ليا قريب مشهور في العيله إنه محترم ونظيف جدا لا يأخذ رشاوي ويقف بجانب الفقراء والمطحونين في بلد أصبح لا يرى إلا أصحاب النفوذ. الراجل ده بيشتغل مهندس حي في أحد محافظات مصر، وهو مهندس بدرجة عالية يعني خبرة حوالي 20 سنوة وواخد وضعة (بالحلال) في الحي.
يعني الخلاصة واحد من قله في مصر اللي ماشي صح، عاملا بالمثل إمشي صح يحتار عدوك فيك.....
المهم، واحد واصل من الحزب الوطني، راجل أعمال ملايين وأراضي وبلا أزرق، حاول يرشية علشان يمضي على إخلاء قطعة أرض كبيرة عليا شوية محلات إيجار قديم أصحابها ناس غلابة،،،، طبعا قريبي الدكر قال لا، ده ما يرضيش ربنا، ومصر هي أمي ورأفت الهجان وجمعة الشوال.
كانت النتيجة إنه أخذ جائزة الدولة التقديرية والراجل الواصل ده عمل إعتذار...
أسف كنت باحلم، جائزة الدولة التقديرية دلوقتي بتطلع للي بيشككو في الإسلام،،، قريببي مرمي في السجن متلفق له قضية رشوة،، علشان رفض الرشوة وحب يرضي ضميره.
النهارد وبعد 45 يوم حجز احتياطي من غير دليل، القاضي بيقوله أنا عارف إنك بريء بس ما أقدرش أطلعك!!!!!!
حدث ولا حرج....
يا بلد بايظة يا بلد وسخة ومالكيش مكان للشرفا،،،، يا أخي لو مصر هي أمي يبقى ك....مي.
العرض العادي
