[اوشة زعقوقة]

السلام عليكم و رحمة الله.....
عندى مشكلة
و أتمنى انكوا تساعدونى لو قدرتوا برى او نصيحة ومعلش لو نزلت المووضع هنا فانا ملقتش مكان عام انزل ية الموضوع غير هنا
أنا دلوقتى فى سنة خامسة طب
و مشكلتى إنى من حوالى 4 سنين
يعنى زى دلوقتى كدة فى سنة أولى و يمكن قبل دلوقتى كمان
حسيت بندم فظييييييييييييييييييييييييييييييع إنى دخلت طب
مش مجرد إحساس إنى متضايقة و بس لأ أنا فعلا بحسد الناس اللى فى أى كلية تانية و بكره جدا الواقع اللى أنا عايشة فيه
و بقى نفسى أنى أرجع تانى للحظة ما دخلت الكلية و أغير الرغبة قبل فوات الأوان
لكن مقدرتش أحول
يمكن مش عندى الشجاعة الكافية أو لأنى مش واثقة انى مش هندم لو حولت او عشان خيبة امل اهلى فيا بالرغم من انهم مأجبرونيش عليها لكن برضه هيزعلوا
المهم انى فضلت فيها
و سنة ورا التانية لقيت نفسى بكبر و حاسة ان عمرى بيضيع منى من غير لازمة
انا مش مبسوطة اغلب الوقت بالرغم من انى مستمرة فيها
بقعد اضحك على نفسى
يا جماعة انا كل يوم بموت من الحيرة وبموت من الخنقة
و الموضوع دة بيخلينى اهمل فى دراستى خصوصا همومى الى قبل كدة الى هيا وفاه امى من شهرين فى حادثة
بجد مش عارفة اعمل اية ولا حلاقيها من مين ولا من مين
يعنى انا عندى امتحان باطنة و اطفال عملى و مش عارفة اعمل فيهم ايه
و لما ضغط الامتحانات بيهاجمنى ببقى حاسة انى هموت
انا نفسى احس انى طبيعية
نفسى اخرج اتفسح من غير احساس بالذنب نفسى احس انى مرتاحة بقا حتى الانسانة الى ارتحتلها هنا باعتنى وحزفتنى وقطعت كل الخيوط الى بينا
كل ما افكر انى بضيع كل الوقت دة بتجنن
انا لو كنت فى أى كلية عادية كان زمانى اتخرجت
انا عارفة انها أفكار كئيبة لكن هى دى أفكارى
دايما بتمنى لو كنت مت قبل ما أدخل الكلية دى
و ساعات بدعى ربنا انى اموت و بعدين استغفره
و لما بفكر انى اصبر لحد ما اتخرج و بعدين اشتغل فى حاجة تانية
ببقى هتجنن انى بضيع كل السنين دى
بس انا فعلا مش عارفة اذا كنت بحب الكلية و لا بكرهها
يعنى الحالة المزاجية عندى متقلبة
لكن الاغلبية العظمى من الوقت ندمانة على انى دخلتها
و بحس انى مش انسانة طبيعية زى بقية الناس
و انا طول عمرى حياتى هى دراستى
معنديش حاجة تانية
اعمل ايه حد يقوللى يا جماعة
اى حد عنده اى افكار يقولها
انا حاسة انى هيجيلى الضغط او السكر
كل حياتى ملهاش اى معنى و لا اى لزمة ولا بعمل اى حاجة عليها القيمة
حاولت انى اعمل انشطة برة الدراسة لكن دايما بفشل انى اخد خطوة انا حتى اوقات بعد افكر واقول فكرى وشوفى لية ربنا خلاكى كدة واعد اقول مفيش احلى من انى امسح دمعة مريض بس برجع تانى لفكارى الخنيقة
يا رب انا نفسى اخلص من الموضوع دة
ارجوكوا ساعدونى يا جماعة
اختكم اوشة

[romantic prince]

بسم الله الرحمن الرحيم
وما ابرىء نفسي أن النفسي لأماره بالسوء
اقسملك بالله العظيم كل دا من خرافات نفسك
وانتى لو كنتى فى اى كليه تانيه ومتدخلتيش طب كنتى هتزعلى
فارض بما كتبه الله لك تكن اغنى الناس
بجد الكلام فى دماغى كتير اوى ومش قادر اوصله ليكى ازاى
غير انى اقدر اقولك والله اقسم بالله مش هتقدرى تحسى فعلا انك دخلتى طب السنه اللى بعد الجايه لما تبداى بقى تبقى دكتوره بجد
هترتاحى نفسيا جدا
على الاقل خالص علشان ولدتك تبقى مرتاحه وهى فى ملاقاه ربها
ركزى واستهدى بالله واستعينى به
اقراى القران
وذكرى
ودا اللى اقدر اقوله
على فكره انا فى علوم
اخوكى محمد

[very egyption]

الاول يا بنتي قولي
اعوذ بكلمات الله التامه
من كل شيطان وهامه
ومن كل عين لامه

بصي عشان توصلي مع نفسك لنتيجه لازم حاجتين مهمين جدا

الاولى الصدق
والتانيه تسالي نفسك الاسئله دي
وتجاوبي عليها بكل صدق وامانه

الندم ده ليه حاسه بيه
عشان هي دراسه طويله ومتعبه
واللا عشان دراسه مش بتحبيها
انا عندي ظن في دماغي

لكن مش حاقوله اللا لما تجاوبي الجابه السليمه

واستعينوا بالصبر والصلاه
وانها لكبيرة اللا على الخشعين
الذين يظنون انهم ملاقوا ربهم
وانهم اليه راجعون

صدق الله العظيم
واظنه الشيطان يابنتي
يدخل لك من هذا المدخل ليضيع عليكي نجاحك
ثم تفشلين باقي حياتك
وعندها تندمين بحق حيث لا ينفع الندم

استعيذي بالله من الشيطان الرجيم
حصني نفسك بسورة البقرو والاخلاص والمعوذتين
وشقي طريقك بنجاح
وان شتء الله سوف تكونين صاحبه رساله اعلى واسمى من كل الرسائل
عندما يجعل اللع شفاة انسان او نجاته من الموت على يديك
عندها فقط شتعرفين قيمه ماأنت تدرسين

وعندها لا تنسي امك التي فقدت حياتها في حادث سيارة
وهي تحلم بابنتها الدكتورة الانسانه

وان شاء الله كلنا معاك وبجانبك
ولو اردتي سيئا
انا تحت امرك

[أسامة صلاح]

[align=center]
ينقصك الرضا بقضاء الله
تقربى إلى الله
أصدقى مع نفسك تفتح لكِ الحياه
[/align]

[dody15]

[align=center]
اوشة حبيبتى
احب اقلك اولا قوى ايمانك جدا
وتخيلى انا برضك بقول نفس كلامك قبل ما تظهر النتيجة جالى احباط والله
وبعدين فعلا مش هتندمى لما تسمعى كلمة دكتورة اوشة
واحتمال يكون الاكتئاب ده يكون جالك من عدم وجود اصدقاء حقيين فى الحياة من الكلية او من ايام الثانوى
يعنى فيش حد تتكلمى معاه وتفضفضى بس ده كل اللى فى بالى حاليا مش عارفة اقولك ايه تانى؟

[/align]