[هوايا مصريي]

انا عضوة جديدة هنا وطبعا زي حال كتير في القسم دى مغتربة والغربة تعباني اوي صحيح معشتش في مصر كتير بس برضو بعشقها حتى وانا بعيدة عنها صحيح شفت فيها الغربة برضو وانا بين اهلي بس عارفه ان الاحساس دى جه من الناس اللي حواليا واقرب الناس ليا اللي هم اهلي بس برضو بعشق مصر وبعشق ترابها
انا بجد تعبت حتى المصريين في البلد اللي انا فيها جرحوني جدا
هما الناس بقو كدى ليه حتى وهما بغربة ومع اللي من بلدهم
والله الغربة كفاية
قولولي اعمل ايه لما احس بالغربة في كل مكان اكون فيه

[hoss65]

أهلا بيكِ ومنورة المنتدى وسعداء بوجودك معنا
وان شاء الله تلاقى هنا الى يقلل احساسك بالغربة
انا زيك متغرب وعندى حنين كبير للوطن ومش بلاقى نفسى غير هنا
تمنياتى لكِ بالتوفيق

[El_Masry1983]

[align=center]
أهلا بيكى معانا وأنا برضه متغرب وعدى حنييين بس حنين دى بنتى هههههههههههههه
ماتزعليش نفسك مشاغل الدنيا بتغير النفوس
وإن شاء الله فى المنتدى دا مش هاتحسى بالغربة
عارفة ليه ؟؟؟؟؟؟؟؟؟؟؟؟؟؟
علشان الناس هنا بتعرف بعضها من غير مصالح مادية لا تربطهم إلا الصداقة الخالصة
وإ شاء الله هاتعرفى دا معانا
أخوكى
مصطفى المصرى
[/align]

[هوايا مصريي]

أخويا hoss65 شكرا اوي على ردك وبجد فرحت بيه وانا بجد مبسوطه ان لقيت مكان يجمع المغتربين
ويا رب الاقي نفسي هنا وتسلم على الرد اللي بجد فرحني

أخويا مصطفى المصري شكرا جدا ليك وربنا يخليك حنين يا رب اما من نحيه ازعل نفسي ولا لا فخلاص زعلت واتفلقت كمان يا سيدي هنعمل ايه ويا رب فعلا ما أحسش بالغربة هنا بس يا رب بجد مش الاقي نسخه من الناس اللي اتعاملت معاهم لأن المشكله ان اللي بينا كان اخوة ومفيش لا مصالح ماديه ولا غيره وبرضو بيجرحو في الواحد وبيفكروا في مشاعره اخر حاجه دى وهما بغربه ومن نفس البلد بس اكيد في لسى ناس كويسين وشكرا ليك على الرد الجميل

[hoss65]