ابى الحبيب حسنى مبارك !!!
مقدمة :
تسمحلى اقولك يابابا ؟؟؟!!!
يا بابا انا تعبان اوى ... لا مش سنانى لا دى ودانى ... !
ايوة ودانى اصلى سمعت كتير اوى عن حاجات حلوة هتحصل ومحصلش منها حاجه . حقولك شوية حاجات منها ... بابا مش عايزك تزعل منى علشان فتحتلك قلبى . واخواتى كمان هيقولولك شويه حاجات يمكن انا نسيتها .
1 _ بابا مصر فى السياسه والاقتصاد وحتى فى الرياضه بقت فى الحضيض .. بقينا فى اخر القايمه .
بابا صدقنى والله .
2 _ الدول اللى كان محدش بيسمع عنها بقت احسن مننا بكتير وبقوا بيصدروا كمان .
بابا انت نمت ... لسه صاحى ... طاب اكمل بقى .
3 _ بنشوف قناه الجزيرة والعربيه ودبى كان ... شوف همه وصلوا وبيقولوا ايه واحنا بقينا ايه .
نفتكر دة من ايه ؟؟؟؟؟؟؟؟؟ !!!!!!!!!!!!!! .
4 _ المصريين اللى عايشين برة محدش بيسأل فيهم خالص , تصور لو حد منهم مات السفارة مش بترضى تبعت الجثث بتاعتهم الا لو الناس لمت من بعضها ودفعوا المعلوم .
5 _ وهو احنا مبنزرعش قمح ليه يابابا ؟؟؟؟؟؟؟؟؟
6 _ ليه عمو عمر خالد وعمو القرضاوى ملهمش برامج فى التليفزيون المصرى يابابا ؟؟؟
ليه كل البرامج بتطلع فيها روبى وهيفا ونانسى ودينا ؟ طاب وعمو الطنطاوى مبيزعلش لما بيشوف الحاجات دى ؟؟؟ .
7 _ فى اشاعه ان عدد الجراد اللى هاجم مصر 70 مليون جادة يعنى نفس عدد شعب مصر وان عمو كمال الشاذلى هو اللى بعتلهم علشان يقولوا نعم لمبارك ؟؟.
صحيح ...... هما كتبولك مبايعه على ورق الشجر؟ .
8 _ يا بابا وزير الزراعه وشه فقر وقدمه نحس اوعى تفرط فيه لانه دا بقى املنا الوحيد .
9 _ بابا صحيح انت ناوى تجدد تانى فى 2011 ؟؟.
( يا بابا سيب شعرى .... مين الناس دول يابابا ؟؟؟؟؟؟؟ هما وخدنى ورايحين على فين ؟؟؟؟؟؟؟؟ ) .
__________________
العرض العادي
