[عاشق الهدي]

النقطه الاولي
يا جماعه الحمد لله في عدد كبير بيكتب في المنتدي بتاعنا ومنتدي جميل جدا وفي عناصر متميزة جدا ولكن في حاجه انا شايف ان الكل مقصر فيها فين يا جماعه النقد مش معقوله كل الكلام اللي بيتكتب بيبقي مميز والا كنا بقينا كلنا شعراء فين النقد البناء اللي بيخلي الواحد فينا بيكتب وهو حاسس بجمال الكلمة والمعني اللي بيكتبوا علشان هو هيكتب مش مجرد كلام ده المفروض انه قسم شعر الاعضاء يعني المفروض انه شعر جميل ولكن كل ابن أدم خطاء انا ممكن اضع كلمة في غير موضعها او يكون معناها مش ماشي مع الكلام او الموضوع اللي بكتبو فلازم تلفتوا نظري طبعا الكلام موجه للجميع لا اقصد به احدا بعينه ولكنها ظاهرة منتشرة جدا في القسم بتاعنا حتي المشرفين والاعضاء عمري ما شوفت نقض بيقدم لاي حد من الاعضاء ( مع العلم ان أُكن جميع الاحترام للاعضاء والمشرفين والادارة) انا اقصد اننا نكون متميزين عن المنتديات الاخري عارفين ليه لاننا منتدي مصر منتدي بيعبر عن كل مصر فالمفروض اننا ولاد مصر وطول عمرها مصر ولادها متميزين
دي نقطه
النقطه الثانيه
موضوع المسابقه اللي كانت من كام يوم فكرة اكثر من رائعه وممتازة ويشكر حسام علي الفكرة الممتازة دي لانه بصراحه اكيد تعب فيها كتير بس في ملاحظة كده لاحظت برضوا انه مفيش حد اتكلم عليها خالص ولا حتي لفت نظر الباقي المسابقات الشعريه يا جماعه المفروض انها بتكون في الشعر العامي علي حده والفصحي علي حده علشان نقدر نقييم المواضيع لانه مينفعش اننا نقارن بين شعر عامي وشعر فصحي دي النقطة التانيه
النقطه الثالثه
اوجه عناية الاخوة المشرفين والاخوة اعضاء الادارة الي الفصل يا جماعه بين الشعر الكل يبقي ليه القسم اللي خاص بيه فمثلا الشعر العامي في العامي والشعر الفصحي في مكانه ويتم تعريف الكاتب علي القاسم اللي بيمارس فيه نشاطه
يا جماعه انا بقول وجهة نظر وانتوا ليك حرية الرد واللي شايف انه في كلامي نوع من الخطأ يقولي
انا بقول الكلام ده لان بعتبر منتدي مصر زي بيتي وده مجرد لفت نظر لا اقصد به الاساءة الي احد بعينه ولكم مني جزيل الشكر
واتمني اشوف ردودكم

[بنت الكنانة]

[align=center]
عاشق الهدى

نقاط ممتازة فعلا

ولكن من يستجيب لما نريد

مع العلم انه ليس من المفترض ان يسمى قسم شعر

فما نسطره هنا ليست سوى خواطر

اتمنى فعلا ان ننقد مافيها

لنعلو بمستوانا

ولكن من السهل جدا ان تقول لفلان مبدع وفلان متميز

ولكن الانتقاد صعب

ولهذا فكلنا مبدعون

ومتميزون

اتمنى ان ينتبه احد من الادارين الى موضوعك

لعلهم يحققون ما نريد

دمت بخير
[/align]

[doaa32002]

[align=center]شكرا يا عاشق الهدي علي اهتمامك
و طرحك للموضوع
بالنسبة لموضوع المسابقة حسام عايزها تبقي كل شهر
و بالنسبة للاقتراحاتكم في تقسيم المنتدي او تعديل اسماء الاقسام
ياريت تعملي بيها موضوع في الشكاوي و الاقترحات
و انا هشفها
و انا تحت امركم[/align]

[عاشق الهدي]

انا اشكرك بنت الكنانه علي مرورك وأشكرك ايضا يا دعاء علي تقدير الموضوع انا ممكن ابقي اشوف اقتراحات الزملاء وابقي اكتب اللي احنا كلنا عاوزينه

[الحبيب المخلص]

اخى العزيز (عاشق الهدى)
اولا احب اشكرك على موضوعك البناء والمفيد جداا لمنتدانا الغالى
ثانيا: بالنسبة لموضوع النقد دى حاجه ترجع لشخصيه كل واحد . كل واحد حسب وجهة نظره ممكن انت تشوف ان فى حاجه ناقصه فى قصيده معينه وممكن غيرك ميشوفش كدا فدا حسب وجهة نظر كل واحد
وطبعا النقد البناء مفتوح لاى شخص وطبعا مقدرش ارغم اى حد انه يقول نقد او ميقولش كل واحد حسب وجهة نظره ولو راجعت القصايد الى موجوده فى القسم هتلاقى فى قصايد عليها نقد
انا شخصيا فى موضوع ليه الاخت (منى عز الدين) كتبتلى نقد عليه وطبعا اسعدنى كثيرا لان دى حاجه هتفيدنى بعد كدا
الى عايز اقوله اخى العزيز ان النقد موجود بس ممكن يكون بنسبه قليله شويه
ثالثا : بالنسبة للمسابقه دى كانت اول مره وطبعا لازم هتبقى فيها اخطاء والخطاء كان موجود وخصوصا فى النقطه الى انت قولت عليها ان المفروض ان يكون فى قسم للشعر العامى والفصحى وانا بعترف انى اخطأت وانا بعتذر ولكن دى كانت بمجرد تجربه واكيد ان شاء الله هنتعلم من الاخطاء دى ومش هتكرر تانى
رابعا : بالنسبة للفصل بين اقسام الشعر
انا برجح الفكره دى واتمنا انها تنفذ قريبا ان شاء الله ويبقى فيه قسم خاص بالعامى والفصحى فى قسم شعر الاعضاء
واخيرا اخى العزيز (عاشق الهدى) اتمنى بان وفقت فى ايضاح وجهة نظرى لك وان اكون عند حسن ظنك ان شاء الله
واسكرك كثيرا لاهتمامك
تقبل منى تحياتى