[h.grafi]

تزوج ارنب من سلحفاه وفى يوم الصباحيه استأذنت السلحفاه زوجها الارنب بأن تذهب تحضر الفطور. فوافق الارنب
ولكن السحلفاه اتأخرت قوى..
ساعه....ساعتان - يوم.... يومان - شهر.... شهران
وبعد سته اشهر خرج الارانب ليبحث عن زوجته الضائعه
وحينما نزل الشارع فوجدها امامه على بعد امتار : فذهب اليها وهو يصرخ
ايه ياهانم ......انتى فاكرك نفسك مين؟؟
لا..........انتى عايزه راجل يحكمك...انتى
فقاطعته قائل:
انت بتزعقلى......طب والله ما ان رايحه......

مرة اربع صعايدة داخلين امتحان فجائهم سؤال فى الامتحان وهو كام عدد ارجل المعزة؟ فكلهم سألوا صاحبهم حسنين وما كنش بيرد عليهم فلما خلص الامتحان قالو لحسنين انتا ما قولتلناش لية
قالهم المراقب كان جنبى ومعرفتيش اطلع المعزة


اجتمع ثلاثة من البخلاء وقرروا التبرع بجزء من مالهم بعدما كثر كلام الناس عليهم. قال البخيل الأول: سأرسم دائرة على الأرض وأرمي المال في السماء فالمال الذي يسقط بداخلها لي والمال الذي يسقط خارجها للفقراء!! قال الثاني: أما أنا فسأرسم خطاً على الأرض وأرمي المال في السماء فالمال الذي على يمين الخط لي والمال الذي على شمال الخط للفقراء!! فقال الثالث ( وكان أشدهم بخلاً): أما أنا فسأرمي المال في السماء فالمال الذي يسقط على الأرض لي والمال الذي يبقى في السماء فللفقراء

مره واحد ماشى فى الشارع فاتزحلق فى قشرة موزه
فقام وهو ماشى شاف قشرة موزه تانيه
قال يووووه حتزحلق تانى.

مرة واحد حشاش لما استلم راتبة راح البيت وقعد يقسمه 100 ايجار - 100 مصروف بيت -200 حشيش
وفجاة وهو قاعد سمع خبط على الباب قال مين رد علية الى برة
قاله بوليس راح مقطع ال200 الحشيش

اثنين محششين طلع لهم عفريت قالهم اتمنوا
الاولانى قاله انا نفسى سياره مرسيدس و100 كيلو حشيش
سأل الثانى وانت تطلب ايه
الثانى طل فى صاحبه وقال للمارد : هو الكلب ده سابلى حاجه اخترها


واحدة نايمة جنب جوزها سمعت صوت في الصالة قالت لجوزها قوم شوف يمكن حرامى.. قالها قومي شوفى انتى يمكن حرامية


واحد قابلوه جماعه قالو له الحق مراتك بتخونك فى الغابة فراح جرى ولما رجع صاحبه سأله عملت ايه فرد عليه وقاله يا أخى الناس دى تهول الامور شجرتين ويقولوا غابة

طلع مجموعة صيادين يصطادو وكل ما يصطادو حاجه كلابهم تجري تجيب الفريسه ما عدا كلب واحد منهم بيخاف من صوت الرصاص فقالو لصاحبوه خده الافراح اللي بيحصل فيها ضرب نار كثير عشان يتعود على صوت الرصاص وبعد ما اخده لمدة 6 شهور رجع يصطاد ثاني أول ما بدا ضرب النار الكلب قام يزغرط

حمار بيقول لحماره متى حنتزوج ياحماره قلتله لما تحسن الفاظك

واحد انجليزي وواحد فرنساوي وواحد صيني راحوا يجربوا صدى الصوت
الانجليزي قال هاللو فرد عليه صدى الصوت و قال: هالوووو هالوووو هالوووو
الفرنساوى قال بنجور رد عليه صدى الصوت و قال: بنجوووور بنجوووور بنجوووور
الصينى قال شونج ننج هونجاهو فرد عليه صدى الصوت و قال: ايه ايه ايه.

كان في جماعة عمال بيبنوا كنيسة و عمالين يقولوا
هيلا هيلا صلي ع النبي
جالهم القسيس قالهم ايه ده ماحدش يقول كده خالص
راح واحد منهم كتب على الحيطة الى قدام الكنيسه صلي ع النبي
صارو يقولو...هيلا هيلا بص عالحيطة

واحد بيشكي لصاحبته
قال لها : يمكن مانى غني .. ولا عندي سياره ولا فيلا ولا مزرعة ولا شركه ولا فلوس زي محسن صاحبي ولكني أعشقك واحبك .. فضمته ودمعت عيناها وقالت : إن كنت بتحبني بجد ...عرفني على محسن

