 |
 |
 فى قلب النور أنام وأصحى وبرضه الصوره مش واضحه تشق عيونى قلب الليل تدور عن شعاع فرحه بعيد عن ضلمة العالم بفتش عن بواقى الحلم دروب العتمه تسرقنى تضيع عمرى ظلم فْ ظلم وفى السكه .. لقيت الأرض بتلملم خضار توبها وفوق التوب لقيت بصمة إيدين جارحه سنابل قمح مش طارحه وجوا الهيش كلاب سارحه تفتش عن بواقى الحلم تقطع لحمنا الميت وتنهش فينا ظلم فى ظلم *** ولسه العتمه واخدانى وبين الحيره والتوهه خطاوى الضلمه معتوهه ولا بتخلص يا مشوارنا ولا بنخطى أسوارنا ولو نلمح طريق راحه نلاقى السكه مشبوهه ونرجع نمشى فى العتمه ونفس الحلم هو الحلم تضيع منا سنين تانى يشيب العمر ظلم فى ظلم *** لمحت شعاع بيتسرسب مشيت وياه .. لقيت مركب  فى قلب البحر فاردالى قلوع الحلم بتْصَفَّر خلاص ماشيه وبتودع موانى الظلم نسيت نفسى رميت نفسى لقيت نفسى فى حضن البحر وصوت الغربه جوايا بيصرخ .. يبكى ويايا سنين العمر وابص ورايا واتحسر على العمر إللى متكسر على الحلم إللى عشته سنين ولا إتحقق ولا إتفسر وقلت انسى لقيت فجأه إيدين أقسى بترمينى فى قلب البحر أصارع موج واحارب صخر ولسه كتير على المرسى قالولى لو وصلت لشط " لو يعنى " محدش مننا قابلك ولا شافك وإيدك هى مجدافك وخد حلمك على كتافك ضربت البحر بس البحر كان قاسى كسر إيدى ندهت بعزم أنفاسى خنق صوتى حضنت الروح بإحساسى سحب روحى ونبض الحلم بيعافر ومش قادر وسلِّمنا ومات حلمى .. ومُت أنا فيه وبغرق بس عينى عليه وسامع صوت بيندهنى .. بعيد لكن كإنه قريب أنا عارفُه ده صوت أمى على روحى بيتشاهد وبيسَمِّى وبيبارك نزيف دمى وصوتها يبقى آخر صوت وبعده سكوت ....!
__________________  "But, "this globe is so ill-constructed, so irregular, All here appears chaotic; look at these little brooks, not one of which goes in a straight line, and these ponds, which are neither round, square, oval, nor of any regular form Observe too the shape of the globe as a whole. In truth, what chiefly makes me think there is nobody here, is that I cannot suppose any sensible people should wish to occupy such a dwelling." well, said Micromegas, "perhaps the people who inhabit it are not sensible" | | |||
| zahoraaaaa
|
كلام رااااااااائع بجد التوبيك ده ملوش حل ومعبر جدا شكرا
__________________  سـتظـلى شامـخـه رغـم أنـف الحـاقـديـن   بيني وذي العالم عقدة كبيرة من يدخل فى عمق الخيط ويحاول فكه قطعت يده  | | |||
|
شكرا زهراء على مشاركتك الجميله ويارب يكون التوبيك عجبك بجد
__________________ "But, "this globe is so ill-constructed, so irregular, All here appears chaotic; look at these little brooks, not one of which goes in a straight line, and these ponds, which are neither round, square, oval, nor of any regular form Observe too the shape of the globe as a whole. In truth, what chiefly makes me think there is nobody here, is that I cannot suppose any sensible people should wish to occupy such a dwelling." well, said Micromegas, "perhaps the people who inhabit it are not sensible" | | |||
| مشرفة في منتدي مصر   |
عمر بجد لاول مرة اقرأ كلام يبكيني وفي نفس الوقت اهنيك توبيك رائع والله يابني عشت جواه وكل لحظاته الم جوانا كل منا علي هواه تعبيرات الكلمات قوية رائع ياعمر
__________________  فقدتك يا اعز الناس فقدت الحب و الطيبه وانا من لي في هالدنيا سواك ان طالت الغيبة رحلت ومن بقى وياي يحس بضحكتي وبكاي وحتى الجرح في بعدك يعزيني وأهلي به تصدق قد ما حنيت اشوفك في زوايا البيت واسولف معك عن حزني واحس ان انت تدري به شسوي بالالم والاه ولكن البقاء لله يصبرني على بعدك ودا حظي وراضي به | | ||
|
الغاليه ماما ناديه على اد مانا فرحت بوجودك على اد مانا زعلان جدا ان كلامى ابكاكى منورة مامتى وشهادة اعتز بيها
__________________ "But, "this globe is so ill-constructed, so irregular, All here appears chaotic; look at these little brooks, not one of which goes in a straight line, and these ponds, which are neither round, square, oval, nor of any regular form Observe too the shape of the globe as a whole. In truth, what chiefly makes me think there is nobody here, is that I cannot suppose any sensible people should wish to occupy such a dwelling." well, said Micromegas, "perhaps the people who inhabit it are not sensible" | | |||
|
| مواقع النشر |
| العبارات الدلالية |
| العالم, بعيد, ضلمه |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
| التعليمات | قائمة الأعضاء | التقويم |
العرض العادي
