الفضيل
ترتيل ونور ف السما بيسبح الديان
دايب ف اعظم صلي ع المصطفي العدنان
مركب نجاه الكون علي سطح الزمن سلطان
شايل الهدايا هداية من ربك المنان
يفرد شراع الامل فوق القمر بمكان
يحضن قلوب الحياري يوصلها بالرحمن
ما احلي دموع الرجا والتوبة م العصيان
من غدر موج الليالي والسنين طوفان
الاقي مركب حبيبي ترياق وبر امان
ــــــــــــــــــــــــــ
الوجه نورلؤلؤي وسندسي القفطان
والقلب واسع ورحمه ,الركن ميت فدان
واقف في باب السنة بامر م الرحمن
يدي السعاده لمحسن ولمسعدة فستان
يرحم دموع الثكالي والارملة تنصان
ياخد بايد اللي الغني يعلمه الاحسان
يوصل لمحتاج عفيف وبتستره الحيطان
صبار و منه الدوا يحيي بني الانسان
حلمه يغيب عن سمانا الفقر الحرمان
============
شامخ بعز الكريم عالي جبل فرسان
يزرع رجولة وشهامه يرويها بالايمان
والارض لو طوع يمينة كانت ترابها امان
والامن عمرة مايكبر لو ما اتسقاش ايما ن
لان نبت الامان لما يكبر بيقلعوا الخوان
واللي يقوم ع الامانة لازم يكون انسان
مصيبة لما الديب يقيم العدل ف الخرفان
=============
الطاعة فيه ماسدةوالبر فيه ميدان
والجود حبيب النبي والوصل فيه قربان
والعفة نور الوجوه والذكر عطر لسان
والمسك طيب الخلوف وف السما غفران
يارب نقدر نصون له الود والاحسان
ونصوم نهاره وليله في صحبة القران
ونرجع العز للاقصي وسائر الاوطان
لا اوحش الله منه لا الكون ولا الانسان
حجه امام العظيم يوم يرفع الميزان
اسمه الفضيل من صفاته وفي الشهور رمضان
العرض العادي
