نعنش وفرفش

مسطول عنده بغبغان وهوه قاعد يحشش راح البغبغان اكل الحشيش المسطول اتغاظ وراح
حابس البغبغان فى عشة الفراخ .. البغبغان لقى الديك رايح جى يبصله بصه اعجاب ... الغبغان قاله ... بقولك ايه انا جى فى مخدرات مش فى اداب


الصداقة بين النساء : لم تعد الزوجة بيتها ذات ليلة .. وفي اليوم التالي قالت لزوجها أنها كانت نائمة عند صديقة لها ..! اتصل الزوج بأفضل عشر صديقات لزوجته ليتأكد من كلامها فأنكر الجميع رؤية زوجته تلك الليلة . الصداقة بين الرجال : لم يعد الزوج لبيته ذات ليلة ..وفي اليوم التالي قال لزوجته أنه كان نائماً عند صديق له ..! اتصلت الزوجة بأفضل 10 أصدقاء للزوج لتتأكد من صحة كلامه ... ثمانية منهم أكدوا أنه كان نائماً عندهم تلك الليلة .. فيما أقسم اثنان أنه لا يزال عندهم إلى الآن


اتنين مساطيل قاعدين وبعدين فى جنازة معدية عليهم ... وعلى نفس الطريق فى عربية نقل جاية بسرعة فائقة ..... فالجنازة تركت الميت وجريت .... وفجأه العربية ضربت فرامل وتفادت الجنازة ..... فالمسطول قال لصاحبه تصدق .. الميت ده انكتب له عمر جديد


مرة أبو العربى دخل القسم فالضابط بيحقق معاة وقال له إزاى يا أبو العربى تعمل كدة فى الراجل دا انتا كسرت له رجل وقطعت له ايد وجبت له شرخ فى دماغة ، فرد ابو العربى يا باشا انا كنت ماشى بالعربية بتاعتى بسرعة وسعادتك عارف عربيتى مفهاش فرامل فانا قعدت ادى للرجل دة كلاكسات واقلب له فى نور وهو اللى ما بعدش عن العربية فدخلت فية غصب عنى . فرد الضابط لا لا لا لا انتا كدة عندك حق هو اللى غلطان انا ها سالة ، فسال الضابط الرجل قال له انتا ازاى ما بعدش انتا مش عارف ان عربية ابة العربى مش فيها فرامل ، فرد الرجل والله يا باشا انا معملتش حاجة انا كنت قاعد فى الدكانه .

قام الشيطان امبارح الصبح و لم كل متعلقاته و سايب البلد و ماشى الناس كلها جريت و راه سيبنا ورايح فين يا شيطان هتلاقى ناس زينا فين كدبين و منافقين و حرمية.... رد الشيطان و قال .. انا بخلى الواحد يسرق و يبقة من الاغنياء و بخلى الواحد يغش و يبقة من الكبار و الواحد يزور فى الانتخابات و يدخل مجلس الشعب و بكبر الناس لحد رئيس الجمهورية و فى الاخر ادخل على اى حد فيهم القيهم معلقين يفطة كبيرة مكتوب عليها... هذا من فضل ربى ... و عوزنى اعود؟


مرة واحد صعيدي سفر بنته تتعلم برة لما رجعت بتقول لباباها أنا بحب فيتراك قالها حب ابن عمك قالت دي فيتراك دة مربة قالها ابن عمك عسل قالت له دة بيعبوه في برطمنات قال لها ابن عمك بيحطوة في بلاص

مرة واحد دخل على مراته الغرفة بتاعتها فلقى مراته نايمة مع واحد على السرير فقالها يا خاينة وراح طلع المسدس علشان يقتلها فراح الراجل قاللوا معاك الكاميرا الخفية فقال ياه دي خامس مرة يعملوها فية .


واحد بلديتنا مسافر برة بعثه فا صحابه قالوله ان اكل بره كله غير صالح للاكل فا اقترحه عليه ياخد معاه ثلاث زلع مش ونصحوه انه يسمى قبل الاكل لاحسن الشيطان ياكل معاه فا جه اول سنه فتح اول زلعة ونسى يسمى وتانى سنه تانى زلعه ونسى يسمى ثالث سنه لسة هياكل طلعله الشيطان ابوس ايدك سمى انا صدرى اتحرق


مره بطه راحت للبقال وقالت له عندك سكر :قال لها لأ:فاتت ربع ساعه وراحت له تانى وقالت له عندك سكر :قال لها لأ وعارفه لو رجعتى هنا تانى سوف أدق رجلك المفلطحه دى بالمسامير .فاتت ساعه ورجعت له تانى وقالت له عندك مسامير قال لها لا فقالت له طيب عندك سكر !!!!!!!!!!!!


واحد فتح فرن عيش ومحدش عاوز يشترى منه فجالة زبون حب يعمل منظر فقاله من اول الصف ياستاذ ومحدش واقف الراجل حب ياخده على كد عقلة فرجع اول الشارع وراحلة تانى وطلب منة العيش وكررالرجل امر تانى الراجل اتخنق وبعد ما بيجيبلة العيش ضربة بالقلم على قفاه فقالة لية كدة قالة وانا مالى الناس واقفة كتير مش عارف مين اللى ضربك


زوج بيقل زوجته انا حاسس انى عايش فى حديقه حيوان فاستغربت وقلتله ليه قاللها الصبح اصحى من النوم زى الديك واجرى الى العمل زى الحصان والساعه خمسه ارجع من الشغل وانا الهث من التعب زى الكلب وبالليل انام جنب بقره

جميل جدا يا ياسمينا

مشكوره على اجتهادك

و الله حلوة جدا بس انتي بتجيبي النكت دي منين

جميله جدا النكت دى اتمنى انك تكملى وتجيبى كمان وكمان نكت جامده زى دى لان احنا مخنوقيييييييييييييييييييييييين جدا