[موعد حب]

السلام عليكم ورحمه الله وبركاته
انتشرت ظاهره في الاونه الاخيره في مجتمعنا وهيه البلطجه ولما اقول البلطجه مقصدش بس البلطجيه اللي بيمشوا معاهم مطاوي وبيطيحوا في الناس يمين وشمال لا فيه بلطجيه بردوا مثقفين متعلمين ومعاهم شهادات بس كل واحد دلوقتى بقى شعاره بلطج تعيش محدش يا خد حقه اللا بالقوه سواء كان حقه او مش حقه
تخيلوا ان حتى في ازمه الانبايب بقت الناس بتاخد الانابيب من بعضها بالبلطجه وبالعافيه والقوه ومش بس في ازمه الانابيب لا ده بقى في كل حاجه في المواصلات عادي لما تزق وتوقع اللي قدامك او اللي وراك المهم تركب
طوابير للعيش او غيره تتخانق وتزعق وتاخد مكان غيرك وتتحرق الناس المهم انك تاخد اللي انت عايزه
وحجات كتيره اوي بقينا بنستعمل البلطجه فيها عشان نحصل عليها وكان مفيش وسيله غير انك تبلطج عشان تاخد حقكوالمهم انت وخلاص مش مهم بقيت الناس مهماكانوا
انا مبقيتش عارفه هنوصل لغايه فين بعد كده
ربنا يستر

[bos bos _18]

فعلا عندك حق الكلام ده بيحصل كل يوم
الدنيا علشان الواحد يعرف يعيش لازم يعرف يتعامل مع البلطجية دول
والا هيموتوه

[موعد حب]

شكرا لك على المرور واسعدتنى مشاركتك.