الناس دي غريبة
تصرفاتهم عجيبة
اه منكو يا ناس
توجعوا الراس
اه منكو يا ناس
كنت معزوم في حفلة
و فجاة والدنيا ساكتة وعلى غفلة
صاحبي قالي
ماتقوم تغني
و الناس يتحايلو
الصراحة كسفني
وقمت غصب عني
ابص على وشوشهم الاقيهم مكشرين
وناس تانية قاعدين مضايقين
استغرب على حالهم
و اقول مالهم
مش هم اللي قايلين
ليه بقى مش قابلين
صاحبي قام ومسكني
من ايدي و قاعدني
قلتله في ايه
قالي انت اللي ايه
ماصدقت نقولك غني ولا ايه
قلتله مش هم اللي قالولي
وكمان اتحايلو و اغرموني
اما صحيح عالم هبلة
قالي يا سيدي دي كانت مجاملة
الناس......الناس دي غريبة
وفي يوم كنت قاعد مع صاحبي ف الكافيه
وقجاة الموبايل رن فرديت عليه
صاحبي قالي مبروك...قلتله على ايه
ع الوبايل الجديد و بحلق عينيه
وقالي قولي على امكانياته
قلتله على كل اللي فيه
اتنرفز هو وخبط بايديه
وقالي...
مبلاش المنظرة
و شغل الفشخرة
متزلش حد بحاجة
ميقدرش يجيبها
عشان معندوش مقدرة
مش هو اللي قالي قولي ع اللي فيه
اكدب انا يعني...اكدب عليه
الناس......الناس دي غريبة
تصرفاتهم عجيبة
اه منكو يا ناس
توجعوا الراس
اه منكو يا ناس
العرض العادي
