حكاية بنت ..إسمها إنجى..

صاحبى راجل .. كبـيـر ورزين ** متعلـم عالى .. ومركـزه متقدم
سنـه زاد .. فــوق الستين .. ** لكنه لســه وسيم .. ومهندم
مشاعره حساسه .. وقلبه حـزين .. ** وحيـد عايش دنيـاه.. متنعم
سمـع في يـوم .. رنين تيلفون ** قام مــن نومه دايخ .. متألم
سألهـا يـاحلـوه .. إنت ميـن؟ ** واسمـك إيه؟ .. وقعـد يتمتم
قـالتـله إنجى .. بدلال وحنين .. ** وصوت بالرقة .. والدلـع يترنـم
غنـى قـلبـه .. بعد الأنين .. ** ورقص على صوتها.. بلدى واتحزم
وجـرى زرع في راسه .. شعرتين ** وشــد وشـه.. وحلـق ورمم
لماقـابلها.. فـردت جناحيـن .. ** بالحـب والاُحضان راحت تتكلـم
وعـيون كحيله.. زانهم حاجبين.. ** ونظـرات جميلـة .. بالرقـه تعلم
وضحكه عريضه .. ماتعرف منين .. ** وشفـايفهـا بالحب.. تسلـم
ودقــة حسن .. مع غمازتين .. ** لما تنظر لك .. بالدلال تتبســم
وقفتهــا .. أجمل من أحلى ملاك.. ** وجسمها مرسوم .. مثيـر.. متقسم
أو غزال شارد .. يتلفت هنا ..و هناك ** ما تعـرف واثق والا .. متلـعثـم
وشعـرها الأسود .. بموجه الفتاك .. ** طـاير على كتافها .. عاوز يتلملم
فتنه شاكيـرا .. ودلع نانسي.. يتلقَّاك ** وجمـال أليسا .. لمـا تحب.. تتمم
فيها غرور الواثق..وضعف الشكَّاك.. ** وشعــور غـامض.. يخليك متنوم
وأحـلام .. ورغبات مستورة..تستناك ** صعب تقراهــا ..لـو حتى تترجم

µµµµµµ

إنجـى ليها حكاية .. حاولت تحكيها.. ** مسكــت إيديه.. وقعـدت ترويها
قـسـوة الدنيا .. عاشت مآسيهــا.. ** وقصة صعبه .. أخذت البطولة فيها

مشاعرها الخاصة .. جاهدت تخفيها.. ** وملابسها الغالية .. مقدرتش تغطيها

ورعشه إيديها .. إبتدى يشعر بيها .. ** ودمعة على خدودها..حاولت تداريها
ورجفـة جسمها .. هزِّت كراسيها .. ** وصاحبنا قاعـد .. بيحاول يواسيها
إبـــن الستين أخــد بأياديهـا .. ** ساعدها في محنتها .. وحاول يداويها

µµµµµµ

قالتله .. لو طلبت ياحبيبي تتجوزني!! ** حتوافق باروحي .. والا تحتــار ؟

قالـهــا أحتـار إزاي وأناحبيتك .. ** من قبل ما اشوفك .. وأنا في انتظار
بس أنــــا راجل كبير واختيار .. ** وانت الربيــع .. وزينه الديار ..
وبهجــة الدنيا .. وعمر الأزهار .. ** بـــلاش تنكوى .. بنار الكبار ..
قالته ..أنا عاوزه راجل فكره يغذِّيني.. ** وانا حره .. وسيبني آخـد القرار ..
ورافضه العيـال .. اللى بتغويني .. ** وانت يا حبيبي .. نصيبي المختار ..

µµµµµµ

قالها..خايف ليكون حبـك..قناع يشقيني.. ** مش عاوز حلاوة الحب .. تستهويني

ولا قوة جمالك .. أوضعفك يكويني.. ** ولا طيبة قلبي .. في النـار تشويني

ولا عاوزك في يوم..تندمي وترميني.. ** يابنت العشـرين.. حـرام تحبينـي

قالتله..أنا نفسي في راجل يقدر يحتويني.. ** ومن حبه الصادق .. يغرف ويسقيني

انا عاوزه عاشق .. يعرف يداويني .. ** يمسك حبــالى .. يشدني ويرخيني

ياخدني في دراعه .. والعالم يوريني.. ** انا عاوزه راجل .. بصراحه يحميني

وانت الباقي من عمرك.. .حنانه يكفيني.. ** والفاضل عندك .. خفايـاه ترضينى

وغمـوض تجاربك .. سهل تعريني.. ** تاخــد منــي .. وترجع تغطيني

µµµµµµ

ما بين التردد .. وغريــزة الإلتهام ** حـاول صــاحبي .. يحقق المرام

مـرة يقول لأه .. ومرة يقول تمام .. ** عـايز.. ومش عاوز ..خايف الملام

قالتله ..بـلاش تفكير كتير.. وكلام .. ** حنعمـل قصة .. تدوم .. مع الأيام

يالله نتجــوز .. ونعيش فـي سلام ** ونخلِّف رانيه ..وأحمد ونوروإلهـام

وحبهــم بقـى فيلم .. من الأفلام .. ** (إنجى والعجـوز) .. لحسـن الامام

وصحى صاحبى فجأة .. من المنام .. ** يبـص وراه .. ويبـــص قـدام

يدور علــى إنجى .. فتاة الأحلام .. ** لقـــى طيفهـــا.. مجرد أوهام

__________________________________________________

من ديوان شعر د. عاطف مختار

(كلمات ملضومة .. وحكايات منظومة)

ايه الحكاية ؟؟ هيه حكاية انجى مش عاجباكم والا ايه... أنا بحبها واعتبرها من أفضل ما كتبت !!

شـكــ وبارك الله فيك ـــرا لك ... لك مني أجمل تحية .

ألف مبروك .. لقد سعدت بهذا الخبر

موفق بإذن الله ... لك مني أجمل تحية .