[مختفى عن البشر]

السلامو عليكم
انا التوبيك دة يعنى للاسف اول توبيك حانزلة يكون منقول
بس انا نزلته علشان بجد عجبنى اوى كلامة وربنا يستر عليا
اسيبكم معاه وانتوا تشوفوة

هنضربك على قفاك ..ولو قريتلى الف كتاب وكتاب
داحنا الحكومه ياولد واحنا اللى بأدينا الحساب
واحنا اللى افترينا واحنا الى بنينا حزب اسمه الهباب
واحنا اللى زورنا واحنا اللى فبركنا كل انتخاب وانتخاب
ودلوقتى جى تقولى مش هضربك ...دانا هضربك وهضربك على قفاك

اوعى تكون نسيت نفسك يامواطن دانا اللى جوعتك
وانا اللى شحتك وانا اللى بيعتك هدومك م الدولاب
وانا اللى سممتك فى بطنك وانا اللى كتفتك فى صمتك وانا اللى خليتك تمشى جمب الحيط وتسك عليك الباب
وانا اللى شردتك سنين وانا اللى كترت عليك الدين وجريت عليك الكلاب
بتقولى مش هضربك .....دانا هضربك وهضربك على قفاك

هو ده عيبك يامصرى تنسى اللى عملته فى عصرى
عملتك حفلات كتير مليانه نانسى وهيفا وغير
والدلع بقى عينى عينك والحشيش باين فى عينك وكليبات على كيف كيفك ناقصك ايه تانى يا كداب
دانا اللى بكترلك مشاكلك وانا اللى دايما مشاكسك مطرح ماطروح تلاقينى قفلك كل باب وباب
وتقولى مش هضربك ..دانا هضربك وهضربك على قفاك

وانا اللى علمتك تخاف... والعيش ان لقيته هتاكله حاف... وان لقيته يبقى حظك
او بتاخد بالاسباب
وانا دمرت انتماءك وانا بهدلت اللى جابك وانا خليتك تعجز قبل ما ما تعيش الشباب
وتقولى مش هضربك على قفاك دانا هضربك وهضربك على قفاك

الحق اجرى استخبي بسرعة

[لمياء سلام]

[align=center] بما أنها منقولة، تُنقل لقسم المنقولات
شكرا لكَ أخي
و لا داعي للإختفاء
[/align]