| التسجيل |
| النقاشات الجادة منتدي خاص بطرح و مناقشة المواضيع الجادة اللي تهم كل مصري |
 |
| مشرفة فى منتدى مصر
 |
سمعت عن مشروع حلم العلم قبل كده؟ الفكرة ببساطة هى .. ... ببساطة إتبرع ولو بجنيه علشان نعمل بحث علمي في مصر .. هو مش بالضبط جنيه ولكن أقرب إلي ألفين وخمسمائة جنيه كل سنة لمدة عشر سنين من أربعين ألف مواطن .. يعني تقريبا (25 ف 40 ومعانا الألف ونزود تلات أصفار ناقص خمستاشر يبقي) مليار جنيه في عشر سنين بمعدل مئة مليون جنيه مصري في السنة .. دول نحل بيهم مشاكل البحث العلمي في مصر ونجيب بالباقي عصير قصب إن شاء الله جينا بقى للتنفيذ الناس كانت نيتها كويسة وحابة تنفذ لكن المشكلة طلعت مش فى الفلوس المشكلة فى الادارة زى ماحصل فى مشروع جامعة زويل اللى ماتمش .. إيه اللي حصل فيها .؟؟ مات المشروع .. وراح غير مأسوف عليه من الحكومة ومبكي عليه بالدم مش الدمع مننا .. مشكلتنا مش في الفلوس .. مشكلتنا في الإرادة .. إحنا مش عايزين يا أخي ... ليه تحرج الحكومة بالشكل ده ... الناس بقالهم سنين طويلة مخصصين أقل من نصف في المئة من الدخل القومي للبحث العلمي وكمان طنشوا مشروع جامعة أحمد زويل .. يعني لو مفهمتش من الإشارة عبر السنين الطويلة إفهم من الفعل المباشر .. عيب تحرج الناس بالشكل ده .. ترضي حد يعمل فيك كده .. وبعدين لما بدأوا يدخلوا في التفاصيل .. نعمل قانون .. لا نعمل قرار جمهوري .. زي ما يكون القانون هيتنفذ ولا القرار الجمهوري هيتبع .. عاملين زي واحد وزنه عدي المئة كليو فقال أنا لو جيبت مشاية بتاعة الجيم في البيت هي ديه اللي هتساعد إني أفقد الوزن لأني بأكسل أروح الجيم ولا أنا أنزل أجري ... أديني جيبت المشاية ودفعت فيها دم قلبي .. ولعبت عليها ولما نفسي إتقطع بطلت ... لا وجودها قدامي طول الوقت ساعد .. ولا الفلوس اللي إتدفعت دفعتني لإني أتشجع .. لأني الحقيقة المرة إني مش عايز .. والحكومة مش عايزة .. بلاش كده ده حتي الغصب حرام .. ليه المشروع مش هينجح .. الحكومة مش عايزة بحث ولا نيلة ..
__________________  | | |||
| مشرف فى منتدى مصر
| | ||
| مصرى نشيط
|
والله يا استاذه بدر الواحد تعب من كتر الكلام عن الحكومه دى و مشاكلها من ناحية الإراده احنا عايزين فى كل شارع فى مصر هتلاقى عقليه علميه عاليه جدا بس مين يقدرها و مين يساعدها لو دورتى هتلاقى ألاف الأبحاث العلميه اللى اترمت فى الأدراج و محدش عرف عنها حاجه دى خطط و سياسات بتتنفذ بدقه تحيتى ليكى حبيبتى
__________________ _________________ ما أصعب الوداع حين يكون بلا دموع _____________________ سبحانك اللهم إنى ظلمت نفسى و إن لم تغفر لى و ترحمنى لأكونن من الخاسرين ___________  | | |||
| مصري حتى النخااااااااااع
| | ||
| مصرى مشارك
| | ||
|
| مواقع النشر |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
| التسجيل | التعليمات | قائمة الأعضاء | التقويم |
العرض العادي
