| التسجيل |
 |
| مصرى نشيط
 |
انا ليا عتاب صغير ونفسى فيوم يتغير فقر و جوع وبطاله وفروق مابينا كتير تعبنا من التدبير والنوم عالحسير وكلام كتير بأطاله ونموت م التفكير انا ليا عتاب صغير على موضوع خطير امثال و ناس قواله بتحسد جناح الطير تهاجر بلاد و تطير ولا يوم نلاقيه اثير جناحات الطير طوافه من غير حدود بتسير انا عندى ليكى عتاب من يوم ما اقفلو الباب على الناس الطيابه ونرجع نقول ليه غاب زى السكر داب رميته الحبل ولا ساب وصبحنا م الغرقه من غير سؤال و جواب انا عندى ليكى عتاب ده همك ياما جاب حمول والناس شياله على ضهور من تراب ياما دوقنا العذاب من غير ما نقول عتاب عتاب ملهوش نهايه لحد يوم الجواب فبطن الام يموت جنين من قبل ما يدوق الحنين والسنين رايحه و جايه ميتبقاش غير الانين لفين يا بخت لفين رايحين وليه طال الزمن ساكتين اعمار بتفوت تموت و كتير فايته احلام سنين بتموت فايتين غصن الشجر دبلان و حزين عالشمال اهات دايمين و عاليمين نبع الغلابه من الحياه خايفين عاشوا حياه خاسرين احبابهم الغالين مبقاش غير الديابه فى نفاقهم غايصين قلوب بتوه فالشوارع وعالرصفان ضلوع وناس فالدنيا ضايعه وغاب مرسى القلوع تتجمع الجموع حولين نور الشموع حوليهم اسوار عاليه معليهم غير الطلوع شبك صياد مقطوع ماتبقى غير فروع يرمى رزقه عاللى خالقه واللى فجيبوا ندم و دموع ماشى قلبه موجوع الحمايه فين و الدروع اه يا مين يداوى جراحه وجرح بقيت الجموع عتاب عاللى نام و اتيتم وعالحق اللى اتباع و اتعتم وسواقى الارض دواره ومين من عيبه اتعلم واللى عنه العدل اتكتم ملهوش حتى يتمتم والقاضى مشكوك ميزانه ومش كل جرح اتلملم عارفه ليه بعتبك عشان بعشق عذبك سريانه مياهك جاريه زى شريان قلبك عارفه ليه بعتبك عشان ابرد خوفك وخوف الناس التايهه على نفسهم وعلى ارضك اسكت ولا اعتب اصدق ولا اكذب طلاباتك ايه غاليه اخلص ولا اذنب اكره ولا احب اسكن ولا ادب فدروبك اللى غاويه عذاب و عشانها اتعذب
__________________ غاب الضمير وادينا طرح الغل فودينا لا رجعنا ولا ابتدينا ضل الطريق بينا و مشينا ومين العتوم الشجين و امنا تنادينا ننسى اللى بينا و فينا علشان عيون امانينا ضل الطريق بينا   | | |||
| مدير منتدى مصر |
عاميتك رائعه وجميله تسلم على قلمك البراق
__________________  أفيقى يا أمه الأسلام  | | ||
| مصرى نشيط
|
شهاده غاليه من انسان غالى شكرا يا استاذ اسامه و ارجوا تكون مواضعيى مشرفه للمنتدى الجميل ده
__________________ غاب الضمير وادينا طرح الغل فودينا لا رجعنا ولا ابتدينا ضل الطريق بينا و مشينا ومين العتوم الشجين و امنا تنادينا ننسى اللى بينا و فينا علشان عيون امانينا ضل الطريق بينا | | |||
|
| مواقع النشر |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
| التسجيل | التعليمات | قائمة الأعضاء | التقويم |
العرض العادي
