[dody15]

السلام عليكم قبل كل شئ أخواني وأخواتي

وإحنا بندخل على الموقع لاقينا القضايا اللي في الصفحة الرئيسية
شدني جدا قضية كسر يد تلميذ و جعل تلميذة سخرية والاستهزاء بها أمام التلاميذ ....!
يعني لو المدرسين اللي بيعملوا كده وبيخرجم طاقتهم من ضيق أو مشاكل موجودة فيهم أصلا في تلاميذ لا حول لهم ولا قوة وكل ذنبهم إن المدرس ده هو اللي درسلهم

يعني لو إبن أو بنت المدرس حصل معاهم المواقف دي هايبقى إحساسك يا أستاذ إيه هاتبقى مبسوط ولا تقول حسبنا الله ونعم الوكيل

أنا مبتكلمش على كل المدرسين لأني باحترم كل مدرس ومدرسة أنشأم أجيال بس برده لازم نتخيل إن إبننا أو بنتنا هي اللي في الموقف ده

حراااااااااااام
يا أساتذة إرحموا التلاميذ إجعلوهم أبناء لكم

التلميذ لما يحب أستاذ هايتبعه بكل حب وفرحة وليس بخوف ورهبة

يا أستاذ إسأل قلبك ألا يوجد حل لمثل هذه الأفعال ...؟
ألا تستطيع جعل الأطفال أحبابك بدلا من عبادك.....؟
المدرس الناجح هو من يجذب تلاميذه لهم بحب ليس من يضرب ويرهب...

ففكر بداخلك أكيد هناك مدرس أثر بك بالحب وأكسبك صفات حسنة وأنت متذكرها الى الآن..... وهناك أيضا مدرس أساء يوماً ما في معاملتك فكرهته وتظل تكرهه الى الآن.....
أرجوك أستاذي عامل الأطفال كأنهم أولادك لا أسرى حرب لك
إترك بهم أثر إيجابي ينبع منهم كل طاقة جميلة تفيد المجتمع

فنحن بحاجة إليهم أطفال أسوياء ومن الممكن تجدهم سنداً لك في يوم من الأيام

مع جزيل شكري واحترامي لكل مدرس ومدرسة

[أسامة صلاح]

[align=center]
[align=center]
الاساتذة الان معظمهم مرضى نفسيين
الكل واقع فى دايرة مشاكل مش عارفين نقطة البداية فين
هل هى قلة الراتب اللى مش قادر يعيش بية المدرس خاصة والمواطن المصرى عامة
ولا التربية الغير صحيحة للاولاد اللى بيتشاقو جدا فى الفصول
ولا ظاهرة الدروس الخصوصية اللى بيتبعها المدرس
ولا محاربة الاباء للعمل من اجل القدرة على دفع المبالغ الرهيبة للمدرسة وللمدرسين
إذا كان المدرس هو أب يضرب أبناءة فى البيت
فكيف نطلب منة أن لايضرب التلاميذ فى المدرسة

العملية التعليمية فاشلة جدا فى مصر
وأتحدى من يثبت عكس ذلك
والدليل البطالة رغم كم التعليم العالى اللى فى البلد
[/align][/align]

[dody15]

يا جماعة فى هجوم شديد على المدرسين عشان فى ناس منهم بتغلط وغلطهم ده جايب لبقية المدرسين الشرفا الكفية

البقاء لله فى اسلام الطفل اللى عنده 11 سنه وربنا يصبر اهله ومعرفش المدرس جاتله ازاى حالة الهستيريا الغريبة ده ويضرب تلميذ بالشكل ده هو المدرس ده مجنون الله اعلم

مدرس تانى برضه ضرب 15 تلميذ وفى بعض الصحف كاتبين ال ايه المدرس كان عايز ياخد البسكويت من العيال ولما التلاميذ مرضيوش المدرس قام مدور الضرب فيهم

ده كلام ناس عاقلين والرواية التامية بيقولوا ان الفصل كان هايص وهو قرر يادبهم طب لما بيبقا الفصل هايص ممكن ادخل واهدد بانى هفصل التلميذ اللى مش مؤدب واهدد بانى مش هخليه يدخل المدرسة تانى والحورات ده

برضه الحكومة رخصت المدرس مبقاش قادر يكفى بيته ومحدش يقول الكادر لان الكادر 50 % من الاساسى واالاساسى ده اهانه ما بعدها اهانه حوالى 150 جنيه او ازيد قليلا بعد شغل 4 سنين تبقى الخمسين فى الميه 75 جنيه بخالهم وبعد الخصومات والضرايب واللذى منه بتبقى حوالى 70 جنيه بحالهم


فبدا المدرس يبص للدروس واحنا هما مش بنبرر لكن المدرس اتجه للدروس واصبحت الدروس هى الدخل الاساسى فبدا بعض المدرسين يبصوا للدروس على انها بقت اجبارى او على الاقل المجموعة اجبارى

ومن هنا بقى المدرس باحث عن احتياجاته ( المال ) عشان على الاقل يقدرر يعيش عيشة مستورة وبقى الطالب بيبص للمعلم انه بياخد منه اجرة فبقى المعلم عند الطالب مجرد واحد جاى يعمل شغلانه باجرة

وبنوه برضه بعض المدرسين مش كلهم لسه فى ناس كويسه

[بدر الدجى]

عندك حق يادودى والله كده حرام بجد
الحكاية بقت ظاهرة الوقتى وزادت اوى
المدارس بقت اصلاحيات والتلاميذ بقوا زى الاحداث
بصراحة لازم وقفة كبيرة للى بيحصل دا 00
اشكرك دودى 000

[ahmed_alabd]

[align=center]
احنا بنقول كدا لمين هو صحيح زى ما فية مدرسين مظلومين فية مدرسين
مش فاهمين واجباتهم يعنى يضربوا الطلبة علشان الدروس يخوفوا الطلبة
وطبعا محدش ناسى الطالبة
الى توفت بسبب خوفها من المدرس لانها ماعملتش الواجب
شكرا دودى على الموضوع الى انت فتحتية للمناقشة
[/align]