قررنا نكون حافيين

الأخوة الأعزاء أعضاء المنتدى



أنا جمال نور فنان تشكيلى



أحب الشعر وأحب كتابة الزجل



فأرجو أن تتقبلونى محاولا



لكم تحياتى ,,,,

بمناسبة إلقاء جزمة منتظرالزيدى على وجه بوش



بتاريخ 15 / 12 / 2008





قررنا نكون حافيين




ياريتــها كانت جزمتــى




ياريتنى كنت انا الجانى




ياريتها كانت هِـمِّـتــِـى




وافـْـضَــل أرمى من تانـــى




كنت أترك بصمة لولادى




ورفعت الراية لبلادى




بصراحة الشاب كان جبــار




رمى الجزمة




على الجزمة




رماها بغـِـلّ واستــحقار




مسح لنا بعض من عارنــا




ومنها … تصرفات جارنا




لما سلــِّم بوش بــدون داعى




سلاح قال إيه دمار




****




ومابين الذل والخيبة




وبعد ما ضاعت الهيبة




ونفد الصبر والصبار




ظهر فارس ف وسط النار




وقال يا كلاب .. أنا عراقى




أنا فدائى




انا اللى هَـوَلـَّـع الأنـــوار




من بعد ما انطفت ف الدار




ف مشهد عدَّى كل زمان




وكل مكان




لقينا الفارس المغوار




بإيده بيرجم الشيطان




بجوز جـَمْـــرات




وخلى ــ البعيد ــ ما يساويش صرصار




****




وخرج الشعب للشارع




خرج بالطبل والمزمار




يغنى لسـَّـه فيه ثـــــــوار




وقالوا كتير عن الجزمه




وانا معــاهم




لازم نعملــَّــها تمثال




وتبقى مضرب الأمثال




أو تتحط ف المتحف




وتتخلـِّــــد .. وتبقى مزار




أو نعلقها عند باب عشــتار




وتبقى آثار




ومن دلوقتى خدنا قرار




نكون حافيين




ونفضل ع الدوام ماشيين




بدون جزمه




لأن الجزمه ليها لازمة




نسَـكـِّـت بيها أى حمار




يقول أشعار




ف مُحتـَـــل ..




يرجــَّـــع عصر لستعمار




أو مُختـَــــــل ..




يبيع بلدُه بأبخس الأسعار

جمال نور

هههههههههههههههههه
يا جمال باشا الناس الأجانب هما اللي ممكن تزعلهم جزمة,لكن عندنا هانرميهم بالجزمة هاياخدوها يبيعوها,
,
مية مية يا جمال باشا,
ممتعنا دايما بكتاباتك.

اقتباس المشاركة الأصلية كتبت بواسطة كيكو2444 هههههههههههههههههه يا جمال باشا الناس الأجانب هما اللي ممكن تزعلهم جزمة,لكن عندنا هانرميهم بالجزمة هاياخدوها يبيعوها, , مية مية يا جمال باشا, ممتعنا دايما بكتاباتك.

ياسيدى إحنا ناس انتهازيين
مسألة الكرامة نحّيـْـناها جانبا .. الوسيلة ليست مهمة من أجل الغاية .. أصبحنا " ميكافلليين " فالغاية تبرر الوسيلة....!!!!
ومع إنه لازال هناك بعض الشرفاء ولايرضيهم هذا الحال أمثال منتظر الزيدى
إلا أنهم للأسف قِلة فى هذا الوطن
وإلا ما وصلنا إلى هذا الحال من التدنـّى

تحياتى لك ياأبو خليل ,,,

الكرامة أخر ماتبقى لنا فلابد للدفاع عنها
شكرا يا فنان شكرا ياجمال

كرامتنا ثم كرامتنا ثم كارمتنا
شعر لسه نازل جديد عارفه يا ترى فين شعر ده من زمان كان فين لما شفنا انفسنا تحت القاده الاجانب يا ترى بقى
كارمتنا كانت فين لما كانو تحت الجزم طيب كويس في ناس لسه فايقه ترمي جزم يلا على خير عقبال النووي