغنيلك وايدلك عمرى الجاى مبيتكسرش من الزمن مابيعرفش حتى الندم وكلمته كلمه حكيم وطلته طالت كريم انتا الاب من غير لقب وانتا القلب لكن حجر .................................................. ............................. مشروع حياه مشروع حياه وعاء و املاه امتى وفين جوه الحياه تفقد صديق تكسب صديق هى الحياه ساعات بتضيق لكن برئ و مش غريق حلم عمرى مشروع الحياه ولو لوحدى حتمشى الحياه لو فيه امل يطلع قمر لو غاب امل غاب القمر والنجوم وموت الشجر مشروع حياه هى الحياه من غيره ندم وتمشى بينا الحياه .................................................. ............................. من الشباك من الشباك نلقى فرح وحياه من الشباك نلقى حزن والام نلقى فرح وهله جيران الحزن ادبح بلمه عرسان من الشباك نلاقى الماضى من الشباك نلاقى الجاى والاتى وساعات نلاقى الحزن سواد وبكى وبحور احزان وميه ندى من الشباك شايف انسان قاعد ندمان من الشباك شايف انسان قاعد فرحان من الشباك نلقى الحياه فاتحه الاحضان لحظه فرحه ولحظات احزان .................................................. .................................................
__________________ غاب الضمير وادينا طرح الغل فودينا لا رجعنا ولا ابتدينا ضل الطريق بينا و مشينا ومين العتوم الشجين و امنا تنادينا ننسى اللى بينا و فينا علشان عيون امانينا ضل الطريق بينا   | | |||
| مصريه مميزه
| | ||
| مصرى نشيط
|
شكرا ليكى يا لمياء بس انى اكتب للملك محمد منير ديه كبيره اوى بس ادينا نحلم و ان شاء الله يتحقق اللى بتحقق
__________________ غاب الضمير وادينا طرح الغل فودينا لا رجعنا ولا ابتدينا ضل الطريق بينا و مشينا ومين العتوم الشجين و امنا تنادينا ننسى اللى بينا و فينا علشان عيون امانينا ضل الطريق بينا | | |||
|
| مواقع النشر |
| العبارات الدلالية |
| الجدار, اللى, مجموعه, وراه |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
| التسجيل | التعليمات | قائمة الأعضاء | التقويم |
العرض العادي
