[shoshohegazy]

اثناء الخطوبه وكتب الكتاب بيكون العريس حريص اوى على عروسته وبيهتم بيها وبأدق تفاصيل حياتها وبالمناسبات السعيدة عشان يفرحها وبيخاف عليها جدا من الهواء الطاير ومش عاوز يتعبها فى اى شئ وبيسمعها كلام حلو اوى وميقدرش يشوف دمعتها تنزل عشان بتقطع قلبه ويشترى لها الحاجات ال بتحبها ويفتكر معاها ذكريتهم المشتركه وازى شافه اول مره وازاى منمش الليل لما شافها وقعد يدعى الله ان تكون من نصيبه
وطبعا ده كله كان زمان
طب ليه الواحد حاسس انه كان مخطوب لواحد ودلوقتى متزوج واحد تانى خالص مع ان من الواقعى ان العشرة تزيد المحبه والاهتمام والارتباط بس الواحد شايف العكس الرجل بيتغير 180 درجة والمرأة مسكينه انسان رقيق مش عايزة الا الكلمه الحلوة والحنان والشعور باهمية وجدها فى حياة زوجها وان من غيرها الحياة ملهاش طعم مشاعر جميله والعجيب انها كانت موجوده بس قبل الزواج
وهنا دعونا نسال هل الزواج مرحله لقتل المشاعر ؟
الاجابه طبعا لالالالالالالالالالالالالالالالالالالالالالالالالا لالالالالالالالالالالالالالالالالالالالا والف لا
المشكله فينا احنا الى من كتر المشاكل نسينا ان احنا بشر رقيق محتاج لايد تطبطب عليه وتحبه مش حب توفرى اكل ومنزل بس ولكن حب فى كلمه حلوة فى وردة جميله فى نظرة حانيه يعنى مش حب مادى وكله مسؤليات
انا بدعو كل زوجه تشعر الان بفتور فى علاقتها الزوجيه ان تكتب رساله لزوجها تفكروا باحلى الذكريات والمواقف الصعبه التى مرت على زوجهم وبفضل الله وحبهما لبعض اجتازوا هذه المشكله واعملى لزوجك طبق حلو هو بيحبه وهاتيله هديه حلوة ولو وردة بسيطه وجددوا الحب فى البيت وعاتبيه على جفائه وقلت مشاعره
ويا رب تكون بيوت المسلمين كلها حب وهنا وسعاده زى زمان

[Hegazy]

تسلم ايدك يا شوشو.....

[shoshohegazy]

الله يسلم عمرك يا حجازى باشا وانا بقترح عليك تضيف قسم بالمنتدى اسمه فضفضه عشان نتحدث فيه على اى شئ لان عمليه الافراغ الوجدانى احد اساليب العلاج النفسى ويمكن الواحد يجد احد ينصحه اويهون عليه او يحكيله تجربه مماثله فانا مثلا اليوم قمت و امى وحشانى قوى ووحشنى حضنها وكنت عايزة اتكلم على المى الشديد فى بعدى عنها وازى ان مفتقداها وعيالى كمان حتى اكلها وحشنى ضحكتها وكلامها ونصيحها ياه لو قعدت اليوم بطوله اكتب عن امى مش حخلص الله يبارك لى فى عمرها وصحتها وكذالك بابا ويجمعنى معاهم على خير ومع اخواتى ارجو الاهتمام باقتراحى ولا تقولى زى ما بيقولوا حنقدم المشروع بتاعك فى الجلسه القادمه لمجلس الشعب وبعدين الموضوع يموت زى ما كتير من احلامنا ماتت بسببهم

[El_Masry1983]

شكراا على الموضوووووووووع

[semsem2007]

الموضوع تحفة وجه بالظبط على الجوانا وياريت كل زوج يفهم الكلام ده وميقولش انا بعبر عن حبى بطريقة عملية ؛ الحياة عايزة مشاعرتهون علينا ضغوط الحياة يكفى انه يتذكر فترة الخطوبة كانت ازاى وهوَ هيعرف الفرق...