[hidden_ghost]

اهلا بكم سيداتى انساتى سادتى
بالقمر الصناعى من استاد يثرب الوطنى احييكم لنقل المباراة الهامة والمرتقبة بين يهود بنى خيبر ويهود بنى النضير
زى مااحنا شايفين يهود بنى خيبر نازلين الملعب من ساعة شروق الشمس وشغالين تمارين ويهود بنى النضير لسة بيعملو شوبنج فى خزاعة مول وجايين كمان شوية
يهود بنى خيبر امبارح قاموا بزيارة للاصنام وخلصوا كل حاجة وجايين جاهزين النهاردة بقيادة مدربهم الجديد....شمقمق
طبعا زى ماحنا عارفين وبنتابع دايما ان المدرب ده رفض كل العروض المقدمة ليه من نادى حطين ونادى بدر..وقبل العرض المغرى بتاع بنى خيبر
تصوروا بقى مرتبه فى الشهر الف دينار وناقتين
وعنده خيمة مكيفة وجمل فور باى فور وواحد تانى سبور
والحمد لله بنى النضير وصلوا اهم
والحكم الدولى ابا الحكم بيعمل القرعة
لو انت قاعد فى مدرجات الدرجة الاولى هتلاقى بنى النضير على يمينك وبنى خيبر على بردو على يمينك (الاتحاد قوة)
لو انت مش فى الاستاد مش هتشوف حاجة لان التليفزيون لسه ما اخترعهوش
وتبدى المباراة وزى مانتوا شايفين المباراة حامية جدا والهجمات مش عارفين نلاحقها
ايه ده الحكم موقف المباراة يا ترى فيه ايه.....اه لا عنده حق
الحكم شايف ان اشراط بنى خيبر غير شرعية وبيطالبهم بالتغيير
وتستكمل المباراة باسقاط الكرة...وهجمة خطر لبنى خيبر ...وانا شايف اللعيب بتاع بنى خيبر وقف بالكورة .فيه ايه...اه لمح لاعب بنى خيبر ان اللعيبة بتوع بنى النضير عاملين له كمين وبانيين خندق قدام خط التمنتاشر.
بناء على كدة الحكم حسب ضربة جزاء..وانا شايف الجهاز الفنى كلة طلع السيوف وبيجروا على الحكم...لكن طبعا احنا شايفين الامن بقيادة اللواء ابو لهب عامل شغل والله صورة مشرفه تساعدنا فى تنظيم كاس الامم الجاهلية 3 هجرى.
والحمد لله الوضع استقر واللعيب داخل علشان يسدد الضربة..والحارس بيشاور طالب التغيير وبيجرى ناحية الجماهير وبيقول شلـــــت يدى.
وعلشان مافيش حارس احتياطى فالحكم اضطر يلغى المباراة وينهيها بفوز بنو خيبر .
الف الف مبروك لبنى خيبر ..وانا شايف الجماهير النضيرية ورا الجون بتضرب الحارس أيه ده دول جـ ـيـ ـيـ ـن علينا
أه
أه
أه
واللى سمعتة ان الحكم بعد ماالغى المباراة ضحك الحارس وقال انها سليمة
كان معكم من استاد يثرب أبا بن حلزة
الى اللقاء فى مباريات اخرى ان شاء الله وكان معكم مخرجكم أبا بن حلزة برضه (معلش بقا الناس مش كتيرة)

[أسامة صلاح]

جميل جدا الموضوع دة
فكاهى من الدرجة الأولى تسلم جداااااا علية

[mshref]

مشكور والحكام لازم يتربوا
يعطيك العافيه

[sami sayed]

هههههههههههههههههههههههههههه
المذيع ده متحيز لبني خيبر اداهم ضربة جزاء و كام هجمة
المذيع ده لازم يتربى ههههههههههههههههههههههههههههه
مشكوووور يا مان
شـكــ وبارك الله فيك ـــرا لك ... لك مني أجمل تحية .

[hidden_ghost]

المشاركة الأصلية كتبت بواسطة أسامة صلاح

جميل جدا الموضوع دة
فكاهى من الدرجة الأولى تسلم جداااااا علية

منور التوبيك يا أستاذ أسامة

المشاركة الأصلية كتبت بواسطة mshref

مشكور والحكام لازم يتربوا
يعطيك العافيه

هههههههههههههههههههههههه
عندك حأ لازم يتعلمو الأدب

المشاركة الأصلية كتبت بواسطة sami sayed

هههههههههههههههههههههههههههه
المذيع ده متحيز لبني خيبر اداهم ضربة جزاء و كام هجمة
المذيع ده لازم يتربى ههههههههههههههههههههههههههههه
مشكوووور يا مان
شـكــ وبارك الله فيك ـــرا لك ... لك مني أجمل تحية .

العفو يا بوب عندك حأ والله لازم يتربى