زي المجنون
- - - - - -
وابورين قطرين وما بينهم بين
افراح اتراح او شبر براح
وف غمضة عين
طرائيع فراقيع
أشلاء بتطير
منظر وفظيع
شايخ ورضيع
راحو الاتينين
والحادث م المجهول مسؤل
ونعيد الكره علي القضبين
عياط ظياط
أو كوم إحباط
أو فخ يفخخ
للإسقاط
مش كنا إمبارح بنولول
علي طوب قليوب
وبنفس طريقته دبسهم هما الأتنين
مش كنا إمبارح بنصَرخ وبعلو الصوت
علي عباره سموها الموت
أو قطر العيد
أو قصر ثقافه
من غير تحديد
والحادث م المجهول مسؤل
أصل انا نساي
طياره مليانه ظباط
طب فنجان شاي
شربة ميه
يادويقه مقاتيلك دول
هانو عليا
أفتح كراس وأقفل كراس
الحارس علي خزنته حراس
هنعيش ننداس ونموت وخلاص
أصل المسألة
ناصح وعبيط
أصل الموضوع محتاج تظبيط
من جيل مجهول
غرقان في هموم
بيقوم م النوم
علي جري القوت ويعيش ويموت
مش واخد باله
مين محبوب أو مين مذموم
قطر وطياره وسفينه
لأ لازم وقفة سيف مسنون
أو اعود لصراخي وأحزاني
زي المجنون
العرض العادي
