[يسرى حسن]

طيارة فيها خمس ركاب من تنقذ؟؟؟؟؟؟
تلقيت إتصالا عاجلا من طائرة توشك أن تقع الطائرة تحوي 5 ركاب ومظلة إنقاذ وحيدةالجو مشحون بالخوف والترقب..
كل الركاب يطلبون مساعدتك كي تختار من يستحق النجاة منهم
هذه إستغاثاتهم

كابتن الطائرة:
أنا أب لأربعة أطفال, خامسهم سيأتي بعد شهر, أمهم تحبني بجنون, أسرتي الصغيرة تحتاجني, لا عائل لهم سواي, أرجوك تفهم موقفي.. حاولت إنقاذهم وفشلت.. كل محركات الطائرة تحترق.. كلنا سنموت بعد دقائق. منذ ثلاثة أيام وأنا في الأجواء من بلد لبلد, فقط ساعة وسأكون مع أسرتي ..إنهم ينتظرون هداياي الآن..! أرجوك.. قدّر معنى أن تكون أباً.


سيدة حامل:
أنا في الشهر الثامن , شهر وسنكون أثنان..! نحن أثنان بالفعل, تفهّم حالتي.. نحن أثنان..!
هذا الجنين ما ذنبه أن يحرم الحياة..؟ وأنا التي أحضنه.. ألا أستحق طوق النجاة هذا.؟ نتعب ونتألم كي نمنحهم الحياة, ولا نمنح نحن هذه الحياة.!
أرجوك..
كلهم يبحثون عن حياتهم.. أنا ابحث عن حياة لأثنين!.
إخترني.

طبيب جراح :
كنت في طريقي لمستشفى لإجراء عملية قلب غدا.. تفهم شعور ذلك المريض الذي ينتظرني.. لا يوجد أحد قادر على إجراء عمليات معقدة كهذه سواي.. فكر في مئات المرضى الذين ينتظرونني.. فكر في عشرات الأطباء الذين سيأخذون مني علم يخدم البشريه. لا تهمني الحياة بقدر ما تهمني حالات المرضى الذين ينتظرونني. ستقوم بعمل عظيم لو اخترتني.


مغترب:
ياااه, ما أقسى الحياة, تغربت طويلا لأجل لقمة عيش لا تأتي إلا من البعيد, قريتي التي غادرتها منذ عشرين سنه على مقربة مني الآن, كل هذه السنوات لم استطيع أن آتي.. .. ما أصعب من أن تحرم من وطنك.. وعندما يستقبلك هذا الوطن من جديد.. تحرم من الحياه!. على ساعه فقط! تخيّل بعد ساعه, أنتظر كل هذا الزمن وتحرمني ساعة وحيدة من لقاء أحبتي.. أمي.. أبي.. اخوتي الذي تركتهم صغارا.. وأصدقائي و الأزقة التي ملأتها صراخا يوم كنت صغيرا. أنا منهار صدقني. كل أحلامي بلقائهم ستتبدد إن لم تخترني.


طفلة ( 9 سنوات)
أنا صغيرة, كلهم جربوا الحياة طولا وعرضا, وجابوا دهاليزها, أنا في بداية الطريق,
أشعر بالأمل وومملوءة بالطموح وبالفرح وبالغد المشرق أنا.
ألا أستحق أنا الحياة التي يتشبثون بها!؟أخترني ولا تحرمني غدي.



الآن و بعد أن سمعت نداءتهم وإستغاثاتهم..
من تمنح طوق النجاة الوحيد.. ؟؟؟؟؟؟؟الخيار خيارك... قف مع نفسك بصدق.. وقل من ستختار لينجو.. وبعدها رتب البقية حسب إستحقاقهم للحياة من وجهة نظرك.
لا تنظر للإختبار وكأنه إختبار نفسي عابر...
لا...
تقمص الدور تماما..
تخيل تلك الإستغاثات وهي تعبرك..
تخيّل صراخهم وتشبثهم بالحياة..
وأنت من ستقرر من ستختار.. ويجب أن تختار.

فى انتظار ردودكم

[بدر الدجى]

انا هأرمى مظلة الانقاذ
لانه صعب افضل حد عن حد فى موقف زى دا
لان كل واحد عاوز يعيش ومعتبر اللى وراه وعايش ليه اهم من غيره
يبقى نخليهم يلاقوا قدرهم من غير المظلة وكل واحد يأخذ نصيبه
فالمواساواة فى الظلم عدل
شكرا ليك يسرى

[zahraaa]

راي بجد وبكل صراحه
انا هديها للكابتن بتاع الطياره لان له اسره واطفال وناس محتاجينه وملهمش غيره

مش هديها للمراه الحامل لانها حامل وهتجيب طفل يتعذب في الدنيا الوحشه اللي احنا عايشين فيها دي فملوش لزمه تموت هي وهو احسن

الطبيب الجراح ده بقي ممكن غيره يعمل العمليه فمش هتفرق حتي لو العمليه منجحتش بايد غيره فالمريض ده مكتوب له حاجه هيشوفها يعني هيشوفها سواء بايد الطبيب ده او بايد غيره فمش هتفرق اصلا


اما المغترب ده فهو واخد علي كده اصلا موت موت يعني مش هتفرق يعني عشت طول عمرك مغترب وجاي دلوقتي عايز تعيش كويس وترجع يعني ما هي غربه بغربه ويمكن الموت احسن كمان من الدنيا والحياه دي


اما الطفله التسع سنوات دي فوالله الموت احسن لها هتعيش ليه وهتكمل في الدنيا ليه وتقعد تجرب وتفشل وتجرب وتفشل طيب ما تموت وترتاح وخلاص واهو في الاول ولا في الاخر ميته ولازم تعرف ان الحياه مبقاش فيها شئ حلو يستحق العيشه اصلا عشانه

وكمان الله يكون في عون الكابتن بتاع الطياره الله هينقذ ده هيعيش عشان يكمل صعوبات الحياه

شكرا ع موضوعك

[ابو مـازن]

هو صحيح كل واحد فيهم بيقول يله نفسي ... بس ده يعتبر طبيعي لان الحياه غاليه ... لكن الاغلى منها الناس اللي منتظرانا ...

علشان كده انا بقول الطيار اولى ... و كمان الطيار ماذكرش نفسه حتى ... ده افتكر زوجته و اولاده ...

و بعدين انت بتحيرنا معاك ليه يا عم يسري ... لا فيه طياره ولا حاجه ... ده موقف افتراضي ... هاهاها ...

[سنحيا بالقران]

أولا بشكرك علي التوبيك

لأنه سمح لكا شخص يشوف نفسة وتصرفة ازاي في المواقف دي

حتي لو كان الموضوع افتراضي

واو كل واحد منهم اسبابة للحياة صادقه وصريحة

أنا هختار أنقذ الطبيب الجراح

لأني مش هنقذ حياة شخص واحد هنقذ حياة ناس كتير تعبانة و

الطبيب

هو السبب في استكمال حياتهم وبكدة انا بنقذ حياة ناس كتير

وطبعا الحياة والموت دة بأيد ربنا

لان أصعب حاجة في الدنيا المرض وأنك تشوف شخص بيتألم

أما باقي الافراد فربنا مش بينسي عبادة


تقبل مروري