[كيكو2444]

السلام عليكم و رحمة الله و بركاته أهل منتدي مصر,
إن شاء الله عن إقتناع بالأهمية هانقلكم حملة العفة في إمتنا,هدف جميل أتمني له النجاح علي مستوانا كأفراد و علي مستوي مجتمعنا الإسلامي الكبير و المصري ,إن شاء الله.

دي المقدمة و خطوة بخطوة هانقلكم المواضيع,و شكرا لوجودكم
ــــــــــــــــــــــــــــــــــــــــــــــــــ ـــــــــــــــــ
ظ…ظ‚ط¯ظ…ط© ط³ظ„ط³ظ„ط© ط§ظ„ط¹ظپط© ظپظٹ ط£ظ…طھظ†ط§ طھط¨ط¯ط£ ط¨ظ…ط¬ظ‡ظˆط¯ظ†ط§ | Facebook
مقدمة سلسلة العفة في أمتنا تبدأ بمجهودنا


السلام عليكم


العفة في أمتنا معني كبير مش مقتصرة على منع المواقع الإباحية من انها تدخل بيوتنا المصرية والعربية وجميع الدول الإسلامية وكل بيت مسلم وبس

العفة في أمتنا هي عودة الي أخلاق النبي صلى الله عليه وسلم , ليس فقط من أجل احياء سنته في ذكرى مولده الشريف , لأ

احياء سنة النبي صلى الله عليه وسلم لازم تكون على مدار حياة كل واحد فينا

طيب احنا ليه بنقول احياء ؟؟
عشان احنا بنكسل او بنتكاسل اننا نطبق سنة رسول الله , الا من رحم ربي

احنا في زمن حالي كلنا شايفين كم الإباحية الموجهة والموجودة في حياتنا , وبتهدد مستقبل كثير من الشباب والبنات

الإباحية في نظر كثير من الناس مجرد مناظر وأفلام وصور , بس الحقيقة ان الإباحية الموجهة لينا مش هدفها اننا نتفرج وبس

هدفها افساد الأخلاق بوجه عام , وإن الغلط يحصل في كل مكان , ويبقى العادي بتاعنا بدل ما نبقى التزام بمنهج وشرع رب العالمين , يبقى انحرافنا والسير وراء الشهوات و المحرمات هي متعتنا

مع ان رب العالمين قال " ومن أعرض عن ذكري فإن له معيشة ضنكا"
يعني مافيش متعة ولا راحة لينا الا مع التزامنا بمنهج وشرع رب العالمين
عشان كده لما بعدنا بنتعب , لما بنمشي وراء الشهوات بنندم , عشان كده لما بنشيل الدين من كل شئ في حياتنا بنضيع
قال الله تعالى " قل ان صلاتي ونسكي ومحياي ومماتي لله رب العالمين "

يعني كل حياتنا لله , مش لشهواتنا , وربنا حلل لنا الزواج عشان نقضي شهوتنا بالحلال ونأخذ ثواب ويكون المجتمع سوي ومتزن , فعندما ابتعدنا عن الدين وعن ما شرعه الله لنا كانت لنا الحياه الضنك
والضنك مش معناه الفقر , لان الفقر والغنى من قدر الله , ولا اعتراض عليه , لانه لافرق بين انسان وانسان الا بقدر تقواه لله

لكن الضنك معناه ضيق الصدر , ومعناه الخنقة , معناه الحزن عشان بعيد عن ربنا , لكن السعادة في الدين , والدين يسر , وبعد الفروض: الصلاة وصيام رمضان والزكاه للي عنده مال يجب فيه الزكاه
القليل بقى من الأعمال الصالحة والتي فيها جزء منها عبادة وجزء معاملة ولكن الأهم انها تكون فيها مداومة واستمرار , زي صيام السنن , زيارة المريض , زيارة الجار والصديق نشوف كتاب فيه فضائل الأعمال ونشوف قد ايه أعمال بسيطة وثوابها كبير , يلا نشتغل ونقرأ في اللي يفيدنا , ونعرف حياتنا ازاي ترضي ربنا بالقليل مش ليل ونهار صوم وصلاة وزكاه وبس, لأ الدين معاملة الدين علم ينفع الناس سواء طب سواء نجاره سواء حداده سواء أي شئ مفيد للناس المهندس مثلا لو مش موجود مين حيصمم ويبني ويعمر وغيره وغيره وغيره

