[متريكس]

احنا كلنا بنتعرض للإهانة في مدارسنا وجامعتنا و القانون اللي ماشي دلوقتي ""معاك فلوس اتعلم ممعكش يبقي تاخد علي أفاك "" ولو انت عايز تخش مثلا كلية هيا من حقك يبقي لازم يكون معاك واسطة علشان تخشها مع انها من حقك ولو اشتكيت يبقي لا حياة لمن تنادي ويمكن تجيلك العربية السودة وكل ده واحنا ساكتين بس لحد امتا حنفضل ساكتين احنا كل مبنسكت هما بيزيدوا في جبروتهم فأكيد انت أو حد من قاريبك أو أصحابك حصله موقف زي ده وحس بالظلم وخالد جمع بعض المشكلات زائد مشكلته اللي هيا انه دلوقتي في سنة 3اعلام مع انه المفروض يكون في 4 بس لازم الرشوة 10باكوات علشان يكمل مع انه من حقه فهو راح سافر القاهرة النهاردة وراح قناة دريم قالولو انت واحد بس وابقي جمع 15 ولا 20 واحد وبعدين ممكن حتي نبقي نجبلك حتي وزير التعليم وهوا لسة مش عارف يكلم حد

وعلي فكرة هوا وصل هناك من الضهرية أو العصرية كده ولحد دلوقتي هوا في الشارع و ملهوش حد قريبو هناك علشان يبات عنده وهوا قالها بصراحة ""لو لزم الأمر حنام في الشارع بس حقي ميضعش"" أرجوكم يا جماعة لو كنت من أي محافظة انشاالله حتي من أسوان وليك حق أو اتظلمت في المدرسة أو الجامعة جهز ورأق وكلمه علي تليفونه وهوا بيقولكم انشرو الموضوع ده في أي منتدي تعرفوه و كلموه مش لازم تكون جاي معاه حتي شجعه وفي الاخر ده بيدافع عن حقنا في تعليم أفضل أتمني ان رسالتي تكون وصلت ونساعد بعض ونفوق بقي وندافع عن حقنا

أرجوكممممممممممممممممممممم و أمانة عليكم تنشرو الموضوع وتتحركوا في سبيل حقكم
الامر جاد وهام جدا الموضوع مفهوش هزار
نفسي اتلقي حتي ولو رد من واحد بس
نمره تليفون خالد0124412536

[Feeling Angel]

حط تلفون خالد فى الموضوع و انا هثبتلك الموضوع فتره عشان اللى عندو مشكله و انا هعمل نسخه من الموضوع فى قسم الشئون الداخلية كمان

[أسامة صلاح]

يا عم صبراوى حتثبت اية وموضوع اية....ودريم اية....البلد ضاعت من زمان....ومدام هو حلف يبات فى الشارع حيبات فى الشارع....البلد دى مش بلدنا....دى بلدهم.......بلدنا بلد الطيبين....بلد النظافة والايمان والتقوى والخير..........وهما للاسف.........لا تعليم ولا ادب....بيع فى البلد وامو الولد وامو العيال الشقيانيين....واحنا بنعيط ع الجبين........احنا حنفضل مزروعين...من غير حصاد..........جاهد...عافر...يمكن تعمل حاجة...احنا بقلوبنا معاك....حندعيلك........ربنا يوفقك....قول حسبى الله ونعم الوكيل........الشيطان قالة اتقى الله....وهو مش راضى.........

[Feeling Angel]

بدل ما اعيط يا اسامة و العن الظلمة اللى احنا فيها خلينى وخيلكم نحاول نولع شمعه حتى

[أسامة صلاح]

شمعة ...انت فى صحراء جرداء لا زرع فيها ولا ماء بقالها 7000 سنة بتتنهب من ايام تحتمس واحمس رحمة الله عليهم الى الان