[master.ms]

وا حسرتاه

وا حسرتاه

بداية ... سؤال محيرنى
لماذا هذا الجيل وأقصد جيل الشباب ينظر للحياة نظرة سوداوية ؟؟
لماذا كل ما يُكتب يعبر عن حالة بالبكاء والعويل والحزن والأسى ؟؟

كنا فى جيلنا ومن سبقونا يخطط لحياته منذ نعومة الاظافر وسن المراهقة
كان هناك سؤال دائم من الكبار ... نفسك تطلع ايه .. يقصدون العمل أو المنصب .. أو أمله فى الحياة
كنا نجيب على السؤال نفسى اطلع كذا أو كذا
وكلنا بلا استثناء حققنا ما كنا نحلم به
رجالاً أم نساءً حققنا اكثر ما كنا نحلم به
حتى لا تحكم مسبقا ان وقتنا غير وقتكم جيل الشباب
اطمئنك ... كنا فى حال اسوأ
كان من الصعب التعليم والتعلم
كان من الصعب الحصول على الماديات
كان من الصعب التعرف على اشياء وبلاد اكثر من حدود مدينتك
كان من الصعب العمل بعد التخرج مباشرة
كان من الصعب امتلاك حتى دراجة تذهب بها لاى مكان
كان من الصعب الحصول على لقمة العيش لاسرة من ثمانية افراد أو اكثر
لكن
كنا كلنا أمل فى الحياة
كنا نتعلم ونعمل
كنا نحصل على اقل الماديات لكنها تكفينا
كنا نقرأ ونعيش مع الكتاب كأننا حروفه
كنا نخطط قبل الالتحاق بالجامعة لما سوف نفعله بعد التخرج
كان العائل لنا يصرف علينا وعلى الفقير من أهله

الآن
سألت احد اطفال العائلة
ماذا تريد ان تكون عندما تكبر ؟؟؟
كانت اجابتة .. وبكل وضوح
لماذا اصلا اتعلم وانا ارى الكبار عاطلون ... المهم الفلوس يا عمو
...
هل هذه نظرة اطفال اليوم لمستقبلهم
هذا طفل ... فماذا يقول عندما يصل لسن المراهقة

سألت مرة فى احد المنتديات
ماذا تخطط لمستقبلك
رد على احدهم يملك من العمر عشرون عاما
كان رده مثير غريب وجادى جدا
ـ اريد عندما اتخرج ان افتتح محلا واضع به عشرات من اجهزة البلايستيشن
أخصص احدهم لى ... العب به طوال النهار والباقى يدر لى ربحا

أى والله كانت هذه اجابته

هل اتحسر على الاجيال الحالية والقادمة أم يتبقى لى بصيص من الأمل ؟؟
كيف يخرج جيل اليوم من النظرة التشائمية التى يعيش بها ؟؟
واطلب مسبقا ألا يرمى احدكم نظرته للحياة على شماعة الحكومة .
شكرا لكم

master

[أسامة صلاح]

نسمع رأى الشباب
ولى عودة

[دمعة حدوته]

احم احم
اول شابه جت اهى
وسع ياسمسم قصدى افتح ياسمسم هههههههههههههه

بابايا العزيز اسمح لى ارد

؟
؟


انا بالنسبالى لو بعبر أحيانا عن شئ بالحزن والأسى وشايفه الحياه سوده
ده بسبب وجود الفراغ اولا
وبسبب ان الناس كلها دلوقتى بقت مصلحتى اولا
زمان مش كان فى مصلحتى اولا خاالص زمان كان الحب متبادل
لكن دلوقتى حتدينى ايه عشان أحبك
ولو مش حتدينى يبقى طريق السلامه مش حنعطلك
وهو ده اللى انا صادفته فى حياتى من قريب ومن غريب
لكن بصراحه بلجأ للصداقه يمكن لحد دلوقتى بفضل الله كل من صاحبتهم
بيحاولوا يرضونى أكتر مما أرضيهم انا
وده اللى بيخالينا شايفين الأسى والسواد بحياتنا
ومش معنا كده ان اهدافنا ضايعه نو فى اهداف بس بنحققها
سورى فى اللفظ واحنا قرفانين من نفسنا ومن اللى حوالينا
يعنى من غير نفس

وكفايا كده طولت
لو عايزين تانى اندهونى

سلاماتو بابى

[عدو المراة]

النجمة مالت ع القمر فوق في العلالي
قالت له شايفة ياقمر سواد وايام سوده قبالى
قال القمر بينا نسهر على المينا
ده النور على شط القنال انطفه وبقى فيه زراء وسنه مش معديه
الطمع ملى قلوب البشر وعدم القناعه بالرضا والمقسوم صدقنى احنا وصلنا لده واعلنا عنه بوضوح اما الفرق بين زمان فرق ما بين السما والارض زمان كان مفيش والناس عايشه لان كان فيه رضا وقناعه واتخرج شعراء وادباء وعلماءوفلاسفه ومفكرين من الزمن ده هايتكلم عنهم التاريخ الى ان تنتهى الدنيا دلوقتى لا مفيش حد بيتخرج من الزمن ده ال العوالم وال بيغيظ الواحد كل واحد حاطط النغمه على المبايل بتاعه محمد جبريل اللهم ما ارزقنا القناعه
هههههههههه
ومفيش عنده قناعه ابدا استحاله انه يرضى بالمقسوم بتاعه . كان زمان المراة بتغسل فى الترعه الهدوم والمواعين
وكانت مرتاحه وزى الفل لما جبنالها الاتماتك اتمرضت . كان فيه تليفزيون واحد عند العمده بس والبلد تروح تتفرج عنده على المسلسل بتاع الساعه تمانيه . دلوقتى دخل كل الامكانيات عند العجلاتيه والمنجدين والمكوجيه هههههه ومفيش فايده عاوز كمان
انته فاكر المسلسل ال كان زمان بيقول فيه مش فاكر اسمه
( الرضا بالمقسوم عباده يخوايش )
الرضا يامستر انعدم وعدم القناعه هتودينا فى ستين او سبعين داهيه
حد يزود
منجد بلدى

[بدر الدجى]

همة فعلا شباب اليوم بقى تفكيرهم عملى اكتر من جيل الامس
الاول كانوا بينظروا للشهادة والمركز الاجتماعى اكتر
الوقتى بيشوفوا الوضع والنظرة اتغيرت واصبحت المادة تحكم المظاهر
لكن انا فى رأيى انها تتوقف فى حكمها عند المظاهر فقط
دون المساس بالجوهر
يعنى فى النهاية لا يصح الا الصحيح وماينفعش نعيش بنظرة مادية بحتة للأمور
وطبعا اللى بيقول مشروع البلاى استيشن دا عملى جدا
لانه دا اللى شغال حاليا ويدر عائد مادى
مش عيب اننا نكون اذكياء وعمليين فى تفكيرنا
اللى مش حلو اننا نجرد احلامنا من المعنى
اعنى بذلك لازم يكون لحلمنا معنى مفيد مش مجرد ربح مادى



شكرا ليك ماستر ..