جميل طيب

واحنا بنواجه مين؟؟؟
كل من له مصلحة في هدم الدين الإسلامي بوجه عام , اياً كانت ديانته واياً كان غرضه من هدم الدين

طيب أحنا المفروض نعرف ايه؟؟
ان الناس دوول عايزين الآتي

أولا الناس دي عايزة مننا ايه؟؟
عايزة تبوظ اخلاقنا بس , عايزة تبعدنا عن الدين بتاعنا , عايزة تخلينا محلك سر , يعني مستهلكين وبس هما ينتجوا ويكبروا ويصرفوا على حياتهم ويكسبوا مننا وبفلوسنا اللي بيكسبوها من ورانا يحاربونا بيها

عايزة حياتنا تحت عينيهم مافيش تقدم , مافيش جديد , واللي يطلع بجديد ياخدوه ويستفيدوا بالجديد ده ليهم في أي مجال

عايزة من تبويظ الأخلاق وابتعاد الناس عن دين الله وسنة رسول الله , الناس حتغش في كل شئ حتى في ارواح الناس , الكيماويات على الزراعة وقلة الضمير , وخدمة الناس بالرشوة وأدفع عشان تخلص وعشان حاجتك تمشي

طبعا كل الحاجات دي الا من رحم ربي , في ناس تعرف ربنا وبتعامل ربنا في كل شئ , والأهم رضا ربنا مش رضا عبد او مخلوق

لو اتكلمنا عايزة مننا ايه مش عايزين كتب ومجلدات , في كل مجال سواء علم , حتى الأرض يغتصبوها ويأخدوا خيرها , كل شئ , وفي ناس عارفه هما عايزين ايه كويس ودي نبذة بسيطة جداً عم الناس دي عايزة مننا ايه وبإذن الله جوه السلسلة نتكلم عن بعض النقاط المهمة

طيب

ثانيا واخيراً

ازاي نواجة الناس دي؟؟ وازاي نوقف زحفهم علينا وتبويظهم فينا ؟؟

لو قولت جواب الناس حتضحك وتقول قديمة

بس هو ده القديم والجديد اللي فيه حل لكل مشاكلنا
"الحل هو الإسلام" ايون , بس الإسلام بمعانيه الصحيحة , الإسلام بتطبيقه , الإسلام في اخلاق النبي , يعني الصدق في كل شئ في البيع والشراء والتجارة والصناعة والزراعة وكذلك الأمانة وكذلك الأخلاص في كل شئ وان كل الأعمال دي عشان رضا ربنا , مش رضا مخلوق

الصدق الأمانة الأخلاص الكرم العطف العفو التسامح وغيرها كثير , ونقرأ سيرة رسول الله عشان نعرف باقي صفاته اللي فعلا لو موجودة في كل مسلم مش حنواجه كل المشاكل اللي بنواجهة حاليا

طيب دي الأخلاق والمعاملات , طيب والأعمال الصالحة
برضة من أعمال الرسول صلى الله عليه وسلم , واللي منها الفرض والسنة

الصلاة الصيام الزكاة الصدقة الحج زيارة المريض خدمة الناس ازاحة الأذى عن كل مسلم ومن الطريق حق الجار و و و و و

وصلى اللهم وبارك على سيدنا محمد

السلسلة بدأت ودي المقدمة وبإذن الله تنشروها معانا بالترتيب

وجزاكم الله خيراً

[LOVE IS LOVE]

موضوع مفيد جدا ياكيكو

جزاك الله كل خير وجعله فى ميزان حسناتك

[كيكو2444]

[align=center]آمين,
و ربنا يباركلك في عملك و علمك ,
و ربنا يجازي خير القائمين علي الحملة,
نورتي.[/align]

[أسامة صلاح]

[كيكو2444]

[align=center][align=center]العفو يا أبو سيف ربنا يكرمك علي تنشيطك للموضوع
بعتذر عن إهمالي للموضوع فبقالي كتير ما دخلتش علي المجموعة.
[/align][/align]