[master.ms]

انا سوف اقولها بطريقة اخرى
نظرا لعدم وجود اى خلاف بينى وبين الاخوة الاعضاء
لكن اقول
اذا تجاهل ايا من الاعضاء مواضيعى او تجاهلنى
اتجاهله واتجاهل مواضيعه حتى اذا كانت ذات مستوى
لان المعاملة بالمثل

هذا رأيى

[بنوتة عاقلة]

أحنا هنا في منتدي و الخلاف موجود و أكيد بين الاعضاء
بس المهم ان الاختلاف في الرأي لا يفسد للود قضية ..
وانا لو بيني وبين حد خلاف سواء خلاف شخصي او خلاف في الرأي
لا يمنع اني ارد علي موضوعاته بطريقة راقية و محترمة برضو مهما كان
لكن اذا العضو مش قابل لكلامي اصلا و ممكن الامور ما بيننا تحتدم تاني و يحصل خلاف يبقي افضل الرد هنا السكوت
والخلافات بصفة عامة انا مش بحبها لاني بعز كل الاعضاء اللي هنا
وربنا ما يجيب مشاكل ابدا
سلام

[الفهد الاسمر 1]

المشكلة مش فى انى اشارك
المشكلة فى صاحب الموضوع ومستواه الثقافى
بمعنى لو بيفصل بين الاختلاف فى الراى فأمر ما

وبين ثنائى على موضعه وهيقدر يعى ان ثنائى هذا
اعجابا بهذا الموضوع وليس تنازل منى عن مااختلفنا فى الراى فيه
سأشارك بالرأى بلا اى تردد

فالمسألة هنا ليست مقصورة على موقفى مع من اختلفت معه فى الرأى
بقدر ما هى متوقفه على رؤيته لتعقيبى

ثم لا تنسى يااختاه
قول رب العزة عن لسان الكفرة بالقران
ورفضهم للقران ولنبينا الكريم
حيث قال عن لسانهم

لولا نزل هذا القران على رجل من القريتين عظيم

والمسلم الحق لا يترك الفائدة لموقف مع قائلها

[ابو مـازن]

مش الخلاف هو اللي يخليني اتجاهل العضو ...

انعدام الثقافة عنده او تعصبه ع الفاضي او جهله بالحقائق ... هو ده اللي يخليني اتجاهل مواضيعه ...

[بدر الدجى]

انا لو عندى خلاف مع عضو او عضوة اكيد بمرور الوقت هانسى او هيخف اثر الزعل
واكيد لو اتقابلنا هاحاول من جهتى انى اتعامل معاه بطريقة مش مباشرة
لو حسيت منه باعراض هأشطبه من حياتى نهائيا
والدنيا مش بتقف عند حد اكيد والحاجات دى نصيب سبحان الله
احيانا بتكون نيتنا غير اللى بيحصل وتيجى ظروف تخليها توصل لكده
دى اقدار مافيش كلام

شكرا ليكى حبيبتى