[tasnim mahdy]

أليوم ميلادك ياسيناء
أبتدى منين وانتى يوم تحريرك ميلادى
ياهدية من ربى وفخر ليا ولولادى
مأنتى أرضى وسندى من أيام أجدادى
وذكرى مولدك هيعيش على مر الزمن ليا ولاحفادى
أليوم ميلادك ياسيناء
أسيبك لية وانتى كل شبر فيكى بينادينى
وشايف عيون اعدائك بتعاديكى وبتعادينى
دة انا لو أطول أشيلك بين رموش عينى
ضمينى يارمز بلادى وفى حضنك وبين ترابك خبينى
فأنا شهيدك وعارف انك مش هتنسينى
وقفت لعدوك وفى ذكراكى اليوم
أفتخر بترابك اللى كاسينى
أليوم ميلادك ياسيناء
جيتلك ياسيناء وفى ايدينا سلاحنا وأمالنا
وعلى أرضك بنيت كل أحلامنا
ومن غير وجودك الانكسار والحزن كان يبقى حالنا
وكان هيشمت فينا الخسيس وهتفرح فينا عزالنا
لكن رجعتى لينا واتحقق فيكى حلمنا
اليوم ميلادك ياسيناء
قول يأبن بلدى زى انهاردة حررنا أرلاضنا
وصونا فيها بلادنا وحياة ولادنا وعرضنا
واتحقق فيها من يوم رجوعها ذاتنا وحلمنا
خلاص ياسيناء أصبحتى ملكنا
وهتنور فى أرضك شمسنا
وكلام وتخطيط اعدائك ولا يهمنا
المهم انك بينا ومعاكى لقينا نفسنا
هنزيل منك ومن أرضك نجس أعدائنا
هنعمرك وهينبت فيكى زرعنا
أليوم ميلادك ياسيناء

[بدر الدجى]

اختيار جميل ياتسنيم
كل سنة ومصر كلها بخير
وعامرة بناسها الطيبين
تسلمى تسنيم

[tasnim mahdy]

المشاركة الأصلية كتبت بواسطة بدر الدجى

اختيار جميل ياتسنيم
كل سنة ومصر كلها بخير
وعامرة بناسها الطيبين
تسلمى تسنيم

مرسى اوى على مرورك الطيب
وكل عام والامة كلها بخير
نورت موضوعى تحياتى
تسنيم