 |
|  |
| |
| |
28-02-2008
| ||||||||||||||||||
|  كلوة علوه كلوة علوه صاحبك علوه حزين ومبوز باع الكلوه عشان يتجوز كان خاطب واديله سنين وماهيته على قد الحاله واهل عروسته عليه صابرين بيقولوا بنشترى رجاله لكن لما المسأله طالت وصاحبنا مبلط فى الخط جات الست حماته وقالت فى نقط ويا حروف تنحط مسكت علوه اديتله كلام ف جنابه كده بالمحسوس عمك علوه فط وقام ونزل من عندها مكبوس وحماته قال ادته مهله شهرين لاجل يدبر حاله ماذا والا الفركشه سهله وعروسته مش راح تبقاله وعلوه اهو ماشى الدنيا ف عينه اضيق من حرم المفتاح والهم ده مرسوم ف جبينه بيقول نفسى اموت وارتاح وف عز ماهو كان مدهول علوه عنيه لمحت اعلان بيقول مطلوب بالمستعجل كلوه عشان واحد تعبان هوب ف لحظه طلب النمره قال ايوه موجود متبرع كلوه صحيحه سليمه وحمره ماهو دايما على طول متسرع عنها وعلوه دخل مواويل علشان موضوع العمليه فحوصات واشعه وتحاليل ونتايج واضحه وجليه يوم ورا يوم وتتم البيعه وصاحبنه قبض القرشين جرح ف جنبه الامه فظيعه وبواكى عددهم تلاتين اول ما قدر رجله تشيله راح جرى حمامه على جماعته راسم نفسه وشادد حيله وف ايده قال الثروه بتاعته ناول اللفه الست حماته وقعد لها مرسوم ومزأطط والست اهه فهمت نظراته وقالت له على ايه بتطنطط تلاتين الف حيعملوا ايه دى جوازه مش بيعه فجل ورميتله فلوسه ف اديه وقالت غور من وشى يا عجل مسكين علوه حرام اتبهدل باع الكلوه ما طالش مناه خسر الكلوه لكن ما تأهل والدنيا ما جاتش على هواه دكتور عادل عيد
|
|
 |
| مواقع النشر |
| العبارات الدلالية |
| علوه, كلوة |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
علوه باع الكلوه .... واشترى الوهم .... رائع يادكتور
العرض العادي