الموساد قرر انه يشغل معاه واحد صعيدى يكون عميل ليهم
نقوا واحد اسمه هريدى وسفروه تل ابيب وقعد هناك 4 شهور يتعلم لما اتعلم قائد الموساد قاله خلاص يا هريدى انته ارجع مصر ولم معلومات واحنا لما نعوزها نخدها منك
هريدى قاله يعنى يا فندى ابعتهالكم في جواب
قاله قائد الموساد جواب ايه الله يخرب بيتك حتفضحنا وتودينا في داهيه انته تقعد في بيتكم واحنا لما نعوز المعلومات نبعتلك عميل من عندنا يقولك ازيك يا هريدى وازى امك تعرف ان دى كلمة السر وتديه المعلومات
هريدى سافر مصر وعدت الشهور والموساد احتاج المعلومات
فبعتوا عميل لهريدى يجيب منه المعلومات العميل ميعرفش شكل هريدى
راح على العنوان وسال البواب هو هريدى بيه ساكن هنا البواب قاله انهى هريدى فيهم فيه 4 هريدى هنا
العميل خاف لينكشف قاله اللى في الدور الاول فالعميل خبط على ا لباب وقال في نفسه انا اقوله كلمة السر لو هو
يدينى المعلومات لو مش هواشوف اللى بعده
لما فتح الراجل اللى في الدور الاول قاله ازيك يا هريدى وازى امك قاله الراجل:
انت غلطان في العنوان يابيه هريدى الداسوس في الدور الرابع


واحد صايع راح يخطب واحده
ابوها قاله: انا عليا الشقة
رد عليه وقاله : وانا عليا البنات والبيره

واحد مسطول وقف تكسى
قالو: تودينى فين وادفعلك كام

رد عليه السواق وقاله ايه رئيك تنزل هنا وتجيب الى تجيبه..


مرة واحد نساى قاعد يفكر مع نفسه ويقول "جمبرى فى الطبق" لا لا "ارنب فى الجردل" برضه مش دى "استكوزا فى البانيو" يوووة برضه مش دى، انا اتصل بالدكتور احسن. راح اتصل بيه وساله: يا دكتور هو صحبى عنده ايه؟ قال له: انا قولت لك ميت مرة عنده "سرطان فى الحوض"


مرة واحد قابل واحد اخنف فسالة قالة: انت بتشتغل اية؟ فرد علية الاخنف وقالة: فننان. قالة: يعنى بتغنى. فرد الاخنف: لا فننان. قالة الراجل: يعنى اية بتمثل. فرد الاخنف قالة: لا فننان بحت العيش فى الفنن


واحد قابل واحد قلة انا كنت قاعد فى البلكونة وقعت عليا حلمبوحة رد الثانى وقلة يعنى اية بلكونة.

مرة إتنين مساطيل واحد بيقول الثانى: هما القدماء المصرين بنو الهرم فى اد اية..قالو:50 سنة ..قالو: ييياه لية كدا؟ قالو: اصلو
كل ما يرصوا حجرين الحكومة تكبس عليهم

واحد يسأل صعيدى:ليه الحمار عندكم يسبأ الحصان. رد عليه لانو فى ارضه وبين جمهوره

واحد عنه لدغه فى حرف الشين يعنى لما يبغى يقول شارع يقول شششششششششششارع مره حب يشترى شاورما فصار من بداية
الطريق يقول ششششششششش لحد ما وصل المحل قال للراجل ششاورما بس الراجل مخدش باله سالو عاوز ايه قالو يخرب بيتك واحد همبرقر

شحات بيكلم بنت تخينه جدا بيقولها: بئلى يومين مكلتش. ردت عليه: انا بحسدك على ارادتك

صعيدى اتقطعت جزمته وداها للراجل خيطهالو بعد اسبوع لقاها كويسه فك الخياطه


شباب يدرسو فى امريكا ابو واحد منهم مات احتارو كيف يبلغوه واحد رخم منهم قال انا ابلغه جا للراجل قالو: متى اخر مره شفت ابوك رد عليه: من شهرين قالو: احلق شنبى لو شفنه تانى


واحد كل يوم يقوم من النوم مستغرب واحد يوم صحى مش مستغرب فاستغرب.

[bob_hero]

[align=center]ههههههههههههههههههههههههههههههه
والله نكت جامده جامدة جاده [/align]

[h.grafi]

المشاركة الأصلية كتبت بواسطة bob_hero

[align=center]ههههههههههههههههههههههههههههههه[/align][align=center]
والله نكت جامده جامدة جاده [/align]

أجمل ما قرئت من تعليق
الله يكرمك يابطل

[دمعة حدوته]

هههههههههههههههههههههههههههههه
مشكوووووووووور

[lenda_radwan]

hahahahahah
[
والله وجعت قلبى من كتر الضحك[/
E]